| Library / Tipiṭaka / តិបិដក • Tipiṭaka / ចរិយាបិដកបាឡិ • Cariyāpiṭakapāḷi |
៣. កុរុរាជចរិយា
3. Kururājacariyā
២០.
20.
រាជា ធនញ្ចយោ នាម, កុសលេ ទសហុបាគតោ។
Rājā dhanañcayo nāma, kusale dasahupāgato.
២១.
21.
‘‘កលិង្គរដ្ឋវិសយា, ព្រាហ្មណា ឧបគញ្ឆុ មំ;
‘‘Kaliṅgaraṭṭhavisayā, brāhmaṇā upagañchu maṃ;
អាយាចុំ មំ ហត្ថិនាគំ, ធញ្ញំ មង្គលសម្មតំ។
Āyācuṃ maṃ hatthināgaṃ, dhaññaṃ maṅgalasammataṃ.
២២.
22.
‘‘‘អវុដ្ឋិកោ ជនបទោ, ទុព្ភិក្ខោ ឆាតកោ មហា;
‘‘‘Avuṭṭhiko janapado, dubbhikkho chātako mahā;
ទទាហិ បវរំ នាគំ, នីលំ អញ្ជនសវ្ហយំ។
Dadāhi pavaraṃ nāgaṃ, nīlaṃ añjanasavhayaṃ.
២៣.
23.
‘‘‘ន មេ យាចកមនុប្បត្តេ, បដិក្ខេបោ អនុច្ឆវោ;
‘‘‘Na me yācakamanuppatte, paṭikkhepo anucchavo;
មា មេ ភិជ្ជិ សមាទានំ, ទស្សាមិ វិបុលំ គជំ’។
Mā me bhijji samādānaṃ, dassāmi vipulaṃ gajaṃ’.
២៤.
24.
ជលំ ហត្ថេ អាកិរិត្វា, ព្រាហ្មណានំ អទំ គជំ។
Jalaṃ hatthe ākiritvā, brāhmaṇānaṃ adaṃ gajaṃ.
២៥.
25.
‘‘តស្ស នាគេ បទិន្នម្ហិ, អមច្ចា ឯតទព្រវុំ;
‘‘Tassa nāge padinnamhi, amaccā etadabravuṃ;
‘កិំ នុ តុយ្ហំ វរំ នាគំ, យាចកានំ បទស្សសិ។
‘Kiṃ nu tuyhaṃ varaṃ nāgaṃ, yācakānaṃ padassasi.
២៦.
26.
‘‘‘ធញ្ញំ មង្គលសម្បន្នំ, សង្គាមវិជយុត្តមំ;
‘‘‘Dhaññaṃ maṅgalasampannaṃ, saṅgāmavijayuttamaṃ;
តស្មិំ នាគេ បទិន្នម្ហិ, កិំ តេ រជ្ជំ ករិស្សតិ។
Tasmiṃ nāge padinnamhi, kiṃ te rajjaṃ karissati.
២៧.
27.
‘‘‘រជ្ជម្បិ មេ ទទេ សព្ពំ, សរីរំ ទជ្ជមត្តនោ;
‘‘‘Rajjampi me dade sabbaṃ, sarīraṃ dajjamattano;
សព្ពញ្ញុតំ បិយំ មយ្ហំ, តស្មា នាគំ អទាសហ’’’ន្តិ។
Sabbaññutaṃ piyaṃ mayhaṃ, tasmā nāgaṃ adāsaha’’’nti.
កុរុរាជចរិយំ តតិយំ។
Kururājacariyaṃ tatiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ចរិយាបិដក-អដ្ឋកថា • Cariyāpiṭaka-aṭṭhakathā / ៣. កុរុរាជចរិយាវណ្ណនា • 3. Kururājacariyāvaṇṇanā
