| Library / Tipiṭaka / திபிடக • Tipiṭaka / மிலிந்த³பஞ்ஹபாளி • Milindapañhapāḷi |
7. கூபங்க³பஞ்ஹோ
7. Kūpaṅgapañho
7. ‘‘ப⁴ந்தே நாக³ஸேன, ‘கூபஸ்ஸ ஏகங் அங்க³ங் க³ஹேதப்³ப³’ந்தி யங் வதே³ஸி, கதமங் தங் ஏகங் அங்க³ங் க³ஹேதப்³ப³’’ந்தி? ‘‘யதா², மஹாராஜ, கூபோ ரஜ்ஜுஞ்ச வரத்தஞ்ச லங்காரஞ்ச தா⁴ரேதி, ஏவமேவ கோ², மஹாராஜ, யோகி³னா யோகா³வசரேன ஸதிஸம்பஜஞ்ஞஸமன்னாக³தேன ப⁴விதப்³ப³ங், அபி⁴க்கந்தே படிக்கந்தே ஆலோகிதே விலோகிதே ஸமிஞ்ஜிதே பஸாரிதே ஸங்கா⁴டிபத்தசீவரதா⁴ரணே அஸிதே பீதே கா²யிதே ஸாயிதே உச்சாரபஸ்ஸாவகம்மே க³தே டி²தே நிஸின்னே ஸுத்தே ஜாக³ரிதே பா⁴ஸிதே துண்ஹீபா⁴வே ஸம்பஜானகாரினா ப⁴விதப்³ப³ங். இத³ங், மஹாராஜ, கூபஸ்ஸ ஏகங் அங்க³ங் க³ஹேதப்³ப³ங். பா⁴ஸிதம்பேதங், மஹாராஜ, ப⁴க³வதா தே³வாதிதே³வேன ‘ஸதோ, பி⁴க்க²வே, பி⁴க்கு² விஹரெய்ய ஸம்பஜானோ, அயங் வோ அம்ஹாகங் அனுஸாஸனீ’’’தி.
7. ‘‘Bhante nāgasena, ‘kūpassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, kūpo rajjuñca varattañca laṅkārañca dhāreti, evameva kho, mahārāja, yoginā yogāvacarena satisampajaññasamannāgatena bhavitabbaṃ, abhikkante paṭikkante ālokite vilokite samiñjite pasārite saṅghāṭipattacīvaradhāraṇe asite pīte khāyite sāyite uccārapassāvakamme gate ṭhite nisinne sutte jāgarite bhāsite tuṇhībhāve sampajānakārinā bhavitabbaṃ. Idaṃ, mahārāja, kūpassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena ‘sato, bhikkhave, bhikkhu vihareyya sampajāno, ayaṃ vo amhākaṃ anusāsanī’’’ti.
கூபங்க³பஞ்ஹோ ஸத்தமோ.
Kūpaṅgapañho sattamo.
