| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೧೦. ಕುಮುದಮಾಲಿಯತ್ಥೇರಅಪದಾನಂ
10. Kumudamāliyattheraapadānaṃ
೫೪.
54.
‘‘ಉಸಭಂ ಪವರಂ ವೀರಂ, ಮಹೇಸಿಂ ವಿಜಿತಾವಿನಂ।
‘‘Usabhaṃ pavaraṃ vīraṃ, mahesiṃ vijitāvinaṃ;
ವಿಪಸ್ಸಿನಂ ಮಹಾವೀರಂ, ಅಭಿಜಾತಂವ ಕೇಸರಿಂ॥
Vipassinaṃ mahāvīraṃ, abhijātaṃva kesariṃ.
೫೫.
55.
‘‘ರಥಿಯಂ ಪಟಿಪಜ್ಜನ್ತಂ, ಆಹುತೀನಂ ಪಟಿಗ್ಗಹಂ।
‘‘Rathiyaṃ paṭipajjantaṃ, āhutīnaṃ paṭiggahaṃ;
ಗಹೇತ್ವಾ ಕುಮುದಂ ಮಾಲಂ, ಬುದ್ಧಸೇಟ್ಠಂ ಸಮೋಕಿರಿಂ॥
Gahetvā kumudaṃ mālaṃ, buddhaseṭṭhaṃ samokiriṃ.
೫೬.
56.
‘‘ಏಕನವುತಿತೋ ಕಪ್ಪೇ, ಯಂ ಪುಪ್ಫಮಭಿಪೂಜಯಿಂ।
‘‘Ekanavutito kappe, yaṃ pupphamabhipūjayiṃ;
ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ॥
Duggatiṃ nābhijānāmi, buddhapūjāyidaṃ phalaṃ.
೫೭.
57.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಕುಮುದಮಾಲಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā kumudamāliyo thero imā gāthāyo abhāsitthāti.
ಕುಮುದಮಾಲಿಯತ್ಥೇರಸ್ಸಾಪದಾನಂ ದಸಮಂ।
Kumudamāliyattherassāpadānaṃ dasamaṃ.
ತಸ್ಸುದ್ದಾನಂ –
Tassuddānaṃ –
ಆರಕ್ಖದೋ ಭೋಜನದೋ, ಗತಸಞ್ಞೀ ಪದುಮಿಯೋ।
Ārakkhado bhojanado, gatasaññī padumiyo;
ಪುಪ್ಫಾಸನೀ ಸನ್ಥವಿಕೋ, ಸದ್ದಸಞ್ಞೀ ತಿರಂಸಿಯೋ।
Pupphāsanī santhaviko, saddasaññī tiraṃsiyo;
ಕನ್ದಲಿಕೋ ಕುಮುದೀ ಚ, ಸತ್ತಪಞ್ಞಾಸ ಗಾಥಕಾತಿ॥
Kandaliko kumudī ca, sattapaññāsa gāthakāti.
Footnotes:
