| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
១០. កុមុទមាលិយត្ថេរអបទានំ
10. Kumudamāliyattheraapadānaṃ
៥៤.
54.
‘‘ឧសភំ បវរំ វីរំ, មហេសិំ វិជិតាវិនំ;
‘‘Usabhaṃ pavaraṃ vīraṃ, mahesiṃ vijitāvinaṃ;
វិបស្សិនំ មហាវីរំ, អភិជាតំវ កេសរិំ។
Vipassinaṃ mahāvīraṃ, abhijātaṃva kesariṃ.
៥៥.
55.
‘‘រថិយំ បដិបជ្ជន្តំ, អាហុតីនំ បដិគ្គហំ;
‘‘Rathiyaṃ paṭipajjantaṃ, āhutīnaṃ paṭiggahaṃ;
គហេត្វា កុមុទំ មាលំ, ពុទ្ធសេដ្ឋំ សមោកិរិំ។
Gahetvā kumudaṃ mālaṃ, buddhaseṭṭhaṃ samokiriṃ.
៥៦.
56.
‘‘ឯកនវុតិតោ កប្បេ, យំ បុប្ផមភិបូជយិំ;
‘‘Ekanavutito kappe, yaṃ pupphamabhipūjayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
៥៧.
57.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា កុមុទមាលិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā kumudamāliyo thero imā gāthāyo abhāsitthāti.
កុមុទមាលិយត្ថេរស្សាបទានំ ទសមំ។
Kumudamāliyattherassāpadānaṃ dasamaṃ.
តស្សុទ្ទានំ –
Tassuddānaṃ –
អារក្ខទោ ភោជនទោ, គតសញ្ញី បទុមិយោ;
Ārakkhado bhojanado, gatasaññī padumiyo;
បុប្ផាសនី សន្ថវិកោ, សទ្ទសញ្ញី តិរំសិយោ;
Pupphāsanī santhaviko, saddasaññī tiraṃsiyo;
កន្ទលិកោ កុមុទី ច, សត្តបញ្ញាស គាថកាតិ។
Kandaliko kumudī ca, sattapaññāsa gāthakāti.
Footnotes:
