| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. กุมุทมาลิยเตฺถรอปทานํ
10. Kumudamāliyattheraapadānaṃ
๕๔.
54.
‘‘อุสภํ ปวรํ วีรํ, มเหสิํ วิชิตาวินํ;
‘‘Usabhaṃ pavaraṃ vīraṃ, mahesiṃ vijitāvinaṃ;
วิปสฺสินํ มหาวีรํ, อภิชาตํว เกสริํฯ
Vipassinaṃ mahāvīraṃ, abhijātaṃva kesariṃ.
๕๕.
55.
‘‘รถิยํ ปฎิปชฺชนฺตํ, อาหุตีนํ ปฎิคฺคหํ;
‘‘Rathiyaṃ paṭipajjantaṃ, āhutīnaṃ paṭiggahaṃ;
คเหตฺวา กุมุทํ มาลํ, พุทฺธเสฎฺฐํ สโมกิริํฯ
Gahetvā kumudaṃ mālaṃ, buddhaseṭṭhaṃ samokiriṃ.
๕๖.
56.
‘‘เอกนวุติโต กเปฺป, ยํ ปุปฺผมภิปูชยิํ;
‘‘Ekanavutito kappe, yaṃ pupphamabhipūjayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๕๗.
57.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา กุมุทมาลิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā kumudamāliyo thero imā gāthāyo abhāsitthāti.
กุมุทมาลิยเตฺถรสฺสาปทานํ ทสมํฯ
Kumudamāliyattherassāpadānaṃ dasamaṃ.
ตสฺสุทฺทานํ –
Tassuddānaṃ –
อารกฺขโท โภชนโท, คตสญฺญี ปทุมิโย;
Ārakkhado bhojanado, gatasaññī padumiyo;
ปุปฺผาสนี สนฺถวิโก, สทฺทสญฺญี ติรํสิโย;
Pupphāsanī santhaviko, saddasaññī tiraṃsiyo;
กนฺทลิโก กุมุที จ, สตฺตปญฺญาส คาถกาติฯ
Kandaliko kumudī ca, sattapaññāsa gāthakāti.
Footnotes:
