| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१०. कुमुदमालियत्थेरअपदानं
10. Kumudamāliyattheraapadānaṃ
५४.
54.
‘‘उसभं पवरं वीरं, महेसिं विजिताविनं।
‘‘Usabhaṃ pavaraṃ vīraṃ, mahesiṃ vijitāvinaṃ;
विपस्सिनं महावीरं, अभिजातंव केसरिं॥
Vipassinaṃ mahāvīraṃ, abhijātaṃva kesariṃ.
५५.
55.
‘‘रथियं पटिपज्जन्तं, आहुतीनं पटिग्गहं।
‘‘Rathiyaṃ paṭipajjantaṃ, āhutīnaṃ paṭiggahaṃ;
गहेत्वा कुमुदं मालं, बुद्धसेट्ठं समोकिरिं॥
Gahetvā kumudaṃ mālaṃ, buddhaseṭṭhaṃ samokiriṃ.
५६.
56.
‘‘एकनवुतितो कप्पे, यं पुप्फमभिपूजयिं।
‘‘Ekanavutito kappe, yaṃ pupphamabhipūjayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
५७.
57.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा कुमुदमालियो थेरो इमा गाथायो अभासित्थाति।
Itthaṃ sudaṃ āyasmā kumudamāliyo thero imā gāthāyo abhāsitthāti.
कुमुदमालियत्थेरस्सापदानं दसमं।
Kumudamāliyattherassāpadānaṃ dasamaṃ.
तस्सुद्दानं –
Tassuddānaṃ –
आरक्खदो भोजनदो, गतसञ्ञी पदुमियो।
Ārakkhado bhojanado, gatasaññī padumiyo;
पुप्फासनी सन्थविको, सद्दसञ्ञी तिरंसियो।
Pupphāsanī santhaviko, saddasaññī tiraṃsiyo;
कन्दलिको कुमुदी च, सत्तपञ्ञास गाथकाति॥
Kandaliko kumudī ca, sattapaññāsa gāthakāti.
Footnotes:
