| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
10. குமுத³மாலியத்தே²ரஅபதா³னங்
10. Kumudamāliyattheraapadānaṃ
54.
54.
‘‘உஸப⁴ங் பவரங் வீரங், மஹேஸிங் விஜிதாவினங்;
‘‘Usabhaṃ pavaraṃ vīraṃ, mahesiṃ vijitāvinaṃ;
விபஸ்ஸினங் மஹாவீரங், அபி⁴ஜாதங்வ கேஸரிங்.
Vipassinaṃ mahāvīraṃ, abhijātaṃva kesariṃ.
55.
55.
‘‘ரதி²யங் படிபஜ்ஜந்தங், ஆஹுதீனங் படிக்³க³ஹங்;
‘‘Rathiyaṃ paṭipajjantaṃ, āhutīnaṃ paṭiggahaṃ;
க³ஹெத்வா குமுத³ங் மாலங், பு³த்³த⁴ஸெட்ட²ங் ஸமோகிரிங்.
Gahetvā kumudaṃ mālaṃ, buddhaseṭṭhaṃ samokiriṃ.
56.
56.
‘‘ஏகனவுதிதோ கப்பே, யங் புப்ப²மபி⁴பூஜயிங்;
‘‘Ekanavutito kappe, yaṃ pupphamabhipūjayiṃ;
து³க்³க³திங் நாபி⁴ஜானாமி, பு³த்³த⁴பூஜாயித³ங் ப²லங்.
Duggatiṃ nābhijānāmi, buddhapūjāyidaṃ phalaṃ.
57.
57.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா குமுத³மாலியோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā kumudamāliyo thero imā gāthāyo abhāsitthāti.
குமுத³மாலியத்தே²ரஸ்ஸாபதா³னங் த³ஸமங்.
Kumudamāliyattherassāpadānaṃ dasamaṃ.
தஸ்ஸுத்³தா³னங் –
Tassuddānaṃ –
ஆரக்க²தோ³ போ⁴ஜனதோ³, க³தஸஞ்ஞீ பது³மியோ;
Ārakkhado bhojanado, gatasaññī padumiyo;
புப்பா²ஸனீ ஸந்த²விகோ, ஸத்³த³ஸஞ்ஞீ திரங்ஸியோ;
Pupphāsanī santhaviko, saddasaññī tiraṃsiyo;
கந்த³லிகோ குமுதீ³ ச, ஸத்தபஞ்ஞாஸ கா³த²காதி.
Kandaliko kumudī ca, sattapaññāsa gāthakāti.
Footnotes:
