| Library / Tipiṭaka / ತಿಪಿಟಕ • Tipiṭaka / ಮಿಲಿನ್ದಪಞ್ಹಪಾಳಿ • Milindapañhapāḷi |
೭. ಕುಮ್ಭವಗ್ಗೋ
7. Kumbhavaggo
೧. ಕುಮ್ಭಙ್ಗಪಞ್ಹೋ
1. Kumbhaṅgapañho
೧. ‘‘ಭನ್ತೇ ನಾಗಸೇನ, ‘ಕುಮ್ಭಸ್ಸ ಏಕಂ ಅಙ್ಗಂ ಗಹೇತಬ್ಬ’ನ್ತಿ ಯಂ ವದೇಸಿ, ಕತಮಂ ತಂ ಏಕಂ ಅಙ್ಗಂ ಗಹೇತಬ್ಬ’’ನ್ತಿ? ‘‘ಯಥಾ, ಮಹಾರಾಜ, ಕುಮ್ಭೋ ಸಮ್ಪುಣ್ಣೋ ನ ಸಣತಿ, ಏವಮೇವ ಖೋ, ಮಹಾರಾಜ, ಯೋಗಿನಾ ಯೋಗಾವಚರೇನ ಆಗಮೇ ಅಧಿಗಮೇ ಪರಿಯತ್ತಿಯಂ ಸಾಮಞ್ಞೇ ಪಾರಮಿಂ ಪತ್ವಾ ನ ಸಣಿತಬ್ಬಂ, ನ ತೇನ ಮಾನೋ ಕರಣೀಯೋ, ನ ದಬ್ಬೋ 1 ದಸ್ಸೇತಬ್ಬೋ, ನಿಹತಮಾನೇನ ನಿಹತದಬ್ಬೇನ ಭವಿತಬ್ಬಂ, ಉಜುಕೇನ ಅಮುಖರೇನ ಅವಿಕತ್ಥಿನಾ। ಇದಂ, ಮಹಾರಾಜ, ಕುಮ್ಭಸ್ಸ ಏಕಂ ಅಙ್ಗಂ ಗಹೇತಬ್ಬಂ। ಭಾಸಿತಮ್ಪೇತಂ, ಮಹಾರಾಜ, ಭಗವತಾ ದೇವಾತಿದೇವೇನ ಸುತ್ತನಿಪಾತೇ –
1. ‘‘Bhante nāgasena, ‘kumbhassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, kumbho sampuṇṇo na saṇati, evameva kho, mahārāja, yoginā yogāvacarena āgame adhigame pariyattiyaṃ sāmaññe pāramiṃ patvā na saṇitabbaṃ, na tena māno karaṇīyo, na dabbo 2 dassetabbo, nihatamānena nihatadabbena bhavitabbaṃ, ujukena amukharena avikatthinā. Idaṃ, mahārāja, kumbhassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena suttanipāte –
‘‘‘ಯದೂನಕಂ ತಂ ಸಣತಿ, ಯಂ ಪೂರಂ ಸನ್ತಮೇವ ತಂ।
‘‘‘Yadūnakaṃ taṃ saṇati, yaṃ pūraṃ santameva taṃ;
ಕುಮ್ಭಙ್ಗಪಞ್ಹೋ ಪಠಮೋ।
Kumbhaṅgapañho paṭhamo.
Footnotes:
