| Library / Tipiṭaka / ತಿಪಿಟಕ • Tipiṭaka / ಮಿಲಿನ್ದಪಞ್ಹಪಾಳಿ • Milindapañhapāḷi |
೨. ಕಾಳಾಯಸಙ್ಗಪಞ್ಹೋ
2. Kāḷāyasaṅgapañho
೨. ‘‘ಭನ್ತೇ ನಾಗಸೇನ, ‘ಕಾಳಾಯಸಸ್ಸ 1 ದ್ವೇ ಅಙ್ಗಾನಿ ಗಹೇತಬ್ಬಾನೀ’ತಿ ಯಂ ವದೇಸಿ, ಕತಮಾನಿ ತಾನಿ ದ್ವೇ ಅಙ್ಗಾನಿ ಗಹೇತಬ್ಬಾನೀ’’ತಿ ? ‘‘ಯಥಾ, ಮಹಾರಾಜ, ಕಾಳಾಯಸೋ ಸುಪೀತೋ 2 ವಮತಿ 3, ಏವಮೇವ ಖೋ, ಮಹಾರಾಜ, ಯೋಗಿನೋ ಯೋಗಾವಚರಸ್ಸ ಮಾನಸಂ ಯೋನಿಸೋ ಮನಸಿಕಾರೇನ 4 ಅಪೀತಂ ವಮತಿ। ಇದಂ, ಮಹಾರಾಜ, ಕಾಳಾಯಸಸ್ಸ ಪಠಮಂ ಅಙ್ಗಂ ಗಹೇತಬ್ಬಂ।
2. ‘‘Bhante nāgasena, ‘kāḷāyasassa 5 dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti ? ‘‘Yathā, mahārāja, kāḷāyaso supīto 6 vamati 7, evameva kho, mahārāja, yogino yogāvacarassa mānasaṃ yoniso manasikārena 8 apītaṃ vamati. Idaṃ, mahārāja, kāḷāyasassa paṭhamaṃ aṅgaṃ gahetabbaṃ.
‘‘ಪುನ ಚಪರಂ, ಮಹಾರಾಜ, ಕಾಳಾಯಸೋ ಸಕಿಂ ಪೀತಂ ಉದಕಂ ನ ವಮತಿ, ಏವಮೇವ ಖೋ, ಮಹಾರಾಜ , ಯೋಗಿನಾ ಯೋಗಾವಚರೇನ ಯೋ ಸಕಿಂ ಉಪ್ಪನ್ನೋ ಪಸಾದೋ, ನ ಪುನ ಸೋ ವಮಿತಬ್ಬೋ ‘ಉಳಾರೋ ಸೋ ಭಗವಾ ಸಮ್ಮಾಸಮ್ಬುದ್ಧೋ, ಸ್ವಾಕ್ಖಾತೋ ಧಮ್ಮೋ, ಸುಪ್ಪಟಿಪನ್ನೋ ಸಙ್ಘೋ’ತಿ। ‘ರೂಪಂ ಅನಿಚ್ಚಂ, ವೇದನಾ ಅನಿಚ್ಚಾ, ಸಞ್ಞಾ ಅನಿಚ್ಚಾ, ಸಙ್ಖಾರಾ ಅನಿಚ್ಚಾ, ವಿಞ್ಞಾಣಂ ಅನಿಚ್ಚನ್ತಿ ಯಂ ಸಕಿಂ ಉಪ್ಪನ್ನಂ ಞಾಣಂ, ನ ಪುನ ತಂ ವಮಿತಬ್ಬಂ। ಇದಂ , ಮಹಾರಾಜ, ಕಾಳಾಯಸಸ್ಸ ದುತಿಯಂ ಅಙ್ಗಂ ಗಹೇತಬ್ಬಂ। ಭಾಸಿತಮ್ಪೇತಂ, ಮಹಾರಾಜ, ಭಗವತಾ ದೇವಾತಿದೇವೇನ –
‘‘Puna caparaṃ, mahārāja, kāḷāyaso sakiṃ pītaṃ udakaṃ na vamati, evameva kho, mahārāja , yoginā yogāvacarena yo sakiṃ uppanno pasādo, na puna so vamitabbo ‘uḷāro so bhagavā sammāsambuddho, svākkhāto dhammo, suppaṭipanno saṅgho’ti. ‘Rūpaṃ aniccaṃ, vedanā aniccā, saññā aniccā, saṅkhārā aniccā, viññāṇaṃ aniccanti yaṃ sakiṃ uppannaṃ ñāṇaṃ, na puna taṃ vamitabbaṃ. Idaṃ , mahārāja, kāḷāyasassa dutiyaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena –
‘‘‘ದಸ್ಸನಮ್ಹಿ ಪರಿಸೋಧಿತೋ 9 ನರೋ, ಅರಿಯಧಮ್ಮೇ ನಿಯತೋ ವಿಸೇಸಗೂ।
‘‘‘Dassanamhi parisodhito 10 naro, ariyadhamme niyato visesagū;
ನಪ್ಪವೇಧತಿ ಅನೇಕಭಾಗಸೋ, ಸಬ್ಬಸೋ ಚ ಮುಖಭಾವಮೇವ ಸೋ’’’ತಿ॥
Nappavedhati anekabhāgaso, sabbaso ca mukhabhāvameva so’’’ti.
ಕಾಳಾಯಸಙ್ಗಪಞ್ಹೋ ದುತಿಯೋ।
Kāḷāyasaṅgapañho dutiyo.
Footnotes:
