| Library / Tipiṭaka / ਤਿਪਿਟਕ • Tipiṭaka / ਦ੍વੇਮਾਤਿਕਾਪਾਲ਼ਿ • Dvemātikāpāḷi |
੮. ਕੁਮਾਰਿਭੂਤવਗ੍ਗੋ
8. Kumāribhūtavaggo
੧-੨-੩. ਪਠਮਕੁਮਾਰਿਭੂਤਾਦਿਸਿਕ੍ਖਾਪਦવਣ੍ਣਨਾ
1-2-3. Paṭhamakumāribhūtādisikkhāpadavaṇṇanā
ਕੁਮਾਰਿਭੂਤવਗ੍ਗਸ੍ਸ ਪਠਮਦੁਤਿਯਤਤਿਯਾਨਿ ਤੀਹਿ ਗਿਹਿਗਤਸਿਕ੍ਖਾਪਦੇਹਿ ਸਦਿਸਾਨੇવ। ਯਾ ਪਨ ਤਾ ਸਬ੍ਬਪਠਮਾ ਦ੍વੇ ਮਹਾਸਿਕ੍ਖਮਾਨਾ, ਤਾ ਅਤਿਕ੍ਕਨ੍ਤવੀਸਤਿવਸ੍ਸਾਤਿ વੇਦਿਤਬ੍ਬਾ। ਤਾ ਹਿ ਗਿਹਿਗਤਾ વਾ ਹੋਨ੍ਤੁ, ਅਗਿਹਿਗਤਾ વਾ, ਸਮ੍ਮੁਤਿਕਮ੍ਮਾਦੀਸੁ ‘‘ਸਿਕ੍ਖਮਾਨਾ’’ਇਚ੍ਚੇવ વਤ੍ਤਬ੍ਬਾ, ‘‘ਗਿਹਿਗਤਾ’’ਤਿ વਾ ‘‘ਕੁਮਾਰਿਭੂਤਾ’’ਤਿ વਾ ਨ વਤ੍ਤਬ੍ਬਾ। ਗਿਹਿਗਤਾਯ ਦਸવਸ੍ਸਕਾਲੇ ਸਿਕ੍ਖਾਸਮ੍ਮੁਤਿਂ ਦਤ੍વਾ ਦ੍વਾਦਸવਸ੍ਸਕਾਲੇ ਉਪਸਮ੍ਪਦਾ ਕਾਤਬ੍ਬਾ, ਏਕਾਦਸવਸ੍ਸਕਾਲੇ ਦਤ੍વਾ ਤੇਰਸવਸ੍ਸਕਾਲੇ ਕਾਤਬ੍ਬਾ, ਦ੍વਾਦਸਤੇਰਸਚੁਦ੍ਦਸਪਨ੍ਨਰਸਸੋਲ਼ਸਸਤ੍ਤਰਸਅਟ੍ਠਾਰਸવਸ੍ਸਕਾਲੇ ਸਿਕ੍ਖਾਸਮ੍ਮੁਤਿਂ ਦਤ੍વਾ વੀਸਤਿવਸ੍ਸਕਾਲੇ ਉਪਸਮ੍ਪਦਾ ਕਾਤਬ੍ਬਾ। ਅਟ੍ਠਾਰਸવਸ੍ਸਕਾਲਤੋ ਪਟ੍ਠਾਯ ਚ ਪਨਾਯਂ ‘‘ਗਿਹਿਗਤਾ’’ਤਿਪਿ ‘‘ਕੁਮਾਰਿਭੂਤਾ’’ਤਿਪਿ વਤ੍ਤੁਂ વਟ੍ਟਤਿ। ਯਾ ਪਨਾਯਂ ‘‘ਕੁਮਾਰਿਭੂਤਾ’’ਤਿ વੁਤ੍ਤਾ ਸਾਮਣੇਰੀ , ਸਾ ‘‘ਗਿਹਿਗਤਾ’’ਤਿ ਨ વਤ੍ਤਬ੍ਬਾ, ‘‘ਕੁਮਾਰਿਭੂਤਾ’’ਇਚ੍ਚੇવ વਤ੍ਤਬ੍ਬਾ। ਸਿਕ੍ਖਾਸਮ੍ਮੁਤਿਦਾਨવਸੇਨ ਪਨ ਸਬ੍ਬਾਪਿ ‘‘ਸਿਕ੍ਖਮਾਨਾ’’ਤਿ વਤ੍ਤੁਂ વਟ੍ਟਤੀਤਿ।
Kumāribhūtavaggassa paṭhamadutiyatatiyāni tīhi gihigatasikkhāpadehi sadisāneva. Yā pana tā sabbapaṭhamā dve mahāsikkhamānā, tā atikkantavīsativassāti veditabbā. Tā hi gihigatā vā hontu, agihigatā vā, sammutikammādīsu ‘‘sikkhamānā’’icceva vattabbā, ‘‘gihigatā’’ti vā ‘‘kumāribhūtā’’ti vā na vattabbā. Gihigatāya dasavassakāle sikkhāsammutiṃ datvā dvādasavassakāle upasampadā kātabbā, ekādasavassakāle datvā terasavassakāle kātabbā, dvādasaterasacuddasapannarasasoḷasasattarasaaṭṭhārasavassakāle sikkhāsammutiṃ datvā vīsativassakāle upasampadā kātabbā. Aṭṭhārasavassakālato paṭṭhāya ca panāyaṃ ‘‘gihigatā’’tipi ‘‘kumāribhūtā’’tipi vattuṃ vaṭṭati. Yā panāyaṃ ‘‘kumāribhūtā’’ti vuttā sāmaṇerī , sā ‘‘gihigatā’’ti na vattabbā, ‘‘kumāribhūtā’’icceva vattabbā. Sikkhāsammutidānavasena pana sabbāpi ‘‘sikkhamānā’’ti vattuṃ vaṭṭatīti.
ਪਠਮਕੁਮਾਰਿਭੂਤਾਦਿਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Paṭhamakumāribhūtādisikkhāpadavaṇṇanā niṭṭhitā.
੪. ਊਨਦ੍વਾਦਸવਸ੍ਸਸਿਕ੍ਖਾਪਦવਣ੍ਣਨਾ
4. Ūnadvādasavassasikkhāpadavaṇṇanā
ਚਤੁਤ੍ਥੇ ਊਨਦ੍વਾਦਸવਸ੍ਸਾਤਿ ਉਪਸਮ੍ਪਦਾવਸੇਨ ਅਪਰਿਪੁਣ੍ਣਦ੍વਾਦਸવਸ੍ਸਾ। ਪਾਚਿਤ੍ਤਿਯਨ੍ਤਿ ਉਪਜ੍ਝਾਯਾ ਹੁਤ੍વਾ વੁਟ੍ਠਾਪੇਨ੍ਤਿਯਾ વੁਤ੍ਤਨਯੇਨੇવ ਦੁਕ੍ਕਟਾਨਿ ਅਨ੍ਤਰਾ, ਕਮ੍ਮવਾਚਾਪਰਿਯੋਸਾਨੇ ਪਾਚਿਤ੍ਤਿਯਨ੍ਤਿ।
Catutthe ūnadvādasavassāti upasampadāvasena aparipuṇṇadvādasavassā. Pācittiyanti upajjhāyā hutvā vuṭṭhāpentiyā vuttanayeneva dukkaṭāni antarā, kammavācāpariyosāne pācittiyanti.
ਊਨਦ੍વਾਦਸવਸ੍ਸਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ūnadvādasavassasikkhāpadavaṇṇanā niṭṭhitā.
੫. ਪਰਿਪੁਣ੍ਣਦ੍વਾਦਸવਸ੍ਸਸਿਕ੍ਖਾਪਦવਣ੍ਣਨਾ
5. Paripuṇṇadvādasavassasikkhāpadavaṇṇanā
ਪਞ੍ਚਮੇ ਸਙ੍ਘੇਨ ਅਸਮ੍ਮਤਾਤਿ ਯਸ੍ਸਾ ਸਙ੍ਘੇਨ ਪਦਭਾਜਨੇ (ਪਾਚਿ॰ ੧੧੩੨) વੁਤ੍ਤਾ વੁਟ੍ਠਾਪਨਸਮ੍ਮੁਤਿ ਨ ਦਿਨ੍ਨਾ। ਸੇਸਂ ਉਭਯਤ੍ਥਾਪਿ ਮਹਾਸਿਕ੍ਖਮਾਨਾਸਿਕ੍ਖਾਪਦਦ੍વਯਸਦਿਸਮੇવਾਤਿ।
Pañcame saṅghena asammatāti yassā saṅghena padabhājane (pāci. 1132) vuttā vuṭṭhāpanasammuti na dinnā. Sesaṃ ubhayatthāpi mahāsikkhamānāsikkhāpadadvayasadisamevāti.
ਪਰਿਪੁਣ੍ਣਦ੍વਾਦਸવਸ੍ਸਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Paripuṇṇadvādasavassasikkhāpadavaṇṇanā niṭṭhitā.
੬. ਖੀਯਨਧਮ੍ਮਸਿਕ੍ਖਾਪਦવਣ੍ਣਨਾ
6. Khīyanadhammasikkhāpadavaṇṇanā
ਛਟ੍ਠੇ ਅਲਂ ਤਾવ ਤੇ ਅਯ੍ਯੇ વੁਟ੍ਠਾਪਿਤੇਨਾਤਿ વੁਚ੍ਚਮਾਨਾਤਿ વੁਟ੍ਠਾਪਨਸਮ੍ਮੁਤਿਯਾ ਯਾਚਿਤਾਯ ਸਙ੍ਘੇਨ ਉਪਪਰਿਕ੍ਖਿਪਿਤ੍વਾ ‘‘ਯਸ੍ਮਾ ਬਾਲਾ ਅਬ੍ਯਤ੍ਤਾ ਚ ਅਲਜ੍ਜਿਨੀ ਚ ਹੋਤਿ, ਤਸ੍ਮਾ ਅਲਂ ਤਾવ ਤੁਯ੍ਹਂ ਉਪਸਮ੍ਪਾਦਿਤੇਨਾ’’ਤਿ ਏવਂ ਨਿવਾਰੀਯਮਾਨਾ। ਪਚ੍ਛਾ ਖੀਯਨਧਮ੍ਮਨ੍ਤਿ ਪਚ੍ਛਾ ਅਞ੍ਞਾਸਂ ਬ੍ਯਤ੍ਤਾਨਂ ਲਜ੍ਜਿਨੀਨਂ વੁਟ੍ਠਾਪਨਸਮ੍ਮੁਤਿਂ ਦਿਯ੍ਯਮਾਨਂ ਦਿਸ੍વਾ ‘‘ਅਹਮੇવ ਨੂਨ ਬਾਲਾ’’ਤਿਆਦੀਨਿ ਭਣਮਾਨਾ ਯਤ੍ਥ ਕਤ੍ਥਚਿ ਖੀਯੇਯ੍ਯ। ਪਾਚਿਤ੍ਤਿਯਨ੍ਤਿ ਏવਂ ਖੀਯਨਧਮ੍ਮਂ ਆਪਜ੍ਜਨ੍ਤਿਯਾ ਪਾਚਿਤ੍ਤਿਯਂ।
Chaṭṭhe alaṃ tāva te ayye vuṭṭhāpitenāti vuccamānāti vuṭṭhāpanasammutiyā yācitāya saṅghena upaparikkhipitvā ‘‘yasmā bālā abyattā ca alajjinī ca hoti, tasmā alaṃ tāva tuyhaṃ upasampāditenā’’ti evaṃ nivārīyamānā. Pacchā khīyanadhammanti pacchā aññāsaṃ byattānaṃ lajjinīnaṃ vuṭṭhāpanasammutiṃ diyyamānaṃ disvā ‘‘ahameva nūna bālā’’tiādīni bhaṇamānā yattha katthaci khīyeyya. Pācittiyanti evaṃ khīyanadhammaṃ āpajjantiyā pācittiyaṃ.
ਸਾવਤ੍ਥਿਯਂ ਚਣ੍ਡਕਾਲ਼ਿਂ ਆਰਬ੍ਭ ਏવਂ ਖੀਯਨਧਮ੍ਮਂ ਆਪਜ੍ਜਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਪਕਤਿਯਾ ਛਨ੍ਦਾਦੀਨਂ વਸੇਨ ਕਰੋਨ੍ਤੀਨਂ ਖੀਯਨ੍ਤਿਯਾ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। વੁਟ੍ਠਾਪਨਸਮ੍ਮੁਤਿਯਾ ਯਾਚਨਂ, ਉਪਪਰਿਕ੍ਖਿਤ੍વਾ ਨ ਛਨ੍ਦਾਦਿવਸੇਨ ਪਟਿਕ੍ਖਿਤ੍ਤਾਯ ‘‘ਸਾਧੂ’’ਤਿ ਪਟਿਸ੍ਸવੋ, ਪਚ੍ਛਾਖੀਯਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ, ਇਦਂ ਪਨ ਦੁਕ੍ਖવੇਦਨਨ੍ਤਿ।
Sāvatthiyaṃ caṇḍakāḷiṃ ārabbha evaṃ khīyanadhammaṃ āpajjanavatthusmiṃ paññattaṃ, pakatiyā chandādīnaṃ vasena karontīnaṃ khīyantiyā, ummattikādīnañca anāpatti. Vuṭṭhāpanasammutiyā yācanaṃ, upaparikkhitvā na chandādivasena paṭikkhittāya ‘‘sādhū’’ti paṭissavo, pacchākhīyananti imānettha tīṇi aṅgāni. Samuṭṭhānādīni adinnādānasadisāni, idaṃ pana dukkhavedananti.
ਖੀਯਨਧਮ੍ਮਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Khīyanadhammasikkhāpadavaṇṇanā niṭṭhitā.
੭-੮. ਸਿਕ੍ਖਮਾਨਨવੁਟ੍ਠਾਪਨਪਠਮਦੁਤਿਯਸਿਕ੍ਖਾਪਦવਣ੍ਣਨਾ
7-8. Sikkhamānanavuṭṭhāpanapaṭhamadutiyasikkhāpadavaṇṇanā
ਸਤ੍ਤਮੇ ਸਾ ਪਚ੍ਛਾਤਿ ਸਿਕ੍ਖਮਾਨਾਯ ਉਪਸਮ੍ਪਦਾਯ ਯਾਚਿਯਮਾਨਾਯ ਸਾ ਭਿਕ੍ਖੁਨੀ ਏવਂ વਤ੍વਾ ਲਦ੍ਧੇ ਚੀવਰੇ ਪਚ੍ਛਾ ਅਸਤਿ ਅਨ੍ਤਰਾਯੇ ‘‘ਨੇવ વੁਟ੍ਠਾਪੇਸ੍ਸਾਮਿ , ਨ વੁਟ੍ਠਾਪਨਾਯ ਉਸ੍ਸੁਕ੍ਕਂ ਕਰਿਸ੍ਸਾਮੀ’’ਤਿ ਧੁਰਂ ਨਿਕ੍ਖਿਪੇਯ੍ਯ, ਤਸ੍ਸਾ ਸਹ ਧੁਰਨਿਕ੍ਖੇਪੇਨ ਪਾਚਿਤ੍ਤਿਯਨ੍ਤਿ। ਅਟ੍ਠਮੇਪਿ ਏਸੇવ ਨਯੋ।
Sattame sā pacchāti sikkhamānāya upasampadāya yāciyamānāya sā bhikkhunī evaṃ vatvā laddhe cīvare pacchā asati antarāye ‘‘neva vuṭṭhāpessāmi , na vuṭṭhāpanāya ussukkaṃ karissāmī’’ti dhuraṃ nikkhipeyya, tassā saha dhuranikkhepena pācittiyanti. Aṭṭhamepi eseva nayo.
ਉਭਯਮ੍ਪਿ ਸਾવਤ੍ਥਿਯਂ ਥੁਲ੍ਲਨਨ੍ਦਂ ਆਰਬ੍ਭ ਏਤੇਸੁ વਤ੍ਥੂਸੁ ਪਞ੍ਞਤ੍ਤਂ, ਦ੍વੀਸੁਪਿ ਸਤਿ ਅਨ੍ਤਰਾਯੇ, ਪਰਿਯੇਸਿਤ੍વਾ ਅਲਭਨ੍ਤਿਯਾ, ਗਿਲਾਨਾਯ, ਆਪਦਾਸੁ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਉਭਯਤ੍ਥ ‘‘ਏવਾਹਂ ਤਂ વੁਟ੍ਠਾਪੇਸ੍ਸਾਮੀ’’ਤਿ ਪਟਿਞ੍ਞਾ, ਆਕਙ੍ਖਿਤਨਿਪ੍ਫਤ੍ਤਿ, ਪਚ੍ਛਾ ਧੁਰਨਿਕ੍ਖੇਪੋ, ਅਨੁਞ੍ਞਾਤਕਾਰਣਾਭਾવੋਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਸਮਨੁਭਾਸਨਸਦਿਸਾਨੀਤਿ।
Ubhayampi sāvatthiyaṃ thullanandaṃ ārabbha etesu vatthūsu paññattaṃ, dvīsupi sati antarāye, pariyesitvā alabhantiyā, gilānāya, āpadāsu, ummattikādīnañca anāpatti. Ubhayattha ‘‘evāhaṃ taṃ vuṭṭhāpessāmī’’ti paṭiññā, ākaṅkhitanipphatti, pacchā dhuranikkhepo, anuññātakāraṇābhāvoti imānettha cattāri aṅgāni. Samuṭṭhānādīni samanubhāsanasadisānīti.
ਸਿਕ੍ਖਮਾਨਨવੁਟ੍ਠਾਪਨਪਠਮਦੁਤਿਯਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Sikkhamānanavuṭṭhāpanapaṭhamadutiyasikkhāpadavaṇṇanā niṭṭhitā.
੯. ਸੋਕਾવਾਸਸਿਕ੍ਖਾਪਦવਣ੍ਣਨਾ
9. Sokāvāsasikkhāpadavaṇṇanā
ਨવਮੇ ਸੋਕਾવਾਸਨ੍ਤਿ ਸਙ੍ਕੇਤਂ ਕਤ੍વਾ ਆਗਚ੍ਛਮਾਨਾ ਪੁਰਿਸਾਨਂ ਅਨ੍ਤੋਸੋਕਂ ਪવੇਸੇਤੀਤਿ ਸੋਕਾવਾਸਾ, ਤਂ ਸੋਕਾવਾਸਂ। ਅਥ વਾ ਘਰਂ વਿਯ ਘਰਸਾਮਿਕਾ ਅਯਮ੍ਪਿ ਪੁਰਿਸਸਮਾਗਮਂ ਅਲਭਮਾਨਾ ਸੋਕਂ ਆવਿਸਤਿ, ਇਤਿ ਯਂ ਆવਿਸਤਿ, ਸ੍વਾਸ੍ਸਾ ਆવਾਸੋ ਹੋਤੀਤਿ ਸੋਕਾવਾਸਾ। ਤੇਨੇવਸ੍ਸ ਪਦਭਾਜਨੇ (ਪਾਚਿ॰ ੧੧੬੦) ‘‘ਸੋਕਾવਾਸਾ ਨਾਮ ਪਰੇਸਂ ਦੁਕ੍ਖਂ ਉਪ੍ਪਾਦੇਤਿ, ਸੋਕਂ ਆવਿਸਤੀ’’ਤਿ ਦ੍વਿਧਾ ਅਤ੍ਥੋ વੁਤ੍ਤੋ। ਪਾਚਿਤ੍ਤਿਯਨ੍ਤਿ ਏવਰੂਪਂ વੁਟ੍ਠਾਪੇਨ੍ਤਿਯਾ વੁਤ੍ਤਨਯੇਨੇવ ਕਮ੍ਮવਾਚਾਪਰਿਯੋਸਾਨੇ ਉਪਜ੍ਝਾਯਾਯ ਪਾਚਿਤ੍ਤਿਯਂ।
Navame sokāvāsanti saṅketaṃ katvā āgacchamānā purisānaṃ antosokaṃ pavesetīti sokāvāsā, taṃ sokāvāsaṃ. Atha vā gharaṃ viya gharasāmikā ayampi purisasamāgamaṃ alabhamānā sokaṃ āvisati, iti yaṃ āvisati, svāssā āvāso hotīti sokāvāsā. Tenevassa padabhājane (pāci. 1160) ‘‘sokāvāsā nāma paresaṃ dukkhaṃ uppādeti, sokaṃ āvisatī’’ti dvidhā attho vutto. Pācittiyanti evarūpaṃ vuṭṭhāpentiyā vuttanayeneva kammavācāpariyosāne upajjhāyāya pācittiyaṃ.
ਸਾવਤ੍ਥਿਯਂ ਥੁਲ੍ਲਨਨ੍ਦਂ ਆਰਬ੍ਭ ਏવਰੂਪਂ ਸਿਕ੍ਖਮਾਨਂ વੁਟ੍ਠਾਪਨવਤ੍ਥੁਸ੍ਮਿਂ ਪਞ੍ਞਤ੍ਤਂ। ਅਜਾਨਨ੍ਤਿਯਾ , ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਸੋਕਾવਾਸਤਾ, ਜਾਨਨਂ, વੁਟ੍ਠਾਪਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਗਬ੍ਭਿਨਿવੁਟ੍ਠਾਪਨਸਦਿਸਾਨੇવਾਤਿ।
Sāvatthiyaṃ thullanandaṃ ārabbha evarūpaṃ sikkhamānaṃ vuṭṭhāpanavatthusmiṃ paññattaṃ. Ajānantiyā , ummattikādīnañca anāpatti. Sokāvāsatā, jānanaṃ, vuṭṭhāpananti imānettha tīṇi aṅgāni. Samuṭṭhānādīni gabbhinivuṭṭhāpanasadisānevāti.
ਸੋਕਾવਾਸਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Sokāvāsasikkhāpadavaṇṇanā niṭṭhitā.
੧੦. ਅਨਨੁਞ੍ਞਾਤਸਿਕ੍ਖਾਪਦવਣ੍ਣਨਾ
10. Ananuññātasikkhāpadavaṇṇanā
ਦਸਮੇ ਮਾਤਾਪਿਤੂਹੀਤਿ વਿਜਾਤਮਾਤਰਾ ਚ ਜਨਕਪਿਤਰਾ ਚ। ਸਾਮਿਕੇਨਾਤਿ ਯੇਨ ਪਰਿਗ੍ਗਹਿਤਾ, ਤੇਨ। ਅਨਨੁਞ੍ਞਾਤਨ੍ਤਿ ਉਪਸਮ੍ਪਦਤ੍ਥਾਯ ਅਨਨੁਞ੍ਞਾਤਂ। ਦ੍વਿਕ੍ਖਤ੍ਤੁਞ੍ਹਿ ਭਿਕ੍ਖੁਨੀਹਿ ਆਪੁਚ੍ਛਿਤਬ੍ਬਂ, ਪਬ੍ਬਜ੍ਜਾਕਾਲੇ ਚ ਉਪਸਮ੍ਪਦਾਕਾਲੇ ਚ, ਭਿਕ੍ਖੂਨਂ ਪਨ ਸਕਿਂ ਆਪੁਚ੍ਛਿਤੇਪਿ વਟ੍ਟਤਿ । ਤਸ੍ਮਾ ਯਾ ਉਪਸਮ੍ਪਦਾਕਾਲੇ ਅਨਾਪੁਚ੍ਛਾ ਉਪਸਮ੍ਪਾਦੇਤਿ, ਤਸ੍ਸਾ વੁਤ੍ਤਨਯੇਨੇવ ਪਾਚਿਤ੍ਤਿਯਂ।
Dasame mātāpitūhīti vijātamātarā ca janakapitarā ca. Sāmikenāti yena pariggahitā, tena. Ananuññātanti upasampadatthāya ananuññātaṃ. Dvikkhattuñhi bhikkhunīhi āpucchitabbaṃ, pabbajjākāle ca upasampadākāle ca, bhikkhūnaṃ pana sakiṃ āpucchitepi vaṭṭati . Tasmā yā upasampadākāle anāpucchā upasampādeti, tassā vuttanayeneva pācittiyaṃ.
ਸਾવਤ੍ਥਿਯਂ ਥੁਲ੍ਲਨਨ੍ਦਂ ਆਰਬ੍ਭ ਅਨਨੁਞ੍ਞਾਤવੁਟ੍ਠਾਪਨવਤ੍ਥੁਸ੍ਮਿਂ ਪਞ੍ਞਤ੍ਤਂ। ਅਪਲੋਕੇਤ੍વਾ વੁਟ੍ਠਾਪੇਨ੍ਤਿਯਾ, ਤੇਸਂ ਅਤ੍ਥਿਭਾવਂ ਅਜਾਨਨ੍ਤਿਯਾ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਅਨਪਲੋਕਨਂ, ਅਤ੍ਥਿਭਾવਜਾਨਨਂ, વੁਟ੍ਠਾਪਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਅਨਨੁਞ੍ਞਾਤਸਮੁਟ੍ਠਾਨਂ, ਕਿਰਿਯਾਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
Sāvatthiyaṃ thullanandaṃ ārabbha ananuññātavuṭṭhāpanavatthusmiṃ paññattaṃ. Apaloketvā vuṭṭhāpentiyā, tesaṃ atthibhāvaṃ ajānantiyā, ummattikādīnañca anāpatti. Anapalokanaṃ, atthibhāvajānanaṃ, vuṭṭhāpananti imānettha tīṇi aṅgāni. Ananuññātasamuṭṭhānaṃ, kiriyākiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ਅਨਨੁਞ੍ਞਾਤਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ananuññātasikkhāpadavaṇṇanā niṭṭhitā.
੧੧. ਪਾਰਿવਾਸਿਕਸਿਕ੍ਖਾਪਦવਣ੍ਣਨਾ
11. Pārivāsikasikkhāpadavaṇṇanā
ਏਕਾਦਸਮੇ ਪਾਰਿવਾਸਿਕਛਨ੍ਦਦਾਨੇਨਾਤਿ ਪਾਰਿવਾਸਿਯੇਨ ਛਨ੍ਦਦਾਨੇਨ। ਤਤ੍ਥ ਚਤੁਬ੍ਬਿਧਂ ਪਾਰਿવਾਸਿਯਂ ਪਰਿਸਪਾਰਿવਾਸਿਯਂ ਰਤ੍ਤਿਪਾਰਿવਾਸਿਯਂ ਛਨ੍ਦਪਾਰਿવਾਸਿਯਂ ਅਜ੍ਝਾਸਯਪਾਰਿવਾਸਿਯਨ੍ਤਿ।
Ekādasame pārivāsikachandadānenāti pārivāsiyena chandadānena. Tattha catubbidhaṃ pārivāsiyaṃ parisapārivāsiyaṃ rattipārivāsiyaṃ chandapārivāsiyaṃ ajjhāsayapārivāsiyanti.
ਤਤ੍ਥ ਪਰਿਸਪਾਰਿવਾਸਿਯਂ ਨਾਮ ਭਿਕ੍ਖੂ ਕੇਨਚਿਦੇવ ਕਰਣੀਯੇਨ ਸਨ੍ਨਿਪਤਿਤਾ ਹੋਨ੍ਤਿ, ਅਥ ਮੇਘੋ વਾ ਉਟ੍ਠਹਤਿ, ਉਸ੍ਸਾਰਣਾ વਾ ਕਰੀਯਤਿ, ਮਨੁਸ੍ਸਾ વਾ ਅਜ੍ਝੋਤ੍ਥਰਨ੍ਤਾ ਆਗਚ੍ਛਨ੍ਤਿ, ਭਿਕ੍ਖੂ ‘‘ਅਨੋਕਾਸਾ ਮਯਂ, ਅਞ੍ਞਤ੍ਰ ਗਚ੍ਛਾਮਾ’’ਤਿ ਛਨ੍ਦਂ ਅવਿਸ੍ਸਜ੍ਜਿਤ੍વਾવ ਉਟ੍ਠਹਨ੍ਤਿ, ਇਦਂ ਪਰਿਸਪਾਰਿવਾਸਿਯਂ ਨਾਮ, ਕਿਞ੍ਚਾਪਿ ਪਰਿਸਪਾਰਿવਾਸਿਯਂ, ਛਨ੍ਦਸ੍ਸ ਪਨ ਅવਿਸ੍ਸਟ੍ਠਤ੍ਤਾ ਕਮ੍ਮਂ ਕਾਤੁਂ વਟ੍ਟਤਿ।
Tattha parisapārivāsiyaṃ nāma bhikkhū kenacideva karaṇīyena sannipatitā honti, atha megho vā uṭṭhahati, ussāraṇā vā karīyati, manussā vā ajjhottharantā āgacchanti, bhikkhū ‘‘anokāsā mayaṃ, aññatra gacchāmā’’ti chandaṃ avissajjitvāva uṭṭhahanti, idaṃ parisapārivāsiyaṃ nāma, kiñcāpi parisapārivāsiyaṃ, chandassa pana avissaṭṭhattā kammaṃ kātuṃ vaṭṭati.
ਪੁਨ ਭਿਕ੍ਖੂ ‘‘ਉਪੋਸਥਾਦੀਨਿ ਕਰਿਸ੍ਸਾਮਾ’’ਤਿ ਰਤ੍ਤਿਂ ਸਨ੍ਨਿਪਤਿਤ੍વਾ ‘‘ਯਾવ ਸਬ੍ਬੇ ਸਨ੍ਨਿਪਤਨ੍ਤਿ, ਤਾવ ਧਮ੍ਮਂ ਸੁਣਿਸ੍ਸਾਮਾ’’ਤਿ ਏਕਂ ਅਜ੍ਝੇਸਨ੍ਤਿ, ਤਸ੍ਮਿਂ ਧਮ੍ਮਕਥਂ ਕਥੇਨ੍ਤੇਯੇવ ਅਰੁਣੋ ਉਗ੍ਗਚ੍ਛਤਿ। ਸਚੇ ‘‘ਚਾਤੁਦ੍ਦਸਿਕਂ ਉਪੋਸਥਂ ਕਰਿਸ੍ਸਾਮਾ’’ਤਿ ਨਿਸਿਨ੍ਨਾ, ‘‘ਪਨ੍ਨਰਸੋ’’ਤਿ ਕਾਤੁਂ વਟ੍ਟਤਿ। ਸਚੇ ਪਨ੍ਨਰਸਿਕਂ ਕਾਤੁਂ ਨਿਸਿਨ੍ਨਾ, ਪਾਟਿਪਦੇ ਅਨੁਪੋਸਥੇ ਉਪੋਸਥਂ ਕਾਤੁਂ ਨ વਟ੍ਟਤਿ। ਅਞ੍ਞਂ ਪਨ ਸਙ੍ਘਕਿਚ੍ਚਂ ਕਾਤੁਂ વਟ੍ਟਤਿ, ਇਦਂ ਰਤ੍ਤਿਪਾਰਿવਾਸਿਯਂ ਨਾਮ।
Puna bhikkhū ‘‘uposathādīni karissāmā’’ti rattiṃ sannipatitvā ‘‘yāva sabbe sannipatanti, tāva dhammaṃ suṇissāmā’’ti ekaṃ ajjhesanti, tasmiṃ dhammakathaṃ kathenteyeva aruṇo uggacchati. Sace ‘‘cātuddasikaṃ uposathaṃ karissāmā’’ti nisinnā, ‘‘pannaraso’’ti kātuṃ vaṭṭati. Sace pannarasikaṃ kātuṃ nisinnā, pāṭipade anuposathe uposathaṃ kātuṃ na vaṭṭati. Aññaṃ pana saṅghakiccaṃ kātuṃ vaṭṭati, idaṃ rattipārivāsiyaṃ nāma.
ਪੁਨ ਭਿਕ੍ਖੂ ‘‘ਕਿਞ੍ਚਿਦੇવ ਅਬ੍ਭਾਨਾਦਿਸਙ੍ਘਕਮ੍ਮਂ ਕਰਿਸ੍ਸਾਮਾ’’ਤਿ ਸਨ੍ਨਿਸਿਨ੍ਨਾ ਹੋਨ੍ਤਿ, ਤਤ੍ਰੇਕੋ ਨਕ੍ਖਤ੍ਤਪਾਠਕੋ ਭਿਕ੍ਖੁ ਏવਂ વਦਤਿ ‘‘ਅਜ੍ਜ ਨਕ੍ਖਤ੍ਤਂ ਦਾਰੁਣਂ, ਮਾ ਇਦਂ ਕਮ੍ਮਂ ਕਰੋਥਾ’’ਤਿ। ਤੇ ਤਸ੍ਸ વਚਨੇਨ ਛਨ੍ਦਂ વਿਸ੍ਸਜ੍ਜੇਤ੍વਾ ਤਤ੍ਥੇવ ਨਿਸਿਨ੍ਨਾ ਹੋਨ੍ਤਿ, ਅਥਞ੍ਞੋ ਆਗਨ੍ਤ੍વਾ ‘‘ਨਕ੍ਖਤ੍ਤਂ ਪਤਿਮਾਨੇਨ੍ਤਂ, ਅਤ੍ਥੋ ਬਾਲਂ ਉਪਜ੍ਝਗਾ (ਜਾ॰ ੧.੧.੪੯), ਕਿਂ ਨਕ੍ਖਤ੍ਤੇਨ ਕਰੋਥਾ’’ਤਿ વਦਤਿ, ਇਦਂ ਛਨ੍ਦਪਾਰਿવਾਸਿਯਞ੍ਚੇવ ਅਜ੍ਝਾਸਯਪਾਰਿવਾਸਿਯਞ੍ਚ। ਏਤਸ੍ਮਿਂ ਪਾਰਿવਾਸਿਯੇ ਪੁਨ ਛਨ੍ਦਪਾਰਿਸੁਦ੍ਧਿਂ ਅਨਾਹਰਿਤ੍વਾ ਕਮ੍ਮਂ ਕਾਤੁਂ ਨ વਟ੍ਟਤਿ, ਇਦਂ ਸਨ੍ਧਾਯ વੁਤ੍ਤਂ ‘‘ਪਾਰਿવਾਸਿਕਛਨ੍ਦਦਾਨੇਨਾ’’ਤਿ। ਪਾਚਿਤ੍ਤਿਯਨ੍ਤਿ ਏવਂ વੁਟ੍ਠਾਪੇਨ੍ਤਿਯਾ વੁਤ੍ਤਨਯੇਨੇવ ਕਮ੍ਮવਾਚਾਪਰਿਯੋਸਾਨੇ ਪਾਚਿਤ੍ਤਿਯਂ।
Puna bhikkhū ‘‘kiñcideva abbhānādisaṅghakammaṃ karissāmā’’ti sannisinnā honti, tatreko nakkhattapāṭhako bhikkhu evaṃ vadati ‘‘ajja nakkhattaṃ dāruṇaṃ, mā idaṃ kammaṃ karothā’’ti. Te tassa vacanena chandaṃ vissajjetvā tattheva nisinnā honti, athañño āgantvā ‘‘nakkhattaṃ patimānentaṃ, attho bālaṃ upajjhagā (jā. 1.1.49), kiṃ nakkhattena karothā’’ti vadati, idaṃ chandapārivāsiyañceva ajjhāsayapārivāsiyañca. Etasmiṃ pārivāsiye puna chandapārisuddhiṃ anāharitvā kammaṃ kātuṃ na vaṭṭati, idaṃ sandhāya vuttaṃ ‘‘pārivāsikachandadānenā’’ti. Pācittiyanti evaṃ vuṭṭhāpentiyā vuttanayeneva kammavācāpariyosāne pācittiyaṃ.
ਰਾਜਗਹੇ ਥੁਲ੍ਲਨਨ੍ਦਂ ਆਰਬ੍ਭ ਏવਂ વੁਟ੍ਠਾਪਨવਤ੍ਥੁਸ੍ਮਿਂ ਪਞ੍ਞਤ੍ਤਂ। ਛਨ੍ਦਂ ਅવਿਸ੍ਸਜ੍ਜੇਤ੍વਾવ ਅવੁਟ੍ਠਿਤਾਯ ਪਰਿਸਾਯ વੁਟ੍ਠਾਪੇਨ੍ਤਿਯਾ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਪਾਰਿવਾਸਿਕਛਨ੍ਦਦਾਨਤਾ, વੁਟ੍ਠਾਪਨਨ੍ਤਿ ਇਮਾਨੇਤ੍ਥ ਦ੍વੇ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਗਮ੍ਭਿਨਿਸਿਕ੍ਖਾਪਦਸਦਿਸਾਨੇવਾਤਿ।
Rājagahe thullanandaṃ ārabbha evaṃ vuṭṭhāpanavatthusmiṃ paññattaṃ. Chandaṃ avissajjetvāva avuṭṭhitāya parisāya vuṭṭhāpentiyā, ummattikādīnañca anāpatti. Pārivāsikachandadānatā, vuṭṭhāpananti imānettha dve aṅgāni. Samuṭṭhānādīni gambhinisikkhāpadasadisānevāti.
ਪਾਰਿવਾਸਿਕਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Pārivāsikasikkhāpadavaṇṇanā niṭṭhitā.
੧੨. ਅਨੁવਸ੍ਸਸਿਕ੍ਖਾਪਦવਣ੍ਣਨਾ
12. Anuvassasikkhāpadavaṇṇanā
ਦ੍વਾਦਸਮੇ ਅਨੁવਸ੍ਸਨ੍ਤਿ ਅਨੁਸਂવਚ੍ਛਰਂ। ਏવਂ વੁਟ੍ਠਾਪੇਨ੍ਤਿਯਾਪਿ વੁਤ੍ਤਨਯੇਨੇવ ਪਾਚਿਤ੍ਤਿਯਂ।
Dvādasame anuvassanti anusaṃvaccharaṃ. Evaṃ vuṭṭhāpentiyāpi vuttanayeneva pācittiyaṃ.
ਸਾવਤ੍ਥਿਯਂ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਅਨੁવਸ੍ਸਂ વੁਟ੍ਠਾਪਨવਤ੍ਥੁਸ੍ਮਿਂ ਪਞ੍ਞਤ੍ਤਂ। ਏਕਨ੍ਤਰਿਕਂ વੁਟ੍ਠਾਪੇਨ੍ਤਿਯਾ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਅਨੁવਸ੍ਸਤਾ, વੁਟ੍ਠਾਪਨਨ੍ਤਿ ਇਮਾਨੇਤ੍ਥ ਦ੍વੇ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਏਕਾਦਸਮੇ વੁਤ੍ਤਨਯਾਨੇવਾਤਿ।
Sāvatthiyaṃ sambahulā bhikkhuniyo ārabbha anuvassaṃ vuṭṭhāpanavatthusmiṃ paññattaṃ. Ekantarikaṃ vuṭṭhāpentiyā, ummattikādīnañca anāpatti. Anuvassatā, vuṭṭhāpananti imānettha dve aṅgāni. Samuṭṭhānādīni ekādasame vuttanayānevāti.
ਅਨੁવਸ੍ਸਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Anuvassasikkhāpadavaṇṇanā niṭṭhitā.
੧੩. ਏਕવਸ੍ਸਸਿਕ੍ਖਾਪਦવਣ੍ਣਨਾ
13. Ekavassasikkhāpadavaṇṇanā
ਤੇਰਸਮੇ ਏਕਨ੍ਤਰਿਕਂ ਏਕਂ વੁਟ੍ਠਾਪੇਨ੍ਤਿਯਾ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਸੇਸਂ ਦ੍વਾਦਸਮੇਨ ਸਦਿਸਮੇવਾਤਿ।
Terasame ekantarikaṃ ekaṃ vuṭṭhāpentiyā, ummattikādīnañca anāpatti. Sesaṃ dvādasamena sadisamevāti.
ਏਕવਸ੍ਸਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ekavassasikkhāpadavaṇṇanā niṭṭhitā.
ਕੁਮਾਰਿਭੂਤવਗ੍ਗੋ ਅਟ੍ਠਮੋ।
Kumāribhūtavaggo aṭṭhamo.
