| Library / Tipiṭaka / ਤਿਪਿਟਕ • Tipiṭaka / ਦ੍વੇਮਾਤਿਕਾਪਾਲ਼ਿ • Dvemātikāpāḷi |
੯. ਛਤ੍ਤੁਪਾਹਨવਗ੍ਗੋ
9. Chattupāhanavaggo
੧. ਛਤ੍ਤੁਪਾਹਨਸਿਕ੍ਖਾਪਦવਣ੍ਣਨਾ
1. Chattupāhanasikkhāpadavaṇṇanā
ਛਤ੍ਤવਗ੍ਗਸ੍ਸ ਪਠਮੇ ਛਤ੍ਤੁਪਾਹਨਨ੍ਤਿ ਪਦਭਾਜਨੇ (ਪਾਚਿ॰ ੧੧੭੮-੧੧੮੨) વੁਤ੍ਤਲਕ੍ਖਣਂ ਛਤ੍ਤਞ੍ਚ ਉਪਾਹਨਾਯੋ ਚ। ਧਾਰੇਯ੍ਯਾਤਿ ਪਰਿਭੋਗવਸੇਨ ਮਗ੍ਗਗਮਨੇ ਏਕਪ੍ਪਯੋਗੇਨੇવ ਦਿવਸਮ੍ਪਿ ਧਾਰੇਨ੍ਤਿਯਾ ਏਕਾ ਆਪਤ੍ਤਿ। ਸਚੇ ਪਨ ਤਾਦਿਸਂ ਠਾਨਂ ਪਤ੍વਾ ਛਤ੍ਤਮ੍ਪਿ ਅਪਨਾਮੇਤ੍વਾ ਉਪਾਹਨਾਪਿ ਓਮੁਞ੍ਚਿਤ੍વਾ ਪੁਨਪ੍ਪੁਨਂ ਧਾਰੇਤਿ, ਪਯੋਗਗਣਨਾਯ ਪਾਚਿਤ੍ਤਿਯਂ।
Chattavaggassa paṭhame chattupāhananti padabhājane (pāci. 1178-1182) vuttalakkhaṇaṃ chattañca upāhanāyo ca. Dhāreyyāti paribhogavasena maggagamane ekappayogeneva divasampi dhārentiyā ekā āpatti. Sace pana tādisaṃ ṭhānaṃ patvā chattampi apanāmetvā upāhanāpi omuñcitvā punappunaṃ dhāreti, payogagaṇanāya pācittiyaṃ.
ਸਾવਤ੍ਥਿਯਂ ਛਬ੍ਬਗ੍ਗਿਯਾ ਭਿਕ੍ਖੁਨਿਯੋ ਆਰਬ੍ਭ ਛਤ੍ਤੁਪਾਹਨਧਾਰਣવਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਅਗਿਲਾਨਾ’’ਤਿ ਅਯਮੇਤ੍ਥ ਅਨੁਪਞ੍ਞਤ੍ਤਿ , ਛਤ੍ਤਸ੍ਸੇવ ਉਪਾਹਨਾਨਂਯੇવ વਾ ਧਾਰਣੇ ਦੁਕ੍ਕਟਂ, ਅਗਿਲਾਨਾਯ ਤਿਕਪਾਚਿਤ੍ਤਿਯਂ, ਗਿਲਾਨਾਯ ਦ੍વਿਕਦੁਕ੍ਕਟਂ। ਗਿਲਾਨਸਞ੍ਞਾਯ ਪਨ, ਆਰਾਮੇ ਆਰਾਮੂਪਚਾਰੇ ਧਾਰੇਨ੍ਤਿਯਾ, ਆਪਦਾਸੁ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਉਭਿਨ੍ਨਂ ਧਾਰਣਂ, ਅਨੁਞ੍ਞਾਤਕਾਰਣਾਭਾવੋਤਿ ਇਮਾਨੇਤ੍ਥ ਦ੍વੇ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਏਲ਼ਕਲੋਮਸਦਿਸਾਨੀਤਿ।
Sāvatthiyaṃ chabbaggiyā bhikkhuniyo ārabbha chattupāhanadhāraṇavatthusmiṃ paññattaṃ, ‘‘agilānā’’ti ayamettha anupaññatti , chattasseva upāhanānaṃyeva vā dhāraṇe dukkaṭaṃ, agilānāya tikapācittiyaṃ, gilānāya dvikadukkaṭaṃ. Gilānasaññāya pana, ārāme ārāmūpacāre dhārentiyā, āpadāsu, ummattikādīnañca anāpatti. Ubhinnaṃ dhāraṇaṃ, anuññātakāraṇābhāvoti imānettha dve aṅgāni. Samuṭṭhānādīni eḷakalomasadisānīti.
ਛਤ੍ਤੁਪਾਹਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Chattupāhanasikkhāpadavaṇṇanā niṭṭhitā.
੨. ਯਾਨਸਿਕ੍ਖਾਪਦવਣ੍ਣਨਾ
2. Yānasikkhāpadavaṇṇanā
ਦੁਤਿਯੇ ਯਾਨੇਨਾਤਿ વਯ੍ਹਾਦਿਨਾ। ਏਤ੍ਥਾਪਿ ਓਰੋਹਿਤ੍વਾ ਪੁਨਪ੍ਪੁਨਂ ਅਭਿਰੁਹਨ੍ਤਿਯਾ ਪਯੋਗਗਣਨਾਯ ਪਾਚਿਤ੍ਤਿਯਂ। ਅਨਾਪਤ੍ਤਿਯਂ ‘‘ਆਰਾਮੇ ਆਰਾਮੂਪਚਾਰੇ’’ਤਿ ਨਤ੍ਥਿ, ਸੇਸਂ ਪਠਮੇ વੁਤ੍ਤਨਯੇਨੇવ વੇਦਿਤਬ੍ਬਨ੍ਤਿ।
Dutiye yānenāti vayhādinā. Etthāpi orohitvā punappunaṃ abhiruhantiyā payogagaṇanāya pācittiyaṃ. Anāpattiyaṃ ‘‘ārāme ārāmūpacāre’’ti natthi, sesaṃ paṭhame vuttanayeneva veditabbanti.
ਯਾਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Yānasikkhāpadavaṇṇanā niṭṭhitā.
੩. ਸਙ੍ਘਾਣਿਸਿਕ੍ਖਾਪਦવਣ੍ਣਨਾ
3. Saṅghāṇisikkhāpadavaṇṇanā
ਤਤਿਯੇ ਸਙ੍ਘਾਣਿਨ੍ਤਿ ਯਂਕਿਞ੍ਚਿ ਕਟੂਪਗਂ। ਧਾਰੇਯ੍ਯਾਤਿ ਕਟਿਯਂ ਪਟਿਮੁਞ੍ਚੇਯ੍ਯ। ਏਤ੍ਥਾਪਿ ਓਮੁਞ੍ਚਿਤ੍વਾ ਓਮੁਞ੍ਚਿਤ੍વਾ ਧਾਰੇਨ੍ਤਿਯਾ ਪਯੋਗਗਣਨਾਯ ਪਾਚਿਤ੍ਤਿਯਂ।
Tatiye saṅghāṇinti yaṃkiñci kaṭūpagaṃ. Dhāreyyāti kaṭiyaṃ paṭimuñceyya. Etthāpi omuñcitvā omuñcitvā dhārentiyā payogagaṇanāya pācittiyaṃ.
ਸਾવਤ੍ਥਿਯਂ ਅਞ੍ਞਤਰਂ ਭਿਕ੍ਖੁਨਿਂ ਆਰਬ੍ਭ ਸਙ੍ਘਾਣਿਂ ਧਾਰਣવਤ੍ਥੁਸ੍ਮਿਂ ਪਞ੍ਞਤ੍ਤਂ। ਆਬਾਧਪਚ੍ਚਯਾ ਕਟਿਸੁਤ੍ਤਂ ਧਾਰੇਨ੍ਤਿਯਾ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਸੇਸਂ વੁਤ੍ਤਨਯੇਨੇવ વੇਦਿਤਬ੍ਬਂ, ਇਦਂ ਪਨ ਅਕੁਸਲਚਿਤ੍ਤਨ੍ਤਿ।
Sāvatthiyaṃ aññataraṃ bhikkhuniṃ ārabbha saṅghāṇiṃ dhāraṇavatthusmiṃ paññattaṃ. Ābādhapaccayā kaṭisuttaṃ dhārentiyā, ummattikādīnañca anāpatti. Sesaṃ vuttanayeneva veditabbaṃ, idaṃ pana akusalacittanti.
ਸਙ੍ਘਾਣਿਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Saṅghāṇisikkhāpadavaṇṇanā niṭṭhitā.
੪. ਇਤ੍ਥਾਲਙ੍ਕਾਰਸਿਕ੍ਖਾਪਦવਣ੍ਣਨਾ
4. Itthālaṅkārasikkhāpadavaṇṇanā
ਚਤੁਤ੍ਥੇ ਇਤ੍ਥਾਲਙ੍ਕਾਰਨ੍ਤਿ ਸੀਸੂਪਗਾਦੀਸੁ ਅਞ੍ਞਤਰਂ ਯਂਕਿਞ੍ਚਿ ਪਿਲ਼ਨ੍ਧਨਂ। ਇਧ ਤਸ੍ਸ ਤਸ੍ਸ વਸੇਨ વਤ੍ਥੁਗਣਨਾਯ ਆਪਤ੍ਤਿ વੇਦਿਤਬ੍ਬਾ।
Catutthe itthālaṅkāranti sīsūpagādīsu aññataraṃ yaṃkiñci piḷandhanaṃ. Idha tassa tassa vasena vatthugaṇanāya āpatti veditabbā.
ਸਾવਤ੍ਥਿਯਂ ਛਬ੍ਬਗ੍ਗਿਯਾ ਭਿਕ੍ਖੁਨਿਯੋ ਆਰਬ੍ਭ ਇਤ੍ਥਾਲਙ੍ਕਾਰਂ ਧਾਰਣવਤ੍ਥੁਸ੍ਮਿਂ ਪਞ੍ਞਤ੍ਤਂ, ਆਬਾਧਪਚ੍ਚਯਾ ਕਿਞ੍ਚਿਦੇવ ਧਾਰੇਨ੍ਤਿਯਾ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਸੇਸਂ વੁਤ੍ਤਸਦਿਸਮੇવਾਤਿ।
Sāvatthiyaṃ chabbaggiyā bhikkhuniyo ārabbha itthālaṅkāraṃ dhāraṇavatthusmiṃ paññattaṃ, ābādhapaccayā kiñcideva dhārentiyā, ummattikādīnañca anāpatti. Sesaṃ vuttasadisamevāti.
ਇਤ੍ਥਾਲਙ੍ਕਾਰਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Itthālaṅkārasikkhāpadavaṇṇanā niṭṭhitā.
੫. ਗਨ੍ਧવਣ੍ਣਕਸਿਕ੍ਖਾਪਦવਣ੍ਣਨਾ
5. Gandhavaṇṇakasikkhāpadavaṇṇanā
ਪਞ੍ਚਮੇ ਗਨ੍ਧવਣ੍ਣਕੇਨਾਤਿ ਯੇਨਕੇਨਚਿ ਗਨ੍ਧੇਨ ਚ વਣ੍ਣਕੇਨ ਚ। ਇਧ ਗਨ੍ਧਾਦਿਯੋਜਨਤੋ ਪਟ੍ਠਾਯ ਪੁਬ੍ਬਪਯੋਗੇ ਦੁਕ੍ਕਟਂ, ਨਹਾਨਪਰਿਯੋਸਾਨੇ ਪਾਚਿਤ੍ਤਿਯਂ। ਆਬਾਧਪਚ੍ਚਯਾ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਸੇਸਂ ਚਤੁਤ੍ਥਸਦਿਸਮੇવਾਤਿ।
Pañcame gandhavaṇṇakenāti yenakenaci gandhena ca vaṇṇakena ca. Idha gandhādiyojanato paṭṭhāya pubbapayoge dukkaṭaṃ, nahānapariyosāne pācittiyaṃ. Ābādhapaccayā, ummattikādīnañca anāpatti. Sesaṃ catutthasadisamevāti.
ਗਨ੍ਧવਣ੍ਣਕਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Gandhavaṇṇakasikkhāpadavaṇṇanā niṭṭhitā.
੬. વਾਸਿਤਕਸਿਕ੍ਖਾਪਦવਣ੍ਣਨਾ
6. Vāsitakasikkhāpadavaṇṇanā
ਛਟ੍ਠੇ વਾਸਿਤਕੇਨਾਤਿ ਗਨ੍ਧવਾਸਿਤਕੇਨ। ਪਿਞ੍ਞਾਕੇਨਾਤਿ ਤਿਲਪਿਟ੍ਠੇਨ। ਸੇਸਂ ਪਞ੍ਚਮਸਦਿਸਮੇવਾਤਿ।
Chaṭṭhe vāsitakenāti gandhavāsitakena. Piññākenāti tilapiṭṭhena. Sesaṃ pañcamasadisamevāti.
વਾਸਿਤਕਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Vāsitakasikkhāpadavaṇṇanā niṭṭhitā.
੭. ਭਿਕ੍ਖੁਨਿਉਮ੍ਮਦ੍ਦਾਪਨਸਿਕ੍ਖਾਪਦવਣ੍ਣਨਾ
7. Bhikkhuniummaddāpanasikkhāpadavaṇṇanā
ਸਤ੍ਤਮੇ ਉਮ੍ਮਦ੍ਦਾਪੇਯ੍ਯਾਤਿ ਉਬ੍ਬਟ੍ਟਾਪੇਯ੍ਯ। ਪਰਿਮਦ੍ਦਾਪੇਯ੍ਯਾਤਿ ਸਮ੍ਬਾਹਾਪੇਯ੍ਯ। ਏਤ੍ਥ ਚ ਹਤ੍ਥਂ ਅਮੁਞ੍ਚਿਤ੍વਾ ਉਬ੍ਬਟ੍ਟਨੇ ਏਕਾવ ਆਪਤ੍ਤਿ, ਮੋਚੇਤ੍વਾ ਮੋਚੇਤ੍વਾ ਉਬ੍ਬਟ੍ਟਨੇ ਪਯੋਗਗਣਨਾਯ ਆਪਤ੍ਤਿਯੋ। ਸਮ੍ਬਾਹਨੇਪਿ ਏਸੇવ ਨਯੋ।
Sattame ummaddāpeyyāti ubbaṭṭāpeyya. Parimaddāpeyyāti sambāhāpeyya. Ettha ca hatthaṃ amuñcitvā ubbaṭṭane ekāva āpatti, mocetvā mocetvā ubbaṭṭane payogagaṇanāya āpattiyo. Sambāhanepi eseva nayo.
ਸਾવਤ੍ਥਿਯਂ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਭਿਕ੍ਖੁਨਿਯਾ ਉਮ੍ਮਦ੍ਦਾਪਨਪਰਿਮਦ੍ਦਾਪਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਗਿਲਾਨਾਯ, ਆਪਦਾਸੁ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਇਧ ਮਗ੍ਗਗਮਨਪਰਿਸ੍ਸਮੋਪਿ ਗੇਲਞ੍ਞਂ, ਚੋਰਭਯਾਦੀਹਿ ਸਰੀਰਕਮ੍ਪਨਾਦਯੋਪਿ ਆਪਦਾ। ਸੇਸਂ ਚਤੁਤ੍ਥੇ વੁਤ੍ਤਨਯੇਨੇવ વੇਦਿਤਬ੍ਬਨ੍ਤਿ।
Sāvatthiyaṃ sambahulā bhikkhuniyo ārabbha bhikkhuniyā ummaddāpanaparimaddāpanavatthusmiṃ paññattaṃ, gilānāya, āpadāsu, ummattikādīnañca anāpatti. Idha maggagamanaparissamopi gelaññaṃ, corabhayādīhi sarīrakampanādayopi āpadā. Sesaṃ catutthe vuttanayeneva veditabbanti.
ਭਿਕ੍ਖੁਨਿਉਮ੍ਮਦ੍ਦਾਪਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Bhikkhuniummaddāpanasikkhāpadavaṇṇanā niṭṭhitā.
੮-੯-੧੦. ਸਿਕ੍ਖਮਾਨਉਮ੍ਮਦ੍ਦਾਪਨਾਦਿਸਿਕ੍ਖਾਪਦવਣ੍ਣਨਾ
8-9-10. Sikkhamānaummaddāpanādisikkhāpadavaṇṇanā
ਅਟ੍ਠਮਨવਮਦਸਮੇਸੁਪਿ ਸਿਕ੍ਖਮਾਨਾਯ ਸਾਮਣੇਰਿਯਾ ਗਿਹਿਨਿਯਾਤਿ ਏਤ੍ਤਕਮੇવ ਨਾਨਂ। ਸੇਸਂ ਸਤ੍ਤਮਸਦਿਸਮੇવਾਤਿ।
Aṭṭhamanavamadasamesupi sikkhamānāya sāmaṇeriyā gihiniyāti ettakameva nānaṃ. Sesaṃ sattamasadisamevāti.
ਸਿਕ੍ਖਮਾਨਉਮ੍ਮਦ੍ਦਾਪਨਾਦਿਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Sikkhamānaummaddāpanādisikkhāpadavaṇṇanā niṭṭhitā.
੧੧. ਅਨਾਪੁਚ੍ਛਾਸਿਕ੍ਖਾਪਦવਣ੍ਣਨਾ
11. Anāpucchāsikkhāpadavaṇṇanā
ਏਕਾਦਸਮੇ ਭਿਕ੍ਖੁਸ੍ਸ ਪੁਰਤੋਤਿ ਨ ਅਭਿਮੁਖਮੇવਾਤਿ ਅਤ੍ਥੋ, ਇਦਂ ਪਨ ਉਪਚਾਰਂ ਸਨ੍ਧਾਯ ਕਥਿਤਨ੍ਤਿ વੇਦਿਤਬ੍ਬਂ। ਤਸ੍ਮਾ ਭਿਕ੍ਖੁਸ੍ਸ ਉਪਚਾਰੇ ਅਨ੍ਤਮਸੋ ਛਮਾਯਪਿ ‘‘ਨਿਸੀਦਾਮਿ, ਅਯ੍ਯਾ’’ਤਿ ਅਨਾਪੁਚ੍ਛਿਤ੍વਾ ਨਿਸੀਦਨ੍ਤਿਯਾ ਪਾਚਿਤ੍ਤਿਯਂ।
Ekādasame bhikkhussa puratoti na abhimukhamevāti attho, idaṃ pana upacāraṃ sandhāya kathitanti veditabbaṃ. Tasmā bhikkhussa upacāre antamaso chamāyapi ‘‘nisīdāmi, ayyā’’ti anāpucchitvā nisīdantiyā pācittiyaṃ.
ਸਾવਤ੍ਥਿਯਂ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਅਨਾਪੁਚ੍ਛਾ ਨਿਸੀਦਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਤਿਕਪਾਚਿਤ੍ਤਿਯਂ, ਆਪੁਚ੍ਛਿਤੇ ਦ੍વਿਕਦੁਕ੍ਕਟਂ। ਤਸ੍ਮਿਂ ਆਪੁਚ੍ਛਿਤਸਞ੍ਞਾਯ, ਗਿਲਾਨਾਯ, ਆਪਦਾਸੁ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਭਿਕ੍ਖੁਸ੍ਸ ਅਨਾਪੁਚ੍ਛਾ, ਉਪਚਾਰੇ ਨਿਸਜ੍ਜਾ, ਅਨੁਞ੍ਞਾਤਕਾਰਣਾਭਾવੋਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਕਥਿਨਸਦਿਸਾਨਿ, ਇਦਂ ਪਨ ਕਿਰਿਯਾਕਿਰਿਯਨ੍ਤਿ।
Sāvatthiyaṃ sambahulā bhikkhuniyo ārabbha anāpucchā nisīdanavatthusmiṃ paññattaṃ, tikapācittiyaṃ, āpucchite dvikadukkaṭaṃ. Tasmiṃ āpucchitasaññāya, gilānāya, āpadāsu, ummattikādīnañca anāpatti. Bhikkhussa anāpucchā, upacāre nisajjā, anuññātakāraṇābhāvoti imānettha tīṇi aṅgāni. Samuṭṭhānādīni kathinasadisāni, idaṃ pana kiriyākiriyanti.
ਅਨਾਪੁਚ੍ਛਾਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Anāpucchāsikkhāpadavaṇṇanā niṭṭhitā.
੧੨. ਪਞ੍ਹਾਪੁਚ੍ਛਨਸਿਕ੍ਖਾਪਦવਣ੍ਣਨਾ
12. Pañhāpucchanasikkhāpadavaṇṇanā
ਦ੍વਾਦਸਮੇ ਅਨੋਕਾਸਕਤਨ੍ਤਿ ‘‘ਅਸੁਕਸ੍ਮਿਂ ਨਾਮ ਠਾਨੇ ਪੁਚ੍ਛਾਮੀ’’ਤਿ ਏવਂ ਅਕਤਓਕਾਸਂ, ਤਸ੍ਮਾ ਸੁਤ੍ਤਨ੍ਤੇ ਓਕਾਸਂ ਕਾਰਾਪੇਤ੍વਾ વਿਨਯਂ વਾ ਅਭਿਧਮ੍ਮਂ વਾ ਪੁਚ੍ਛਨ੍ਤਿਯਾ ਪਾਚਿਤ੍ਤਿਯਂ। ਸੇਸੇਸੁਪਿ ਏਸੇવ ਨਯੋ, ਸਬ੍ਬਸੋ ਅਕਾਰਿਤੇ ਪਨ વਤ੍ਤਬ੍ਬਮੇવ ਨਤ੍ਥਿ।
Dvādasame anokāsakatanti ‘‘asukasmiṃ nāma ṭhāne pucchāmī’’ti evaṃ akataokāsaṃ, tasmā suttante okāsaṃ kārāpetvā vinayaṃ vā abhidhammaṃ vā pucchantiyā pācittiyaṃ. Sesesupi eseva nayo, sabbaso akārite pana vattabbameva natthi.
ਸਾવਤ੍ਥਿਯਂ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਅਨੋਕਾਸਕਤਂ ਭਿਕ੍ਖੁਂ ਪਞ੍ਹਂ ਪੁਚ੍ਛਨવਤ੍ਥੁਸ੍ਮਿਂ ਪਞ੍ਞਤ੍ਤਂ। ਤਤ੍ਥ ਤਤ੍ਥ ਓਕਾਸਂ ਕਾਰਾਪੇਤ੍વਾ ਪੁਚ੍ਛਨ੍ਤਿਯਾ, ਅਨੋਦਿਸ੍ਸ ਓਕਾਸਂ ਕਾਰਾਪੇਤ੍વਾ ਯਤ੍ਥ ਕਤ੍ਥਚਿ ਪੁਚ੍ਛਨ੍ਤਿਯਾ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਭਿਕ੍ਖੁਸ੍ਸ ਅਨੋਕਾਸਕਾਰਾਪਨਂ, ਪਞ੍ਹਂ ਪੁਚ੍ਛਨਨ੍ਤਿ ਇਮਾਨੇਤ੍ਥ ਦ੍વੇ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਪਦਸੋਧਮ੍ਮਸਦਿਸਾਨਿ, ਇਦਂ ਪਨ ਕਿਰਿਯਾਕਿਰਿਯਨ੍ਤਿ।
Sāvatthiyaṃ sambahulā bhikkhuniyo ārabbha anokāsakataṃ bhikkhuṃ pañhaṃ pucchanavatthusmiṃ paññattaṃ. Tattha tattha okāsaṃ kārāpetvā pucchantiyā, anodissa okāsaṃ kārāpetvā yattha katthaci pucchantiyā, ummattikādīnañca anāpatti. Bhikkhussa anokāsakārāpanaṃ, pañhaṃ pucchananti imānettha dve aṅgāni. Samuṭṭhānādīni padasodhammasadisāni, idaṃ pana kiriyākiriyanti.
ਪਞ੍ਹਾਪੁਚ੍ਛਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Pañhāpucchanasikkhāpadavaṇṇanā niṭṭhitā.
੧੩. ਅਸਂਕਚ੍ਚਿਕਸਿਕ੍ਖਾਪਦવਣ੍ਣਨਾ
13. Asaṃkaccikasikkhāpadavaṇṇanā
ਤੇਰਸਮੇ ਅਸਂਕਚ੍ਚਿਕਾਤਿ ਅਧਕ੍ਖਕਉਬ੍ਭਨਾਭਿਮਣ੍ਡਲਸਙ੍ਖਾਤਸ੍ਸ ਸਰੀਰਸ੍ਸ ਪਟਿਚ੍ਛਾਦਨਤ੍ਥਂ ਅਨੁਞ੍ਞਾਤਸਂਕਚ੍ਚਿਕવਿਰਹਿਤਾ। ਗਾਮਂ ਪવਿਸੇਯ੍ਯਾਤਿ ਏਤ੍ਥ ਪਰਿਕ੍ਖਿਤ੍ਤਸ੍ਸ ਗਾਮਸ੍ਸ ਪਰਿਕ੍ਖੇਪਂ, ਅਪਰਿਕ੍ਖਿਤ੍ਤਸ੍ਸ ਉਪਚਾਰਂ ਅਤਿਕ੍ਕਮਨ੍ਤਿਯਾ વਾ ਓਕ੍ਕਮਨ੍ਤਿਯਾ વਾ ਪਠਮਪਾਦੇ ਦੁਕ੍ਕਟਂ, ਦੁਤਿਯੇ ਪਾਚਿਤ੍ਤਿਯਂ।
Terasame asaṃkaccikāti adhakkhakaubbhanābhimaṇḍalasaṅkhātassa sarīrassa paṭicchādanatthaṃ anuññātasaṃkaccikavirahitā. Gāmaṃ paviseyyāti ettha parikkhittassa gāmassa parikkhepaṃ, aparikkhittassa upacāraṃ atikkamantiyā vā okkamantiyā vā paṭhamapāde dukkaṭaṃ, dutiye pācittiyaṃ.
ਸਾવਤ੍ਥਿਯਂ ਅਞ੍ਞਤਰਂ ਭਿਕ੍ਖੁਨਿਂ ਆਰਬ੍ਭ ਅਸਂਕਚ੍ਚਿਕਾਯ ਗਾਮਂ ਪવਿਸਨવਤ੍ਥੁਸ੍ਮਿਂ ਪਞ੍ਞਤ੍ਤਂ। ਯਸ੍ਸਾ ਪਨ ਸਂਕਚ੍ਚਿਕਚੀવਰਂ ਅਚ੍ਛਿਨ੍ਨਂ વਾ ਨਟ੍ਠਂ વਾ, ਤਸ੍ਸਾ, ਗਿਲਾਨਾਯ, ਆਪਦਾਸੁ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਅਸਂਕਚ੍ਚਿਕਤਾ, વੁਤ੍ਤਪਰਿਚ੍ਛੇਦਾਤਿਕ੍ਕਮੋ, ਅਨੁਞ੍ਞਾਤਕਾਰਣਾਭਾવੋਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਏਲ਼ਕਲੋਮਸਦਿਸਾਨੀਤਿ।
Sāvatthiyaṃ aññataraṃ bhikkhuniṃ ārabbha asaṃkaccikāya gāmaṃ pavisanavatthusmiṃ paññattaṃ. Yassā pana saṃkaccikacīvaraṃ acchinnaṃ vā naṭṭhaṃ vā, tassā, gilānāya, āpadāsu, ummattikādīnañca anāpatti. Asaṃkaccikatā, vuttaparicchedātikkamo, anuññātakāraṇābhāvoti imānettha tīṇi aṅgāni. Samuṭṭhānādīni eḷakalomasadisānīti.
ਅਸਂਕਚ੍ਚਿਕਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Asaṃkaccikasikkhāpadavaṇṇanā niṭṭhitā.
ਛਤ੍ਤੁਪਾਹਨવਗ੍ਗੋ ਨવਮੋ।
Chattupāhanavaggo navamo.
