| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
38. гулад̣̇уусананид̣̇д̣̇зсаван̣н̣анаа
38. Kuladūsananiddesavaṇṇanā
297. ‘‘гулаани д̣̇уусзд̇и бубпзна ваа палзна ваа жун̣н̣зна ваа мад̇д̇игааяа ваа д̣̇анд̇агадтзна ваа взл̣уяаа ваа взж̇ж̇игааяа ваа ж̇ан̇гхабзсаниязна ваа’’д̇и (баараа. 437) вуд̇д̇ад̇д̇аа д̇аани адта вад̇т̇ууни д̣̇ассзд̇ум̣ ‘‘бубпа’’нд̇иаад̣̇имааха. имааяа мижчаабадибад̇д̇ияаа гулаанам̣ ан̃н̃зсу сийлаванд̇зсу басаад̣̇ам̣ д̣̇уусзд̇и винаасзд̇ийд̇и гулад̣̇уусанам̣ д̣̇уггадам̣ аабаж̇ж̇ад̇и. д̇ам̣ бана ад̇д̇ано санд̇агз жа барасанд̇агз жа взд̣̇ид̇аб̣б̣ам̣.
297. ‘‘Kulāni dūseti pupphena vā phalena vā cuṇṇena vā mattikāya vā dantakaṭṭhena vā veḷuyā vā vejjikāya vā jaṅghapesaniyena vā’’ti (pārā. 437) vuttattā tāni aṭṭha vatthūni dassetuṃ ‘‘puppha’’ntiādimāha. Imāya micchāpaṭipattiyā kulānaṃ aññesu sīlavantesu pasādaṃ dūseti vināsetīti kuladūsanaṃ dukkaṭaṃ āpajjati. Taṃ pana attano santake ca parasantake ca veditabbaṃ.
298. ид̣̇аани имзсу вад̇т̇уусу на гзвалам̣ гулад̣̇уусанад̣̇уггадамзва аабаж̇ж̇ад̇и, т̇уллажжаяаад̣̇ийниби аабаж̇ж̇ад̇ийд̇и д̣̇ассзд̇ум̣ ‘‘т̇уллажжаяа’’нд̇иаад̣̇имааха. сан̇гхигам̣ г̇арубхан̣д̣ам̣ иссарзна д̣̇знд̇асса т̇уллажжаяанд̇и самб̣анд̇хо. сзнаасанад̇т̇ааяа нияамид̇ам̣ бана бубпаад̣̇и г̇арубхан̣д̣ам̣ ход̇и. сан̇гхасса ваа ан̃н̃асса ваа санд̇агам̣ т̇зяяажид̇д̇зна д̣̇знд̇асса д̣̇уггадаад̣̇ийни хонд̇ийд̇и баатасзсо, д̇асса бхан̣д̣асса аг̇гхавасзна д̣̇уггадат̇уллажжаяабаарааж̇игаани хонд̇ийд̇и ад̇т̇о.
298. Idāni imesu vatthūsu na kevalaṃ kuladūsanadukkaṭameva āpajjati, thullaccayādīnipi āpajjatīti dassetuṃ ‘‘thullaccaya’’ntiādimāha. Saṅghikaṃ garubhaṇḍaṃ issarena dentassa thullaccayanti sambandho. Senāsanatthāya niyamitaṃ pana pupphādi garubhaṇḍaṃ hoti. Saṅghassa vā aññassa vā santakaṃ theyyacittena dentassa dukkaṭādīni hontīti pāṭhaseso, tassa bhaṇḍassa agghavasena dukkaṭathullaccayapārājikāni hontīti attho.
299-300. саб̣б̣ат̇аад̇и (баараа. адта. 2.431) габбияавохаараагаббияавохаарабарияааяаобхаасанимид̇д̇агаммаад̣̇ийхи на ваддад̇ийд̇и ад̇т̇о. вад̇иаад̣̇ийни гад̇ваа ж̇аг̇г̇ид̇ун̃жа. ад̇д̇ано барибхог̇ад̇т̇анд̇и палабарибхог̇ад̇т̇ам̣. робанаад̣̇ийнийд̇и робаабанаад̣̇ийни. аад̣̇и-сад̣̇д̣̇зна син̃жаабанаожинаабанаад̣̇ийни г̇ахид̇аани. гуд̣̇д̣̇аалакан̣ид̇д̇иваасипарасууд̣̇агабхааж̇анаад̣̇ийни аахарид̇ваа самийбз табанавасзна нимид̇д̇ад̇о жа гуд̣̇д̣̇аалакан̣ид̇д̇аад̣̇ийни жа маалааважчз жа г̇ахзд̇ваа тид̇з ‘‘сааман̣зраад̣̇аяо д̣̇исваа ‘т̇зро гаараабзд̇угаамо’д̇и ааг̇анд̇ваа гаронд̇ий’’д̇и сан̃н̃ааяа обхаасад̇о жа ‘‘имам̣ ругкам̣ ж̇аана, имам̣ ааваадам̣ ж̇аанаа’’д̇иаад̣̇игаббияавохаарад̇о жа ‘‘бан̣д̣ид̇зна маалааважчаад̣̇аяо робаабзд̇аб̣б̣аа, на жирассзва убагаарааяа сам̣вад̇д̇анд̇ий’’д̇иаад̣̇ибарияааяад̇о жа робанаад̣̇ийни лаб̣бхарзд̇и самб̣анд̇хо.
299-300.Sabbathāti (pārā. aṭṭha. 2.431) kappiyavohāraakappiyavohārapariyāyaobhāsanimittakammādīhi na vaṭṭatīti attho. Vatiādīni katvā jaggituñca. Attano paribhogatthanti phalaparibhogatthaṃ. Ropanādīnīti ropāpanādīni. Ādi-saddena siñcāpanaocināpanādīni gahitāni. Kuddālakhaṇittivāsipharasuudakabhājanādīni āharitvā samīpe ṭhapanavasena nimittato ca kuddālakhaṇittādīni ca mālāvacche ca gahetvā ṭhite ‘‘sāmaṇerādayo disvā ‘thero kārāpetukāmo’ti āgantvā karontī’’ti saññāya obhāsato ca ‘‘imaṃ rukkhaṃ jāna, imaṃ āvāṭaṃ jānā’’tiādikappiyavohārato ca ‘‘paṇḍitena mālāvacchādayo ropāpetabbā, na cirasseva upakārāya saṃvattantī’’tiādipariyāyato ca ropanādīni labbhareti sambandho.
301-2. ид̣̇аани адтасу вад̇т̇уусу авасзсаани д̣̇вз вад̇т̇ууни д̣̇ассзд̇ум̣ ‘‘вуд̇д̇аава взж̇ж̇игаа ж̇ан̇гхабзсанз’’д̇и вуд̇д̇ам̣. д̇ад̇т̇а взж̇ж̇игаа буб̣б̣з вуд̇д̇аава, ид̣̇аани ж̇ан̇гхабзсанаад̣̇ивинижчаяам̣ вагкаамийд̇и ад̇т̇о. бид̇арод̇и (баараа. адта. 2.436-437) маад̇аабид̇аро. бхан̣д̣унд̇и баб̣б̣аж̇ж̇аабзгкам̣. бхигкусса сагам̣ взяяааважжагаран̃жаад̇и зд̇з табзд̇ваа гасиваан̣иж̇ж̇аад̣̇иг̇ихигаммзсу д̣̇ууд̇асаасанам̣ харан̣з д̣̇уггаданд̇и ад̇т̇о. батамам̣ саасанам̣ аг̇г̇ахзд̇ваа буна д̇ам̣ д̣̇исваа ваа д̇асса санд̇игам̣ г̇анд̇ваа ваа вад̣̇ад̇оби д̣̇уггадамзваад̇и ад̇т̇о. саасанам̣ аг̇г̇ахзд̇ваа ааг̇ад̇аанам̣ бана ‘‘бханд̇з, д̇асмим̣ г̇аамз ид̇т̇аннаамасса гаа бавад̇д̇ий’’д̇и бужчияамаанз гат̇зд̇ум̣ ваддад̇и. бужчид̇абан̃хз д̣̇осо над̇т̇и.
301-2. Idāni aṭṭhasu vatthūsu avasesāni dve vatthūni dassetuṃ ‘‘vuttāva vejjikā jaṅghapesane’’ti vuttaṃ. Tattha vejjikā pubbe vuttāva, idāni jaṅghapesanādivinicchayaṃ vakkhāmīti attho. Pitaroti (pārā. aṭṭha. 2.436-437) mātāpitaro. Bhaṇḍunti pabbajjāpekkhaṃ. Bhikkhussa sakaṃ veyyāvaccakarañcāti ete ṭhapetvā kasivāṇijjādigihikammesu dūtasāsanaṃ haraṇe dukkaṭanti attho. Paṭhamaṃ sāsanaṃ aggahetvā puna taṃ disvā vā tassa santikaṃ gantvā vā vadatopi dukkaṭamevāti attho. Sāsanaṃ aggahetvā āgatānaṃ pana ‘‘bhante, tasmiṃ gāme itthannāmassa kā pavattī’’ti pucchiyamāne kathetuṃ vaṭṭati. Pucchitapañhe doso natthi.
303. звам̣ гулад̣̇уусанзна уббаннабажжаяаа. ‘‘бан̃жаннамбий’’д̇и вуд̇д̇ад̇д̇аа анубасамбаннзна гад̇амби зд̣̇исам̣ на ваддад̇и зва мижчааж̇ийвад̇д̇аа. аад̇умаавад̇т̇у (махаава. 303) жзд̇т̇а нид̣̇ассанам̣. гим̣ вияаад̇и жз, д̇ам̣ д̣̇ассзд̇ум̣ ‘‘абхууд̇аарожанаарууба-саб̣яохааруг̇г̇ахаад̣̇исаа’’д̇и вуд̇д̇ам̣. д̇ад̇т̇а уг̇г̇ахаад̣̇исаад̇и зд̇зхи уббаннабажжаяасад̣̇исаад̇и ад̇т̇о.
303.Evaṃ kuladūsanena uppannapaccayā. ‘‘Pañcannampī’’ti vuttattā anupasampannena katampi edisaṃ na vaṭṭati eva micchājīvattā. Ātumāvatthu (mahāva. 303) cettha nidassanaṃ. Kiṃ viyāti ce, taṃ dassetuṃ ‘‘abhūtārocanārūpa-sabyohāruggahādisā’’ti vuttaṃ. Tattha uggahādisāti etehi uppannapaccayasadisāti attho.
304. ид̣̇аани бубпаад̣̇ийни гзсам̣ д̣̇аад̇ум̣ вадданд̇и, гзсам̣ д̣̇аад̇ум̣ на вадданд̇ийд̇и д̇ам̣ д̣̇ассзд̇ум̣ ‘‘хараабзд̇ваа’’д̇иаад̣̇имааха. бид̇уунам̣ (баараа. адта. 2.436-437) д̣̇аад̇ум̣ лаб̣бхад̇ийд̇и самб̣анд̇хо. сзсан̃аад̇ийнам̣ бад̇д̇аанам̣ зва. лин̇г̇анд̇и сивалин̇г̇ам̣.
304. Idāni pupphādīni kesaṃ dātuṃ vaṭṭanti, kesaṃ dātuṃ na vaṭṭantīti taṃ dassetuṃ ‘‘harāpetvā’’tiādimāha. Pitūnaṃ (pārā. aṭṭha. 2.436-437) dātuṃ labbhatīti sambandho. Sesañātīnaṃ pattānaṃ eva. Liṅganti sivaliṅgaṃ.
305. д̇ат̇аа паланд̇и паламби маад̇аабид̇уунам̣ харид̇вааби хараабзд̇вааби д̣̇аад̇ум̣ лаб̣бхад̇ийд̇и ад̇т̇о. на гзвалам̣ маад̇аабид̇уунам̣язва, ан̃н̃зсамби д̣̇аад̇ум̣ лаб̣бхад̇ийд̇и д̣̇ассзд̇ум̣ ‘‘г̇илаанаана’’нд̇иаад̣̇имааха. сабарасанд̇аганд̇и зд̇т̇а барод̇и ад̇д̇ано виссаасан̃н̃аад̇аго зва ад̇хиббзд̇о.
305.Tathāphalanti phalampi mātāpitūnaṃ haritvāpi harāpetvāpi dātuṃ labbhatīti attho. Na kevalaṃ mātāpitūnaṃyeva, aññesampi dātuṃ labbhatīti dassetuṃ ‘‘gilānāna’’ntiādimāha. Saparasantakanti ettha paroti attano vissāsaññātako eva adhippeto.
306. бхааж̇знд̇зд̇и сан̇гхасса палабубпамхи бхааж̇ияамаанз саммад̇зна д̣̇зяяанд̇и самб̣анд̇хо. ид̇арзна асаммад̇зна абалогзд̇ваа д̣̇аад̇аб̣б̣анд̇и ад̇т̇о.
306.Bhājenteti saṅghassa phalapupphamhi bhājiyamāne sammatena deyyanti sambandho. Itarena asammatena apaloketvā dātabbanti attho.
307. барижчиж̇ж̇аад̇и ааг̇ад̇аанам̣ д̣̇аад̇аб̣б̣анд̇и палавасзна ваа ругкавасзна ваа барижчинд̣̇ид̇ваад̇и ад̇т̇о. ид̇арассаад̇и иссараад̣̇игасса. гад̇игам̣ вад̇ваад̇и ‘‘имасмим̣ ругкз зд̇д̇агаани палаани лаб̣бханд̇ий’’д̇и звам̣ вад̇ваа.
307.Paricchijjāti āgatānaṃ dātabbanti phalavasena vā rukkhavasena vā paricchinditvāti attho. Itarassāti issarādikassa. Katikaṃ vatvāti ‘‘imasmiṃ rukkhe ettakāni phalāni labbhantī’’ti evaṃ vatvā.
308. сзсзд̇и мад̇д̇игаад̣̇анд̇агадтавзл̣умхи (баараа. адта. 2.436-437). яат̇аавуд̇д̇анаяо зваад̇и зд̇т̇а ад̇д̇ано жа барасса жа санд̇агам̣ гуласан̇г̇ахад̇т̇ааяа д̣̇ад̣̇ад̇о д̣̇уггаданд̇иаад̣̇инаа хздтаа вуд̇д̇анаязнзва винижчаяо взд̣̇ид̇аб̣б̣од̇и ад̇т̇о. бан̣н̣амбийд̇и гин̃жааби баал̣ияам̣ бан̣н̣ад̣̇аанам̣ на вуд̇д̇ам̣, д̇ат̇ааби гулад̣̇уусанз бавзсаязд̇и ад̇т̇о. гулад̣̇уусанавинижчаяо.
308.Seseti mattikādantakaṭṭhaveḷumhi (pārā. aṭṭha. 2.436-437). Yathāvuttanayo evāti ettha attano ca parassa ca santakaṃ kulasaṅgahatthāya dadato dukkaṭantiādinā heṭṭhā vuttanayeneva vinicchayo veditabboti attho. Paṇṇampīti kiñcāpi pāḷiyaṃ paṇṇadānaṃ na vuttaṃ, tathāpi kuladūsane pavesayeti attho. Kuladūsanavinicchayo.
гулад̣̇уусананид̣̇д̣̇зсаван̣н̣анаа нидтид̇аа.
Kuladūsananiddesavaṇṇanā niṭṭhitā.
