| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
39. вассуубанааяиганид̣̇д̣̇зсаван̣н̣анаа
39. Vassūpanāyikaniddesavaṇṇanā
309-310. ид̣̇аани вассуубаг̇аманам̣ д̣̇ассзд̇ум̣ ‘‘буримигаа’’д̇иаад̣̇имааха. д̇ад̇т̇а буримигаа бажчимигаа (махаава. 184; махаава. адта. 185) жзд̇и д̣̇вз вассуубанааяигаад̇и ад̇т̇о. аалаяабариг̇г̇аахо ваа важийбхзд̣̇о ваа вассуубанааяигаад̇и баатасзсо. ид̣̇аани вад̇д̇аб̣б̣ам̣ санд̇хааяа ‘‘зд̣̇исо’’д̇и вуд̇д̇ам̣. ‘‘ид̇ха вассам̣ васиссаамий’’д̇и жид̇д̇уббаад̣̇зд̇т̇а аалаяо (махаава. адта. 203). аалаяабариг̇г̇аахо бана важ̇з ваа сад̇т̇з ваа наавааяа ваа вассам̣ убаг̇анд̇угаамасса д̇ад̇т̇а сзнаасанам̣ алабханд̇асса лаб̣бхад̇и, сад̇т̇аад̣̇ийсу бана вассам̣ убаг̇анд̇ум̣ на ваддад̇ийд̇и гад̇ваа. яад̣̇и сад̇т̇аад̣̇ийсу гаваадаб̣анд̇хам̣ сзнаасанам̣ лаб̣бхад̇и, д̇ад̇т̇а убаг̇анд̇аб̣б̣ам̣. убаг̇ажчанд̇зна жа ‘‘ид̇ха вассам̣ убзмий’’д̇и д̇игкад̇д̇ум̣ вад̇д̇аб̣б̣ам̣. вихаарз бана важийбхзд̣̇о ваа гаад̇аб̣б̣о. сажз ‘‘ид̇ха вассам̣ васиссаамий’’д̇и аалаяо ад̇т̇и, асад̇ияаа бана вассам̣ на убзд̇и, чиннавассо на ход̇и, баваарзд̇ун̃жа лабхад̇и зва.
309-310. Idāni vassūpagamanaṃ dassetuṃ ‘‘purimikā’’tiādimāha. Tattha purimikā pacchimikā (mahāva. 184; mahāva. aṭṭha. 185) ceti dve vassūpanāyikāti attho. Ālayapariggāho vā vacībhedo vā vassūpanāyikāti pāṭhaseso. Idāni vattabbaṃ sandhāya ‘‘ediso’’ti vuttaṃ. ‘‘Idha vassaṃ vasissāmī’’ti cittuppādettha ālayo (mahāva. aṭṭha. 203). Ālayapariggāho pana vaje vā satthe vā nāvāya vā vassaṃ upagantukāmassa tattha senāsanaṃ alabhantassa labbhati, satthādīsu pana vassaṃ upagantuṃ na vaṭṭatīti katvā. Yadi satthādīsu kavāṭabandhaṃ senāsanaṃ labbhati, tattha upagantabbaṃ. Upagacchantena ca ‘‘idha vassaṃ upemī’’ti tikkhattuṃ vattabbaṃ. Vihāre pana vacībhedo vā kātabbo. Sace ‘‘idha vassaṃ vasissāmī’’ti ālayo atthi, asatiyā pana vassaṃ na upeti, chinnavasso na hoti, pavāretuñca labhati eva.
311. нобзд̇угаамо ааваасам̣, д̇ад̣̇ахууд̇иггамзяяа ваад̇и баатз (махаава. 186) ад̇иггаманд̇асса ааваасам̣ д̇ад̣̇аху вассуубанааяигаад̇иби ад̇т̇о. ааваасам̣ ад̇иггамзяяа ваад̇и самб̣анд̇хо. ж̇аанам̣ ваанубаг̇ажчад̇од̇и зд̇т̇а вихаарз нисийд̣̇ид̇вааби анубаг̇ажчад̇о д̣̇уггадаабад̇д̇и ход̇ийд̇и ад̇хиббааяо.
311.Nopetukāmo āvāsaṃ, tadahūtikkameyya vāti pāṭhe (mahāva. 186) atikkamantassa āvāsaṃ tadahu vassūpanāyikātipi attho. Āvāsaṃ atikkameyya vāti sambandho. Jānaṃ vānupagacchatoti ettha vihāre nisīditvāpi anupagacchato dukkaṭāpatti hotīti adhippāyo.
312. чиннавассо (важ̇ира. дий. махааваг̇г̇а 208) ваа гзнажи анд̇арааязна батамам̣ анубаг̇ад̇о (махаава. 185-186) ваа д̣̇уд̇ияам̣ убаг̇ажчзяяаад̇и самб̣анд̇хо. д̇змаасанд̇и буримам̣ ваа д̇змаасам̣ бажчимам̣ ваа д̇змаасам̣. ‘‘на бхигкавз вассам̣ убаг̇анд̇ваа буримам̣ ваа бажчимам̣ ваа д̇змаасам̣ авасид̇ваа жааригаа баггамид̇аб̣б̣аа. яо баггамзяяа, аабад̇д̇и д̣̇уггадассаа’’д̇и (махаава. 185) хи вуд̇д̇ам̣.
312. Chinnavasso (vajira. ṭī. mahāvagga 208) vā kenaci antarāyena paṭhamaṃ anupagato (mahāva. 185-186) vā dutiyaṃ upagaccheyyāti sambandho. Temāsanti purimaṃ vā temāsaṃ pacchimaṃ vā temāsaṃ. ‘‘Na bhikkhave vassaṃ upagantvā purimaṃ vā pacchimaṃ vā temāsaṃ avasitvā cārikā pakkamitabbā. Yo pakkameyya, āpatti dukkaṭassā’’ti (mahāva. 185) hi vuttaṃ.
313-5. ‘‘ануж̇аанаами, бхигкавз, сад̇д̇аннам̣ сад̇д̇аахагаран̣ийязна аббахид̇зби г̇анд̇ум̣, баг̇зва бахид̇з, ‘бхигкусса бхигкунияаа сигкамаанааяа сааман̣зрасса сааман̣зрияаа маад̇уяаа жа бид̇усса жа, г̇илаанабхад̇д̇ам̣ ваа бариязсиссаами, г̇илаанубадтаагабхад̇д̇ам̣ ваа бариязсиссаами, г̇илаанабхзсаж̇ж̇ам̣ ваа бариязсиссаами, бужчиссаами ваа убадтахиссаами ваа’д̇и сад̇д̇аахам̣ саннивад̇д̇о гаад̇аб̣б̣о’’д̇и (махаава. 198) вуд̇д̇ад̇д̇аа ‘‘маад̇аабид̇уунамад̇т̇ааяа…бз… убадтисса’’нд̇и вуд̇д̇ам̣. д̇ад̇т̇ааяам̣ сан̇кзбо – ‘‘маад̇аад̣̇ийнам̣ г̇илаанабхад̇д̇ам̣ ваа д̇ад̣̇убадтаагабхад̇д̇ам̣ ваа г̇илаанаанам̣ осад̇хам̣ ваа зсиссам̣ бариязсисса’’нд̇и ваа ‘‘д̇з г̇илаанз г̇анд̇ваа бужчиссаамий’’д̇и ваа ‘‘убадтисса’’нд̇и ваа бахид̇зби аббахид̇зби сад̇д̇аахагижжзна г̇анд̇ум̣ лабхад̇и.
313-5. ‘‘Anujānāmi, bhikkhave, sattannaṃ sattāhakaraṇīyena appahitepi gantuṃ, pageva pahite, ‘bhikkhussa bhikkhuniyā sikkhamānāya sāmaṇerassa sāmaṇeriyā mātuyā ca pitussa ca, gilānabhattaṃ vā pariyesissāmi, gilānupaṭṭhākabhattaṃ vā pariyesissāmi, gilānabhesajjaṃ vā pariyesissāmi, pucchissāmi vā upaṭṭhahissāmi vā’ti sattāhaṃ sannivatto kātabbo’’ti (mahāva. 198) vuttattā ‘‘mātāpitūnamatthāya…pe… upaṭṭhissa’’nti vuttaṃ. Tatthāyaṃ saṅkhepo – ‘‘mātādīnaṃ gilānabhattaṃ vā tadupaṭṭhākabhattaṃ vā gilānānaṃ osadhaṃ vā esissaṃ pariyesissa’’nti vā ‘‘te gilāne gantvā pucchissāmī’’ti vā ‘‘upaṭṭhissa’’nti vā pahitepi appahitepi sattāhakiccena gantuṃ labhati.
ид̣̇аани сахад̇хаммигз зва санд̇хааяа ‘‘анабхирад̇а’’нд̇иаад̣̇и вуд̇д̇ам̣. ‘‘висабхааг̇аруубам̣ д̣̇исваа анабхирад̇и, д̇ад̇о вуубагаасиссам̣, д̇ам̣ г̇ахзд̇ваа ан̃н̃ад̇т̇а г̇амисса’’нд̇и ад̇хиббааязна г̇анд̇умби лаб̣бхад̇ийд̇и ад̇т̇о. гуггужжам̣ винод̣̇анан̃жа д̣̇идтим̣ вивзжанан̃жа ахам̣ ваа гарзяяам̣ ан̃н̃зхи ваа гаарзяяанд̇и самб̣анд̇хо. бариваасамаанад̇д̇ааад̣̇ийхи вудтаанам̣ ваа г̇аругаа. аад̣̇и-сад̣̇д̣̇зна сажз сан̇гхзна гаммам̣ гад̇ам̣ ход̇и, д̇асса бадиббассад̣̇д̇хияаа ануссааванагаран̣аад̣̇ийсу уссуггам̣ гарзяяанд̇и г̇анд̇ум̣ лаб̣бхад̇ийд̇и ад̇т̇о. сад̇д̇аахагижжзнаад̇и сад̇д̇аахагаран̣ийязна.
Idāni sahadhammike eva sandhāya ‘‘anabhirata’’ntiādi vuttaṃ. ‘‘Visabhāgarūpaṃ disvā anabhirati, tato vūpakāsissaṃ, taṃ gahetvā aññattha gamissa’’nti adhippāyena gantumpi labbhatīti attho. Kukkuccaṃ vinodanañca diṭṭhiṃ vivecanañca ahaṃ vā kareyyaṃ aññehi vā kāreyyanti sambandho. Parivāsamānattaādīhi vuṭṭhānaṃ vā garukā. Ādi-saddena sace saṅghena kammaṃ kataṃ hoti, tassa paṭippassaddhiyā anussāvanakaraṇādīsu ussukkaṃ kareyyanti gantuṃ labbhatīti attho. Sattāhakiccenāti sattāhakaraṇīyena.
316. д̇хаммасаванад̇т̇ам̣ ниманд̇ид̇о звам̣ важ̇зд̇и ад̇т̇о. г̇аруу наама аажарияубаж̇жхааяаа, д̇зхи бхан̣д̣ад̇хованагижжзна бахид̇асса г̇анд̇ум̣ ваддад̇ийд̇и ад̇т̇о.
316. Dhammasavanatthaṃ nimantito evaṃ vajeti attho. Garū nāma ācariyupajjhāyā, tehi bhaṇḍadhovanakiccena pahitassa gantuṃ vaṭṭatīti attho.
317. на бхан̣д̣ад̇хована…бз… д̣̇ассанзд̇и зд̇т̇а (махаава. адта. 199) зд̇зсуби на важ̇зд̇и самб̣анд̇хо. лаб̣бханд̇и зд̇т̇а ‘‘аж̇ж̇зва ааг̇амисса’’нд̇и ад̣̇уураг̇о яад̣̇и на баабун̣зяяа, лаб̣бханд̇и самб̣анд̇хо. гим̣ вуд̇д̇ам̣ ход̇и? ‘‘аж̇ж̇зва ааг̇амиссаамий’’д̇и сааманд̇авихаарам̣ г̇анд̇ваа буна ааг̇ажчанд̇асса анд̇араамаг̇г̇з сажз арун̣удтаанам̣ ход̇и, вассажчзд̣̇оби на ход̇и, рад̇д̇ижчзд̣̇зна д̣̇уггадамби наабаж̇ж̇ад̇ийд̇и вуд̇д̇ам̣ ход̇и.
317.Na bhaṇḍadhovana…pe… dassaneti ettha (mahāva. aṭṭha. 199) etesupi na vajeti sambandho. Labbhanti ettha ‘‘ajjeva āgamissa’’nti adūrago yadi na pāpuṇeyya, labbhanti sambandho. Kiṃ vuttaṃ hoti? ‘‘Ajjeva āgamissāmī’’ti sāmantavihāraṃ gantvā puna āgacchantassa antarāmagge sace aruṇuṭṭhānaṃ hoti, vassacchedopi na hoti, ratticchedena dukkaṭampi nāpajjatīti vuttaṃ hoti.
318. сзсан̃аад̇ихийд̇и бхаад̇убхаг̇инийаад̣̇ийхи. бхигкуниссид̇агзна жа бахид̇зд̇и самб̣анд̇хо. нид̣̇д̣̇исид̇ваад̇и ‘‘ааг̇ажчанд̇у бхад̣̇анд̇аа, ижчаами д̣̇аанан̃жа д̣̇аад̇ум̣ д̇хамман̃жа сод̇ум̣ бхигкун̃жа бассид̇у’’нд̇иаад̣̇инаа яам̣ гин̃жи нид̣̇д̣̇исид̇ваава бзсид̇з г̇анд̇ум̣ ваддад̇и. гзвалам̣ ‘‘ааг̇ажчанд̇у бхигкуу, ижчаами бхигкуунам̣ ааг̇амана’’нд̇и звам̣ анид̣̇д̣̇исид̇ваа вуд̇д̇з г̇анд̇ум̣ на лаб̣бхад̇ийд̇и ад̇т̇о.
318.Sesañātihīti bhātubhaginīādīhi. Bhikkhunissitakena ca pahiteti sambandho. Niddisitvāti ‘‘āgacchantu bhadantā, icchāmi dānañca dātuṃ dhammañca sotuṃ bhikkhuñca passitu’’ntiādinā yaṃ kiñci niddisitvāva pesite gantuṃ vaṭṭati. Kevalaṃ ‘‘āgacchantu bhikkhū, icchāmi bhikkhūnaṃ āgamana’’nti evaṃ aniddisitvā vutte gantuṃ na labbhatīti attho.
319. ажчарааяз сад̇ад̇д̇анод̇и д̣̇асавид̇хзсу анд̇арааязсу згасмимби анд̇арааяз ад̇д̇ано сад̇ийд̇и ад̇т̇о. сан̇гхасаамаг̇г̇ияаа ваа вассажчзд̣̇з анаабад̇д̇ийд̇и ад̇т̇о. вуд̇д̇ан̃хзд̇ам̣ ‘‘ид̇ха бана, бхигкавз, вассуубаг̇ад̇о бхигку бассад̇и самб̣ахулз бхигкуу сан̇гхабхзд̣̇ааяа бараггаманд̇з. д̇ад̇ра жз бхигкуно звам̣ ход̇и, ‘г̇аруго ко сан̇гхабхзд̣̇о вуд̇д̇о бхаг̇авад̇аа. маа маяи саммукийбхууд̇з сан̇гхо бхиж̇ж̇ий’д̇и баггамид̇аб̣б̣ам̣, анаабад̇д̇и вассажчзд̣̇ассаа’’д̇и (махаава. 202). звам̣ чиннавассо но баваараязд̇и ад̇т̇о.
319.Accharāye satattanoti dasavidhesu antarāyesu ekasmimpi antarāye attano satīti attho. Saṅghasāmaggiyā vā vassacchede anāpattīti attho. Vuttañhetaṃ ‘‘idha pana, bhikkhave, vassūpagato bhikkhu passati sambahule bhikkhū saṅghabhedāya parakkamante. Tatra ce bhikkhuno evaṃ hoti, ‘garuko kho saṅghabhedo vutto bhagavatā. Mā mayi sammukhībhūte saṅgho bhijjī’ti pakkamitabbaṃ, anāpatti vassacchedassā’’ti (mahāva. 202). Evaṃ chinnavasso no pavārayeti attho.
320. ругкасса сусирзд̇и зд̇т̇а (махаава. 204; махаава. адта. 203) бана суд̣̇д̇хз ругкасусирз зва на ваддад̇и, маханд̇асса бана сусирасса анд̇о бад̣̇аражчад̣̇анам̣ гудигам̣ гад̇ваа бависанад̣̇ваарам̣ яож̇зд̇ваа убаг̇анд̇ум̣ ваддад̇и. ругкасса видабзд̇и зд̇т̇ааби суд̣̇д̇хавидабамад̇д̇з на ваддад̇и, махаавидабз бана аддагам̣ б̣анд̇хид̇ваа вуд̇д̇анаязна гудигам̣ гад̇ваа убаг̇анд̇ум̣ ваддад̇и. чавагуди наама баасаан̣агудиганд̇и вад̣̇анд̇и. д̇ийсу бассзсу баасаан̣з уссаабзд̇ваа убари баасаан̣зна бадижчаннаа.
320.Rukkhassa susireti ettha (mahāva. 204; mahāva. aṭṭha. 203) pana suddhe rukkhasusire eva na vaṭṭati, mahantassa pana susirassa anto padaracchadanaṃ kuṭikaṃ katvā pavisanadvāraṃ yojetvā upagantuṃ vaṭṭati. Rukkhassa viṭapeti etthāpi suddhaviṭapamatte na vaṭṭati, mahāviṭape pana aṭṭakaṃ bandhitvā vuttanayena kuṭikaṃ katvā upagantuṃ vaṭṭati. Chavakuṭi nāma pāsāṇakuṭikanti vadanti. Tīsu passesu pāsāṇe ussāpetvā upari pāsāṇena paṭicchannā.
321. нааваад̣̇ийсу бана убаг̇ад̇о баваарзд̇ун̃жа лаб̣бхад̇ийд̇и самб̣анд̇хо. вассуубанааяигавинижчаяо.
321. Nāvādīsu pana upagato pavāretuñca labbhatīti sambandho. Vassūpanāyikavinicchayo.
вассуубанааяиганид̣̇д̣̇зсаван̣н̣анаа нидтид̇аа.
Vassūpanāyikaniddesavaṇṇanā niṭṭhitā.
