| Library / Tipiṭaka / ਤਿਪਿਟਕ • Tipiṭaka / ਜਾਤਕਪਾਲ਼ਿ • Jātakapāḷi |
੩੮੩. ਕੁਕ੍ਕੁਟਜਾਤਕਂ (੬-੧-੮)
383. Kukkuṭajātakaṃ (6-1-8)
੫੭.
57.
ਸੁਚਿਤ੍ਤਪਤ੍ਤਛਦਨ , ਤਮ੍ਬਚੂਲ਼ વਿਹਙ੍ਗਮ।
Sucittapattachadana , tambacūḷa vihaṅgama;
ਓਰੋਹ ਦੁਮਸਾਖਾਯ, ਮੁਧਾ ਭਰਿਯਾ ਭવਾਮਿ ਤੇ॥
Oroha dumasākhāya, mudhā bhariyā bhavāmi te.
੫੮.
58.
ਚਤੁਪ੍ਪਦੀ ਤ੍વਂ ਕਲ੍ਯਾਣਿ, ਦ੍વਿਪਦਾਹਂ ਮਨੋਰਮੇ।
Catuppadī tvaṃ kalyāṇi, dvipadāhaṃ manorame;
ਮਿਗੀ ਪਕ੍ਖੀ ਅਸਞ੍ਞੁਤ੍ਤਾ, ਅਞ੍ਞਂ ਪਰਿਯੇਸ ਸਾਮਿਕਂ॥
Migī pakkhī asaññuttā, aññaṃ pariyesa sāmikaṃ.
੫੯.
59.
ਕੋਮਾਰਿਕਾ ਤੇ ਹੇਸ੍ਸਾਮਿ, ਮਞ੍ਜੁਕਾ ਪਿਯਭਾਣਿਨੀ।
Komārikā te hessāmi, mañjukā piyabhāṇinī;
વਿਨ੍ਦ ਮਂ ਅਰਿਯੇਨ વੇਦੇਨ, ਸਾવਯ ਮਂ ਯਦਿਚ੍ਛਸਿ॥
Vinda maṃ ariyena vedena, sāvaya maṃ yadicchasi.
੬੦.
60.
ਕੁਣਪਾਦਿਨਿ ਲੋਹਿਤਪੇ, ਚੋਰਿ ਕੁਕ੍ਕੁਟਪੋਥਿਨਿ।
Kuṇapādini lohitape, cori kukkuṭapothini;
ਨ ਤ੍વਂ ਅਰਿਯੇਨ વੇਦੇਨ, ਮਮਂ ਭਤ੍ਤਾਰਮਿਚ੍ਛਸਿ॥
Na tvaṃ ariyena vedena, mamaṃ bhattāramicchasi.
੬੧.
61.
ਨੇਨ੍ਤਿ ਸਣ੍ਹਾਹਿ વਾਚਾਹਿ, ਬਿਲ਼ਾਰੀ વਿਯ ਕੁਕ੍ਕੁਟਂ॥
Nenti saṇhāhi vācāhi, biḷārī viya kukkuṭaṃ.
੬੨.
62.
ਯੋ ਚ ਉਪ੍ਪਤਿਤਂ ਅਤ੍ਥਂ, ਨ ਖਿਪ੍ਪਮਨੁਬੁਜ੍ਝਤਿ।
Yo ca uppatitaṃ atthaṃ, na khippamanubujjhati;
ਅਮਿਤ੍ਤવਸਮਨ੍વੇਤਿ, ਪਚ੍ਛਾ ਚ ਅਨੁਤਪ੍ਪਤਿ॥
Amittavasamanveti, pacchā ca anutappati.
੬੩.
63.
ਯੋ ਚ ਉਪ੍ਪਤਿਤਂ ਅਤ੍ਥਂ, ਖਿਪ੍ਪਮੇવ ਨਿਬੋਧਤਿ।
Yo ca uppatitaṃ atthaṃ, khippameva nibodhati;
ਮੁਚ੍ਚਤੇ ਸਤ੍ਤੁਸਮ੍ਬਾਧਾ, ਕੁਕ੍ਕੁਟੋવ ਬਿਲ਼ਾਰਿਯਾਤਿ॥
Muccate sattusambādhā, kukkuṭova biḷāriyāti.
ਕੁਕ੍ਕੁਟਜਾਤਕਂ ਅਟ੍ਠਮਂ।
Kukkuṭajātakaṃ aṭṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਜਾਤਕ-ਅਟ੍ਠਕਥਾ • Jātaka-aṭṭhakathā / [੩੮੩] ੮. ਕੁਕ੍ਕੁਟਜਾਤਕવਣ੍ਣਨਾ • [383] 8. Kukkuṭajātakavaṇṇanā
