| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៣៨៣. កុក្កុដជាតកំ (៦-១-៨)
383. Kukkuṭajātakaṃ (6-1-8)
៥៧.
57.
សុចិត្តបត្តឆទន , តម្ពចូឡ វិហង្គម;
Sucittapattachadana , tambacūḷa vihaṅgama;
ឱរោហ ទុមសាខាយ, មុធា ភរិយា ភវាមិ តេ។
Oroha dumasākhāya, mudhā bhariyā bhavāmi te.
៥៨.
58.
ចតុប្បទី ត្វំ កល្យាណិ, ទ្វិបទាហំ មនោរមេ;
Catuppadī tvaṃ kalyāṇi, dvipadāhaṃ manorame;
មិគី បក្ខី អសញ្ញុត្តា, អញ្ញំ បរិយេស សាមិកំ។
Migī pakkhī asaññuttā, aññaṃ pariyesa sāmikaṃ.
៥៩.
59.
កោមារិកា តេ ហេស្សាមិ, មញ្ជុកា បិយភាណិនី;
Komārikā te hessāmi, mañjukā piyabhāṇinī;
វិន្ទ មំ អរិយេន វេទេន, សាវយ មំ យទិច្ឆសិ។
Vinda maṃ ariyena vedena, sāvaya maṃ yadicchasi.
៦០.
60.
កុណបាទិនិ លោហិតបេ, ចោរិ កុក្កុដបោថិនិ;
Kuṇapādini lohitape, cori kukkuṭapothini;
ន ត្វំ អរិយេន វេទេន, មមំ ភត្តារមិច្ឆសិ។
Na tvaṃ ariyena vedena, mamaṃ bhattāramicchasi.
៦១.
61.
នេន្តិ សណ្ហាហិ វាចាហិ, ពិឡារី វិយ កុក្កុដំ។
Nenti saṇhāhi vācāhi, biḷārī viya kukkuṭaṃ.
៦២.
62.
យោ ច ឧប្បតិតំ អត្ថំ, ន ខិប្បមនុពុជ្ឈតិ;
Yo ca uppatitaṃ atthaṃ, na khippamanubujjhati;
អមិត្តវសមន្វេតិ, បច្ឆា ច អនុតប្បតិ។
Amittavasamanveti, pacchā ca anutappati.
៦៣.
63.
យោ ច ឧប្បតិតំ អត្ថំ, ខិប្បមេវ និពោធតិ;
Yo ca uppatitaṃ atthaṃ, khippameva nibodhati;
មុច្ចតេ សត្តុសម្ពាធា, កុក្កុដោវ ពិឡារិយាតិ។
Muccate sattusambādhā, kukkuṭova biḷāriyāti.
កុក្កុដជាតកំ អដ្ឋមំ។
Kukkuṭajātakaṃ aṭṭhamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៣៨៣] ៨. កុក្កុដជាតកវណ្ណនា • [383] 8. Kukkuṭajātakavaṇṇanā
