| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๓๘๓. กุกฺกุฎชาตกํ (๖-๑-๘)
383. Kukkuṭajātakaṃ (6-1-8)
๕๗.
57.
สุจิตฺตปตฺตฉทน , ตมฺพจูฬ วิหงฺคม;
Sucittapattachadana , tambacūḷa vihaṅgama;
โอโรห ทุมสาขาย, มุธา ภริยา ภวามิ เตฯ
Oroha dumasākhāya, mudhā bhariyā bhavāmi te.
๕๘.
58.
จตุปฺปที ตฺวํ กลฺยาณิ, ทฺวิปทาหํ มโนรเม;
Catuppadī tvaṃ kalyāṇi, dvipadāhaṃ manorame;
มิคี ปกฺขี อสญฺญุตฺตา, อญฺญํ ปริเยส สามิกํฯ
Migī pakkhī asaññuttā, aññaṃ pariyesa sāmikaṃ.
๕๙.
59.
โกมาริกา เต เหสฺสามิ, มญฺชุกา ปิยภาณินี;
Komārikā te hessāmi, mañjukā piyabhāṇinī;
วินฺท มํ อริเยน เวเทน, สาวย มํ ยทิจฺฉสิฯ
Vinda maṃ ariyena vedena, sāvaya maṃ yadicchasi.
๖๐.
60.
กุณปาทินิ โลหิตเป, โจริ กุกฺกุฎโปถินิ;
Kuṇapādini lohitape, cori kukkuṭapothini;
น ตฺวํ อริเยน เวเทน, มมํ ภตฺตารมิจฺฉสิฯ
Na tvaṃ ariyena vedena, mamaṃ bhattāramicchasi.
๖๑.
61.
เนนฺติ สณฺหาหิ วาจาหิ, พิฬารี วิย กุกฺกุฎํฯ
Nenti saṇhāhi vācāhi, biḷārī viya kukkuṭaṃ.
๖๒.
62.
โย จ อุปฺปติตํ อตฺถํ, น ขิปฺปมนุพุชฺฌติ;
Yo ca uppatitaṃ atthaṃ, na khippamanubujjhati;
อมิตฺตวสมเนฺวติ, ปจฺฉา จ อนุตปฺปติฯ
Amittavasamanveti, pacchā ca anutappati.
๖๓.
63.
โย จ อุปฺปติตํ อตฺถํ, ขิปฺปเมว นิโพธติ;
Yo ca uppatitaṃ atthaṃ, khippameva nibodhati;
มุจฺจเต สตฺตุสมฺพาธา, กุกฺกุโฎว พิฬาริยาติฯ
Muccate sattusambādhā, kukkuṭova biḷāriyāti.
กุกฺกุฎชาตกํ อฎฺฐมํฯ
Kukkuṭajātakaṃ aṭṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๓๘๓] ๘. กุกฺกุฎชาตกวณฺณนา • [383] 8. Kukkuṭajātakavaṇṇanā
