| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੬. ਕੁਹਸੁਤ੍ਤવਣ੍ਣਨਾ
6. Kuhasuttavaṇṇanā
੨੬. ਛਟ੍ਠੇ ਕੁਹਾਤਿ ਕੁਹਕਾ। ਥਦ੍ਧਾਤਿ ਕੋਧੇਨ ਚ ਮਾਨੇਨ ਚ ਥਦ੍ਧਾ। ਲਪਾਤਿ ਉਪਲਾਪਕਾ। ਸਿਙ੍ਗੀਤਿ ‘‘ਤਤ੍ਥ ਕਤਮਂ ਸਿਙ੍ਗਂ, ਯਂ ਸਿਙ੍ਗਂ ਸਿਙ੍ਗਾਰਤਾ ਚਾਤੁਰਤਾ ਚਾਤੁਰਿਯਂ ਪਰਿਕ੍ਖਤ੍ਤਤਾ ਪਾਰਿਕ੍ਖਤ੍ਤਿਯ’’ਨ੍ਤਿ (વਿਭ॰ ੮੫੨) ਏવਂ વੁਤ੍ਤੇਹਿ ਸਿਙ੍ਗਸਦਿਸੇਹਿ ਪਾਕਟਕਿਲੇਸੇਹਿ ਸਮਨ੍ਨਾਗਤਾ। ਉਨ੍ਨਲ਼ਾਤਿ ਉਗ੍ਗਤਨਲ਼ਾ ਤੁਚ੍ਛਮਾਨਂ ਉਕ੍ਖਿਪਿਤ੍વਾ ਠਿਤਾ। ਅਸਮਾਹਿਤਾਤਿ ਚਿਤ੍ਤੇਕਗ੍ਗਮਤ੍ਤਸ੍ਸਾਪਿ ਅਲਾਭਿਨੋ। ਨ ਮੇ ਤੇ, ਭਿਕ੍ਖવੇ, ਭਿਕ੍ਖੂ ਮਾਮਕਾਤਿ ਤੇ ਮਯ੍ਹਂ ਭਿਕ੍ਖੂ ਮਮ ਸਨ੍ਤਕਾ ਨ ਹੋਨ੍ਤਿ। ‘‘ਤੇ ਮਯ੍ਹ’’ਨ੍ਤਿ ਇਦਂ ਪਨ ਸਤ੍ਥਾਰਂ ਉਦ੍ਦਿਸ੍ਸ ਪਬ੍ਬਜਿਤਤ੍ਤਾ વੁਤ੍ਤਂ। ਤੇ ਖੋ ਮੇ, ਭਿਕ੍ਖવੇ, ਭਿਕ੍ਖੂ ਮਾਮਕਾਤਿ ਇਧਾਪਿ ਮੇਤਿ ਅਤ੍ਤਾਨਂ ਉਦ੍ਦਿਸ੍ਸ ਪਬ੍ਬਜਿਤਤ੍ਤਾ વਦਤਿ, ਸਮ੍ਮਾਪਟਿਪਨ੍ਨਤ੍ਤਾ ਪਨ ‘‘ਮਾਮਕਾ’’ਤਿ ਆਹ। વੁਦ੍ਧਿਂ વਿਰੂਲ਼੍ਹਿਂ વੇਪੁਲ੍ਲਂ ਆਪਜ੍ਜਨ੍ਤੀਤਿ ਸੀਲਾਦੀਹਿ ਗੁਣੇਹਿ વਡ੍ਢਨਤੋ વੁਦ੍ਧਿਂ, ਨਿਚ੍ਚਲਭਾવੇਨ વਿਰੂਲ਼੍ਹਿਂ, ਸਬ੍ਬਤ੍ਥ ਪਤ੍ਥਟਤਾਯ વੇਪੁਲ੍ਲਂ ਪਾਪੁਣਨ੍ਤਿ। ਤੇ ਪਨੇਤੇ ਯਾવ ਅਰਹਤ੍ਤਮਗ੍ਗਾ વਿਰੁਹਨ੍ਤਿ, ਅਰਹਤ੍ਤਫਲਂ ਪਤ੍ਤੇ વਿਰੂਲ਼੍ਹਾ ਨਾਮ ਹੋਨ੍ਤਿ। ਇਤਿ ਇਮਸ੍ਮਿਂ ਸੁਤ੍ਤੇਪਿ ਗਾਥਾਸੁਪਿ વਟ੍ਟવਿવਟ੍ਟਮੇવ ਕਥਿਤਂ।
26. Chaṭṭhe kuhāti kuhakā. Thaddhāti kodhena ca mānena ca thaddhā. Lapāti upalāpakā. Siṅgīti ‘‘tattha katamaṃ siṅgaṃ, yaṃ siṅgaṃ siṅgāratā cāturatā cāturiyaṃ parikkhattatā pārikkhattiya’’nti (vibha. 852) evaṃ vuttehi siṅgasadisehi pākaṭakilesehi samannāgatā. Unnaḷāti uggatanaḷā tucchamānaṃ ukkhipitvā ṭhitā. Asamāhitāti cittekaggamattassāpi alābhino. Name te, bhikkhave, bhikkhū māmakāti te mayhaṃ bhikkhū mama santakā na honti. ‘‘Te mayha’’nti idaṃ pana satthāraṃ uddissa pabbajitattā vuttaṃ. Te kho me, bhikkhave, bhikkhū māmakāti idhāpi meti attānaṃ uddissa pabbajitattā vadati, sammāpaṭipannattā pana ‘‘māmakā’’ti āha. Vuddhiṃ virūḷhiṃ vepullaṃ āpajjantīti sīlādīhi guṇehi vaḍḍhanato vuddhiṃ, niccalabhāvena virūḷhiṃ, sabbattha patthaṭatāya vepullaṃ pāpuṇanti. Te panete yāva arahattamaggā viruhanti, arahattaphalaṃ patte virūḷhā nāma honti. Iti imasmiṃ suttepi gāthāsupi vaṭṭavivaṭṭameva kathitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਕੁਹਸੁਤ੍ਤਂ • 6. Kuhasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਕੁਹਸੁਤ੍ਤવਣ੍ਣਨਾ • 6. Kuhasuttavaṇṇanā
