| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
កោដិគាមេសច្ចកថាវណ្ណនា
Koṭigāmesaccakathāvaṇṇanā
២៨៧. បាឡិយំ សន្ធាវិតន្តិ ភវតោ ភវំ បដិសន្ធិគ្គហណវសេន សន្ធាវនំ កតំ។ សំសរិតន្តិ តស្សេវ វេវចនំ។ មមញ្ចេវ តុម្ហាកញ្ចាតិ មយា ច តុម្ហេហិ ច, សាមិវសេនេវ វា មម ច តុម្ហាកញ្ច សន្ធាវនំ អហោសីតិ អត្ថោ គហេតព្ពោ។ សំសរិតន្តិ សំសរិ។ ភវតណ្ហា ឯវ ភវតោ ភវំ នេតីតិ ភវនេត្តីតិ វុត្តា។
287. Pāḷiyaṃ sandhāvitanti bhavato bhavaṃ paṭisandhiggahaṇavasena sandhāvanaṃ kataṃ. Saṃsaritanti tasseva vevacanaṃ. Mamañceva tumhākañcāti mayā ca tumhehi ca, sāmivaseneva vā mama ca tumhākañca sandhāvanaṃ ahosīti attho gahetabbo. Saṃsaritanti saṃsari. Bhavataṇhā eva bhavato bhavaṃ netīti bhavanettīti vuttā.
២៨៩. ‘‘នីលា ហោន្តី’’តិ វុត្តមេវត្ថំ វិវរិតុំ ‘‘នីលវណ្ណា’’តិអាទិ វុត្តំ។ នីលវណ្ណាតិ នីលវិលេបនា។ ឯស នយោ សព្ពត្ថ។ បដិវដ្ដេសីតិ បហរិ។ អម្ពកាយាតិ អម្ពាយ។ ឧបចារវចនញ្ហេតំ, មាតុគាមេនាតិ អត្ថោ។ ឧបសំហរថាតិ ឧបនេថ, ‘‘ឦទិសា តាវតិំសា’’តិ បរិកប្បេថាតិ អត្ថោ។ ឥទញ្ច ភិក្ខូនំ សំវេគជននត្ថំ វុត្តំ, ន និមិត្តគ្គាហត្ថំ។ លិច្ឆវិរាជានោ ហិ សព្ពេ ន ចិរស្សេវ អជាតសត្តុនា វិនាសំ បាបុណិស្សន្តិ។
289. ‘‘Nīlā hontī’’ti vuttamevatthaṃ vivarituṃ ‘‘nīlavaṇṇā’’tiādi vuttaṃ. Nīlavaṇṇāti nīlavilepanā. Esa nayo sabbattha. Paṭivaṭṭesīti pahari. Ambakāyāti ambāya. Upacāravacanañhetaṃ, mātugāmenāti attho. Upasaṃharathāti upanetha, ‘‘īdisā tāvatiṃsā’’ti parikappethāti attho. Idañca bhikkhūnaṃ saṃvegajananatthaṃ vuttaṃ, na nimittaggāhatthaṃ. Licchavirājāno hi sabbe na cirasseva ajātasattunā vināsaṃ pāpuṇissanti.
កោដិគាមេសច្ចកថាវណ្ណនា និដ្ឋិតា។
Koṭigāmesaccakathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi
១៧៥. កោដិគាមេ សច្ចកថា • 175. Koṭigāme saccakathā
១៧៧. លិច្ឆវីវត្ថុ • 177. Licchavīvatthu
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā / បាដលិគាមវត្ថុកថា • Pāṭaligāmavatthukathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā
កោដិគាមេ សច្ចកថាវណ្ណនា • Koṭigāme saccakathāvaṇṇanā
លិច្ឆវីវត្ថុកថាវណ្ណនា • Licchavīvatthukathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ១៧៣. បាដលិគាមវត្ថុកថា • 173. Pāṭaligāmavatthukathā
