| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
428. கோஸம்பி³யஜாதகங் (2)
428. Kosambiyajātakaṃ (2)
10.
10.
புது²ஸத்³தோ³ ஸமஜனோ, ந பா³லோ கோசி மஞ்ஞத²;
Puthusaddo samajano, na bālo koci maññatha;
ஸங்க⁴ஸ்மிங் பி⁴ஜ்ஜமானஸ்மிங், நாஞ்ஞங் பி⁴ய்யோ அமஞ்ஞருங்.
Saṅghasmiṃ bhijjamānasmiṃ, nāññaṃ bhiyyo amaññaruṃ.
11.
11.
பரிமுட்டா² பண்டி³தாபா⁴ஸா, வாசாகோ³சரபா⁴ணினோ;
Parimuṭṭhā paṇḍitābhāsā, vācāgocarabhāṇino;
யாவிச்ச²ந்தி முகா²யாமங், யேன நீதா ந தங் விதூ³.
Yāvicchanti mukhāyāmaṃ, yena nītā na taṃ vidū.
12.
12.
அக்கொச்சி² மங் அவதி⁴ மங், அஜினி மங் அஹாஸி மே;
Akkocchi maṃ avadhi maṃ, ajini maṃ ahāsi me;
யே ச தங் உபனய்ஹந்தி, வேரங் தேஸங் ந ஸம்மதி.
Ye ca taṃ upanayhanti, veraṃ tesaṃ na sammati.
13.
13.
அக்கொச்சி² மங் அவதி⁴ மங், அஜினி மங் அஹாஸி மே;
Akkocchi maṃ avadhi maṃ, ajini maṃ ahāsi me;
யே ச தங் நுபனய்ஹந்தி, வேரங் தேஸூபஸம்மதி.
Ye ca taṃ nupanayhanti, veraṃ tesūpasammati.
14.
14.
ந ஹி வேரேன வேரானி, ஸம்மந்தீத⁴ குதா³சனங்;
Na hi verena verāni, sammantīdha kudācanaṃ;
அவேரேன ச ஸம்மந்தி, ஏஸ த⁴ம்மோ ஸனந்தனோ.
Averena ca sammanti, esa dhammo sanantano.
15.
15.
பரே ச ந விஜானந்தி, மயமெத்த² யமாமஸே;
Pare ca na vijānanti, mayamettha yamāmase;
யே ச தத்த² விஜானந்தி, ததோ ஸம்மந்தி மேத⁴கா³.
Ye ca tattha vijānanti, tato sammanti medhagā.
16.
16.
ரட்ட²ங் விலும்பமானானங், தேஸம்பி ஹோதி ஸங்க³தி;
Raṭṭhaṃ vilumpamānānaṃ, tesampi hoti saṅgati;
கஸ்மா தும்ஹாக நோ ஸியா.
Kasmā tumhāka no siyā.
17.
17.
ஸசே லபே⁴த² நிபகங் ஸஹாயங், ஸத்³தி⁴ங்சரங் ஸாது⁴விஹாரிதீ⁴ரங்;
Sace labhetha nipakaṃ sahāyaṃ, saddhiṃcaraṃ sādhuvihāridhīraṃ;
அபி⁴பு⁴ய்ய ஸப்³பா³னி பரிஸ்ஸயானி, சரெய்ய தேனத்தமனோ ஸதீமா.
Abhibhuyya sabbāni parissayāni, careyya tenattamano satīmā.
18.
18.
நோ சே லபே⁴த² நிபகங் ஸஹாயங், ஸத்³தி⁴ங்சரங் ஸாது⁴விஹாரிதீ⁴ரங்;
No ce labhetha nipakaṃ sahāyaṃ, saddhiṃcaraṃ sādhuvihāridhīraṃ;
ராஜாவ ரட்ட²ங் விஜிதங் பஹாய, ஏகோ சரே மாதங்க³ரஞ்ஞேவ நாகோ³.
Rājāva raṭṭhaṃ vijitaṃ pahāya, eko care mātaṅgaraññeva nāgo.
19.
19.
ஏகஸ்ஸ சரிதங் ஸெய்யோ, நத்தி² பா³லே ஸஹாயதா;
Ekassa caritaṃ seyyo, natthi bāle sahāyatā;
ஏகோ சரே ந பாபானி கயிரா, அப்பொஸ்ஸுக்கோ மாதங்க³ரஞ்ஞேவ நாகோ³தி.
Eko care na pāpāni kayirā, appossukko mātaṅgaraññeva nāgoti.
கோஸம்பி³யஜாதகங் து³தியங்.
Kosambiyajātakaṃ dutiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [428] 2. கோஸம்பி³யஜாதகவண்ணனா • [428] 2. Kosambiyajātakavaṇṇanā
