| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๘. โกรณฺฑปุปฺผิยเตฺถรอปทานํ
8. Koraṇḍapupphiyattheraapadānaṃ
๓๕.
35.
‘‘อกฺกนฺตญฺจ ปทํ ทิสฺวา, จกฺกาลงฺการภูสิตํ;
‘‘Akkantañca padaṃ disvā, cakkālaṅkārabhūsitaṃ;
ปเทนานุปทํ ยโนฺต, วิปสฺสิสฺส มเหสิโนฯ
Padenānupadaṃ yanto, vipassissa mahesino.
๓๖.
36.
‘‘โกรณฺฑํ ปุปฺผิตํ ทิสฺวา, สมูลํ ปูชิตํ มยา;
‘‘Koraṇḍaṃ pupphitaṃ disvā, samūlaṃ pūjitaṃ mayā;
หโฎฺฐ หเฎฺฐน จิเตฺตน, อวนฺทิํ ปทมุตฺตมํฯ
Haṭṭho haṭṭhena cittena, avandiṃ padamuttamaṃ.
๓๗.
37.
‘‘เอกนวุติโต กเปฺป, ยํ ปุปฺผมภิปูชยิํ;
‘‘Ekanavutito kappe, yaṃ pupphamabhipūjayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๓๘.
38.
‘‘สตฺตปญฺญาสกปฺปมฺหิ, เอโก วีตมโล อหุํ;
‘‘Sattapaññāsakappamhi, eko vītamalo ahuṃ;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๓๙.
39.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา โกรณฺฑปุปฺผิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā koraṇḍapupphiyo thero imā gāthāyo abhāsitthāti.
โกรณฺฑปุปฺผิยเตฺถรสฺสาปทานํ อฎฺฐมํฯ
Koraṇḍapupphiyattherassāpadānaṃ aṭṭhamaṃ.
