| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๙. อาธารทายกเตฺถรอปทานํ
9. Ādhāradāyakattheraapadānaṃ
๔๐.
40.
‘‘อาธารกํ มยา ทินฺนํ, สิขิโน โลกพนฺธุโน;
‘‘Ādhārakaṃ mayā dinnaṃ, sikhino lokabandhuno;
ธาเรมิ ปถวิํ สพฺพํ, เกวลํ วสุธํ อิมํฯ
Dhāremi pathaviṃ sabbaṃ, kevalaṃ vasudhaṃ imaṃ.
๔๑.
41.
‘‘กิเลสา ฌาปิตา มยฺหํ, ภวา สเพฺพ สมูหตา;
‘‘Kilesā jhāpitā mayhaṃ, bhavā sabbe samūhatā;
ธาเรมิ อนฺติมํ เทหํ, สมฺมาสมฺพุทฺธสาสเนฯ
Dhāremi antimaṃ dehaṃ, sammāsambuddhasāsane.
๔๒.
42.
‘‘สตฺตวีเส อิโต กเปฺป, อเหสุํ จตุโร ชนา;
‘‘Sattavīse ito kappe, ahesuṃ caturo janā;
สมนฺตวรณา นาม, จกฺกวตฺตี มหพฺพลาฯ
Samantavaraṇā nāma, cakkavattī mahabbalā.
๔๓.
43.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา อาธารทายโก 1 เถโร อิมา คาถาโย อภาสิตฺถาติฯ
Itthaṃ sudaṃ āyasmā ādhāradāyako 2 thero imā gāthāyo abhāsitthāti.
อาธารทายกเตฺถรสฺสาปทานํ นวมํฯ
Ādhāradāyakattherassāpadānaṃ navamaṃ.
Footnotes:
