| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. ปาปนิวาริยเตฺถรอปทานํ
10. Pāpanivāriyattheraapadānaṃ
๔๔.
44.
‘‘ติสฺสสฺส ตุ ภควโต, เทวเทวสฺส ตาทิโน;
‘‘Tissassa tu bhagavato, devadevassa tādino;
เอกจฺฉตฺตํ มยา ทินฺนํ, วิปฺปสเนฺนน เจตสาฯ
Ekacchattaṃ mayā dinnaṃ, vippasannena cetasā.
๔๕.
45.
‘‘นิวุตํ โหติ เม ปาปํ, กุสลสฺสุปสมฺปทา;
‘‘Nivutaṃ hoti me pāpaṃ, kusalassupasampadā;
อากาเส ฉตฺตํ ธาเรนฺติ, ปุพฺพกมฺมสฺสิทํ ผลํฯ
Ākāse chattaṃ dhārenti, pubbakammassidaṃ phalaṃ.
๔๖.
46.
‘‘จริมํ วตฺตเต มยฺหํ, ภวา สเพฺพ สมูหตา;
‘‘Carimaṃ vattate mayhaṃ, bhavā sabbe samūhatā;
ธาเรมิ อนฺติมํ เทหํ, สมฺมาสมฺพุทฺธสาสเนฯ
Dhāremi antimaṃ dehaṃ, sammāsambuddhasāsane.
๔๗.
47.
‘‘เทฺวนวุเต อิโต กเปฺป, ยํ ฉตฺตมททิํ ตทา;
‘‘Dvenavute ito kappe, yaṃ chattamadadiṃ tadā;
ทุคฺคติํ นาภิชานามิ, ฉตฺตทานสฺสิทํ ผลํฯ
Duggatiṃ nābhijānāmi, chattadānassidaṃ phalaṃ.
๔๘.
48.
‘‘เทฺวสตฺตติมฺหิโต กเปฺป, อฎฺฐาสิํสุ ชนาธิปา;
‘‘Dvesattatimhito kappe, aṭṭhāsiṃsu janādhipā;
มหานิทานนาเมน, ราชาโน จกฺกวตฺติโนฯ
Mahānidānanāmena, rājāno cakkavattino.
๔๙.
49.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปาปนิวาริโย 1 เถโร อิมา คาถาโย อภาสิตฺถาติ;
Itthaṃ sudaṃ āyasmā pāpanivāriyo 2 thero imā gāthāyo abhāsitthāti;
ปาปนิวาริยเตฺถรสฺสาปทานํ ทสมํฯ
Pāpanivāriyattherassāpadānaṃ dasamaṃ.
กณิการปุปฺผิยวโคฺค เอกวีสติโมฯ
Kaṇikārapupphiyavaggo ekavīsatimo.
ตสฺสุทฺทานํ –
Tassuddānaṃ –
กณิกาโร มิเนลญฺจ, กิงฺกณิ ตรเณน จ;
Kaṇikāro minelañca, kiṅkaṇi taraṇena ca;
นิคฺคุณฺฑิปุปฺผี ทกโท, สลโล จ กุรณฺฑโก;
Nigguṇḍipupphī dakado, salalo ca kuraṇḍako;
อาธารโก ปาปวารี, อฎฺฐตาลีส คาถกาติฯ
Ādhārako pāpavārī, aṭṭhatālīsa gāthakāti.
Footnotes:
