| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
8. கோரண்ட³புப்பி²யத்தே²ரஅபதா³னங்
8. Koraṇḍapupphiyattheraapadānaṃ
35.
35.
‘‘அக்கந்தஞ்ச பத³ங் தி³ஸ்வா, சக்காலங்காரபூ⁴ஸிதங்;
‘‘Akkantañca padaṃ disvā, cakkālaṅkārabhūsitaṃ;
பதே³னானுபத³ங் யந்தோ, விபஸ்ஸிஸ்ஸ மஹேஸினோ.
Padenānupadaṃ yanto, vipassissa mahesino.
36.
36.
‘‘கோரண்ட³ங் புப்பி²தங் தி³ஸ்வா, ஸமூலங் பூஜிதங் மயா;
‘‘Koraṇḍaṃ pupphitaṃ disvā, samūlaṃ pūjitaṃ mayā;
ஹட்டோ² ஹட்டே²ன சித்தேன, அவந்தி³ங் பத³முத்தமங்.
Haṭṭho haṭṭhena cittena, avandiṃ padamuttamaṃ.
37.
37.
‘‘ஏகனவுதிதோ கப்பே, யங் புப்ப²மபி⁴பூஜயிங்;
‘‘Ekanavutito kappe, yaṃ pupphamabhipūjayiṃ;
து³க்³க³திங் நாபி⁴ஜானாமி, பு³த்³த⁴பூஜாயித³ங் ப²லங்.
Duggatiṃ nābhijānāmi, buddhapūjāyidaṃ phalaṃ.
38.
38.
‘‘ஸத்தபஞ்ஞாஸகப்பம்ஹி, ஏகோ வீதமலோ அஹுங்;
‘‘Sattapaññāsakappamhi, eko vītamalo ahuṃ;
ஸத்தரதனஸம்பன்னோ, சக்கவத்தீ மஹப்³ப³லோ.
Sattaratanasampanno, cakkavattī mahabbalo.
39.
39.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா கோரண்ட³புப்பி²யோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā koraṇḍapupphiyo thero imā gāthāyo abhāsitthāti.
கோரண்ட³புப்பி²யத்தே²ரஸ்ஸாபதா³னங் அட்ட²மங்.
Koraṇḍapupphiyattherassāpadānaṃ aṭṭhamaṃ.
