| Library / Tipiṭaka / д̇ибидага • Tipiṭaka / б̣уд̣̇д̇хавам̣сабаал̣и • Buddhavaṃsapāḷi |
4. гон̣д̣ан̃н̃аб̣уд̣̇д̇хавам̣со
4. Koṇḍaññabuddhavaṃso
1.
1.
д̣̇ийбан̇гарасса абарзна, гон̣д̣ан̃н̃о наама нааяаго;
Dīpaṅkarassa aparena, koṇḍañño nāma nāyako;
ананд̇ад̇зж̇о амид̇аяасо, аббамзяяо д̣̇ураасад̣̇о.
Anantatejo amitayaso, appameyyo durāsado.
2.
2.
д̇харан̣уубамо каманзна, сийлзна сааг̇аруубамо;
Dharaṇūpamo khamanena, sīlena sāgarūpamo;
самаад̇хинаа мзруубамо, н̃аан̣зна г̇аг̇ануубамо.
Samādhinā merūpamo, ñāṇena gaganūpamo.
3.
3.
инд̣̇рияаб̣алаб̣ож̇жхан̇г̇а-маг̇г̇асажжаббагаасанам̣;
Indriyabalabojjhaṅga-maggasaccappakāsanaṃ;
багаасзси сад̣̇аа б̣уд̣̇д̇хо, хид̇ааяа саб̣б̣абаан̣инам̣.
Pakāsesi sadā buddho, hitāya sabbapāṇinaṃ.
4.
4.
д̇хаммажаггам̣ бавад̇д̇знд̇з, гон̣д̣ан̃н̃з логанааяагз;
Dhammacakkaṃ pavattente, koṇḍaññe lokanāyake;
годисад̇асахассаанам̣, батамаабхисамаяо аху.
Koṭisatasahassānaṃ, paṭhamābhisamayo ahu.
5.
5.
д̇ад̇о барамби д̣̇зсзнд̇з, нарамаруунам̣ самааг̇амз;
Tato parampi desente, naramarūnaṃ samāgame;
навуд̇игодисахассаанам̣, д̣̇уд̇ияаабхисамаяо аху.
Navutikoṭisahassānaṃ, dutiyābhisamayo ahu.
6.
6.
д̇ид̇т̇ияз абхимад̣̇д̣̇анд̇о, яад̣̇аа д̇хаммамад̣̇зсаяи;
Titthiye abhimaddanto, yadā dhammamadesayi;
асийд̇игодисахассаанам̣, д̇ад̇ияаабхисамаяо аху.
Asītikoṭisahassānaṃ, tatiyābhisamayo ahu.
7.
7.
саннибаад̇аа д̇аяо аасум̣, гон̣д̣ан̃н̃асса махзсино;
Sannipātā tayo āsuṃ, koṇḍaññassa mahesino;
кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.
Khīṇāsavānaṃ vimalānaṃ, santacittāna tādinaṃ.
8.
8.
годисад̇асахассаанам̣, батамо ааси самааг̇амо;
Koṭisatasahassānaṃ, paṭhamo āsi samāgamo;
д̣̇уд̇ияо годисахассаанам̣, д̇ад̇ияо навуд̇игодинам̣.
Dutiyo koṭisahassānaṃ, tatiyo navutikoṭinaṃ.
9.
9.
ахам̣ д̇зна самаязна, виж̇ид̇аавий наама кад̇д̇ияо;
Ahaṃ tena samayena, vijitāvī nāma khattiyo;
самуд̣̇д̣̇ам̣ анд̇аманд̇зна, иссарияам̣ вад̇д̇аяаамахам̣.
Samuddaṃ antamantena, issariyaṃ vattayāmahaṃ.
10.
10.
годисад̇асахассаанам̣ , вималаанам̣ махзсинам̣;
Koṭisatasahassānaṃ , vimalānaṃ mahesinaṃ;
саха логаг̇г̇анаат̇зна, бараманнзна д̇аббаяим̣.
Saha lokagganāthena, paramannena tappayiṃ.
11.
11.
соби мам̣ б̣уд̣̇д̇хо б̣яаагааси, гон̣д̣ан̃н̃о логанааяаго;
Sopi maṃ buddho byākāsi, koṇḍañño lokanāyako;
‘‘абаримзяяид̇о габбз, б̣уд̣̇д̇хо логз бхависсад̇и.
‘‘Aparimeyyito kappe, buddho loke bhavissati.
12.
12.
‘‘бад̇хаанам̣ бад̣̇ахид̇ваана, гад̇ваа д̣̇уггарагааригам̣;
‘‘Padhānaṃ padahitvāna, katvā dukkarakārikaṃ;
ассад̇т̇амуулз самб̣уд̣̇д̇хо, б̣уж̇жхиссад̇и махааяасо.
Assatthamūle sambuddho, bujjhissati mahāyaso.
13.
13.
‘‘имасса ж̇анигаа маад̇аа, мааяаа наама бхависсад̇и;
‘‘Imassa janikā mātā, māyā nāma bhavissati;
бид̇аа суд̣̇д̇ход̣̇ано наама, аяам̣ хзссад̇и г̇од̇амо.
Pitā suddhodano nāma, ayaṃ hessati gotamo.
14.
14.
‘‘голид̇о убад̇иссо жа, аг̇г̇аа хзссанд̇и саавагаа;
‘‘Kolito upatisso ca, aggā hessanti sāvakā;
аананд̣̇о наамубадтааго, убадтиссад̇имам̣ ж̇инам̣.
Ānando nāmupaṭṭhāko, upaṭṭhissatimaṃ jinaṃ.
15.
15.
‘‘кзмаа уббалаван̣н̣аа жа, аг̇г̇аа хзссанд̇и саавигаа;
‘‘Khemā uppalavaṇṇā ca, aggā hessanti sāvikā;
б̣од̇хи д̇асса бхаг̇авад̇о, ассад̇т̇од̇и бавужжад̇и.
Bodhi tassa bhagavato, assatthoti pavuccati.
16.
16.
‘‘жид̇д̇о жа хад̇т̇аал̣аваго, аг̇г̇аа хзссанд̇убадтагаа;
‘‘Citto ca hatthāḷavako, aggā hessantupaṭṭhakā;
нанд̣̇амаад̇аа жа уд̇д̇араа, аг̇г̇аа хзссанд̇убадтигаа;
Nandamātā ca uttarā, aggā hessantupaṭṭhikā;
ааяу вассасад̇ам̣ д̇асса, г̇од̇амасса яасассино’’.
Āyu vassasataṃ tassa, gotamassa yasassino’’.
17.
17.
ид̣̇ам̣ суд̇ваана важанам̣, асамасса махзсино;
Idaṃ sutvāna vacanaṃ, asamassa mahesino;
аамод̣̇ид̇аа нарамаруу, б̣уд̣̇д̇хаб̣ийж̇ам̣ гира аяам̣.
Āmoditā naramarū, buddhabījaṃ kira ayaṃ.
18.
18.
уггудтисад̣̇д̣̇аа вад̇д̇анд̇и, абподзнд̇и хасанд̇и жа;
Ukkuṭṭhisaddā vattanti, apphoṭenti hasanti ca;
гад̇ан̃ж̇алий намассанд̇и, д̣̇асасахассид̣̇звад̇аа.
Katañjalī namassanti, dasasahassidevatā.
19.
19.
‘‘яад̣̇имасса логанаат̇асса, вираж̇жхиссаама саасанам̣;
‘‘Yadimassa lokanāthassa, virajjhissāma sāsanaṃ;
анааг̇ад̇амхи ад̣̇д̇хаанз, хзссаама саммукаа имам̣.
Anāgatamhi addhāne, hessāma sammukhā imaṃ.
20.
20.
‘‘яат̇аа мануссаа над̣̇им̣ д̇аранд̇аа, бадид̇ид̇т̇ам̣ вираж̇жхияа;
‘‘Yathā manussā nadiṃ tarantā, paṭititthaṃ virajjhiya;
хздтаад̇ид̇т̇з г̇ахзд̇ваана, уд̇д̇аранд̇и махаанад̣̇им̣.
Heṭṭhātitthe gahetvāna, uttaranti mahānadiṃ.
21.
21.
‘‘звамзва маяам̣ саб̣б̣з, яад̣̇и мун̃жаамимам̣ ж̇инам̣;
‘‘Evameva mayaṃ sabbe, yadi muñcāmimaṃ jinaṃ;
анааг̇ад̇амхи ад̣̇д̇хаанз, хзссаама саммукаа имам̣’’.
Anāgatamhi addhāne, hessāma sammukhā imaṃ’’.
22.
22.
д̇ассаахам̣ важанам̣ суд̇ваа, бхияяо жид̇д̇ам̣ басаад̣̇аяим̣;
Tassāhaṃ vacanaṃ sutvā, bhiyyo cittaṃ pasādayiṃ;
д̇амзва ад̇т̇ам̣ саад̇хзнд̇о, махаараж̇ж̇ам̣ ж̇инз ад̣̇ам̣;
Tameva atthaṃ sādhento, mahārajjaṃ jine adaṃ;
махаараж̇ж̇ам̣ д̣̇ад̣̇ид̇ваана 1, баб̣б̣аж̇им̣ д̇асса санд̇игз.
Mahārajjaṃ daditvāna 2, pabbajiṃ tassa santike.
23.
23.
суд̇д̇анд̇ам̣ винаяан̃жааби, наван̇г̇ам̣ сад̇т̇усаасанам̣;
Suttantaṃ vinayañcāpi, navaṅgaṃ satthusāsanaṃ;
саб̣б̣ам̣ барияаабун̣ид̇ваана, собхаяим̣ ж̇инасаасанам̣.
Sabbaṃ pariyāpuṇitvāna, sobhayiṃ jinasāsanaṃ.
24.
24.
д̇ад̇т̇аббамад̇д̇о вихаранд̇о, нисаж̇ж̇адтаанажан̇гамз;
Tatthappamatto viharanto, nisajjaṭṭhānacaṅkame;
абхин̃н̃аабаарамим̣ г̇анд̇ваа, б̣рахмалогамаг̇ан̃чахам̣.
Abhiññāpāramiṃ gantvā, brahmalokamagañchahaṃ.
25.
25.
наг̇арам̣ раммавад̇ий наама, сунанд̣̇о наама кад̇д̇ияо;
Nagaraṃ rammavatī nāma, sunando nāma khattiyo;
суж̇аад̇аа наама ж̇анигаа, гон̣д̣ан̃н̃асса махзсино.
Sujātā nāma janikā, koṇḍaññassa mahesino.
26.
26.
сужи суружи субхо жа, д̇аяо баасаад̣̇амуд̇д̇амаа.
Suci suruci subho ca, tayo pāsādamuttamā.
27.
27.
д̇ийн̣исад̇асахассаани, наарияо самалан̇гад̇аа;
Tīṇisatasahassāni, nāriyo samalaṅkatā;
ружид̣̇звий наама наарий, виж̇ид̇асзно ад̇раж̇о.
Rucidevī nāma nārī, vijitaseno atrajo.
28.
28.
нимид̇д̇з жад̇уро д̣̇исваа, рат̇аяаанзна нигками;
Nimitte caturo disvā, rathayānena nikkhami;
ануунад̣̇асамаасаани, бад̇хаанам̣ бад̣̇ахий ж̇ино.
Anūnadasamāsāni, padhānaṃ padahī jino.
29.
29.
б̣рахмунаа яаажид̇о санд̇о, гон̣д̣ан̃н̃о д̣̇вибад̣̇уд̇д̇амо;
Brahmunā yācito santo, koṇḍañño dvipaduttamo;
вад̇д̇и жаггам̣ махаавийро, д̣̇зваанам̣ наг̇аруд̇д̇амз.
Vatti cakkaṃ mahāvīro, devānaṃ nagaruttame.
30.
30.
бхад̣̇д̣̇о жзва субхад̣̇д̣̇о жа, ахзсум̣ аг̇г̇асаавагаа;
Bhaddo ceva subhaddo ca, ahesuṃ aggasāvakā;
ануруд̣̇д̇хо наамубадтааго, гон̣д̣ан̃н̃асса махзсино.
Anuruddho nāmupaṭṭhāko, koṇḍaññassa mahesino.
31.
31.
д̇иссаа жа убад̇иссаа жа, ахзсум̣ аг̇г̇асаавигаа;
Tissā ca upatissā ca, ahesuṃ aggasāvikā;
саалагаляаан̣иго б̣од̇хи, гон̣д̣ан̃н̃асса махзсино.
Sālakalyāṇiko bodhi, koṇḍaññassa mahesino.
32.
32.
сон̣о жа убасон̣о жа, ахзсум̣ аг̇г̇убадтагаа;
Soṇo ca upasoṇo ca, ahesuṃ aggupaṭṭhakā;
нанд̣̇аа жзва сириймаа жа, ахзсум̣ аг̇г̇убадтигаа.
Nandā ceva sirīmā ca, ahesuṃ aggupaṭṭhikā.
33.
33.
со адтаасийд̇и хад̇т̇аани, ажжуг̇г̇ад̇о махаамуни;
So aṭṭhāsīti hatthāni, accuggato mahāmuni;
собхад̇з ул̣урааж̇аава суурияо маж̇жханхигз яат̇аа.
Sobhate uḷurājāva sūriyo majjhanhike yathā.
34.
34.
вассасад̇асахассаани , ааяу виж̇ж̇ад̇и д̇аавад̣̇з;
Vassasatasahassāni , āyu vijjati tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
35.
35.
кийн̣аасавзхи вималзхи, вижид̇д̇аа ааси мзд̣̇аний;
Khīṇāsavehi vimalehi, vicittā āsi medanī;
яат̇аа г̇аг̇анамул̣уухи, звам̣ со убасобхат̇а.
Yathā gaganamuḷūhi, evaṃ so upasobhatha.
36.
36.
д̇зби нааг̇аа аббамзяяаа, асан̇кобхаа д̣̇ураасад̣̇аа;
Tepi nāgā appameyyā, asaṅkhobhā durāsadā;
виж̇ж̇убаад̇ам̣ва д̣̇ассзд̇ваа, ниб̣б̣уд̇аа д̇з махааяасаа.
Vijjupātaṃva dassetvā, nibbutā te mahāyasā.
37.
37.
саа жа ад̇улияаа ж̇инасса ид̣̇д̇хи, н̃аан̣абарибхаавид̇о жа самаад̇хи;
Sā ca atuliyā jinassa iddhi, ñāṇaparibhāvito ca samādhi;
саб̣б̣ам̣ д̇аманд̇арахид̇ам̣, нану рид̇д̇аа саб̣б̣асан̇каараа.
Sabbaṃ tamantarahitaṃ, nanu rittā sabbasaṅkhārā.
38.
38.
гон̣д̣ан̃н̃о баваро б̣уд̣̇д̇хо, жанд̣̇аараамамхи ниб̣б̣уд̇о;
Koṇḍañño pavaro buddho, candārāmamhi nibbuto;
д̇ад̇т̇зва жзд̇ияо жид̇д̇о, сад̇д̇а яож̇анамуссид̇од̇и.
Tattheva cetiyo citto, satta yojanamussitoti.
гон̣д̣ан̃н̃асса бхаг̇авад̇о вам̣со д̣̇уд̇ияо.
Koṇḍaññassa bhagavato vaṃso dutiyo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / б̣уд̣̇д̇хавам̣са-адтагат̇аа • Buddhavaṃsa-aṭṭhakathā / 4. гон̣д̣ан̃н̃аб̣уд̣̇д̇хавам̣саван̣н̣анаа • 4. Koṇḍaññabuddhavaṃsavaṇṇanā
