| Library / Tipiṭaka / д̇ибидага • Tipiṭaka / б̣уд̣̇д̇хавам̣сабаал̣и • Buddhavaṃsapāḷi |
5. ман̇г̇алаб̣уд̣̇д̇хавам̣со
5. Maṅgalabuddhavaṃso
1.
1.
гон̣д̣ан̃н̃асса абарзна, ман̇г̇ало наама нааяаго;
Koṇḍaññassa aparena, maṅgalo nāma nāyako;
д̇амам̣ логз ниханд̇ваана, д̇хаммоггамабхид̇хаараяи.
Tamaṃ loke nihantvāna, dhammokkamabhidhārayi.
2.
2.
ад̇улааси бабхаа д̇асса, ж̇инзхан̃н̃зхи уд̇д̇арим̣;
Atulāsi pabhā tassa, jinehaññehi uttariṃ;
жанд̣̇асуурияабабхам̣ ханд̇ваа, д̣̇асасахассий вирожад̇и.
Candasūriyapabhaṃ hantvā, dasasahassī virocati.
3.
3.
соби б̣уд̣̇д̇хо багаасзси, жад̇уро сажжаваруд̇д̇амз;
Sopi buddho pakāsesi, caturo saccavaruttame;
д̇з д̇з сажжарасам̣ бийд̇ваа, винод̣̇знд̇и махаад̇амам̣.
Te te saccarasaṃ pītvā, vinodenti mahātamaṃ.
4.
4.
бад̇ваана б̣од̇химад̇улам̣, батамз д̇хаммад̣̇зсанз;
Patvāna bodhimatulaṃ, paṭhame dhammadesane;
годисад̇асахассаанам̣, д̇хаммаабхисамаяо аху.
Koṭisatasahassānaṃ, dhammābhisamayo ahu.
5.
5.
суринд̣̇ад̣̇звабхаванз , б̣уд̣̇д̇хо д̇хаммамад̣̇зсаяи;
Surindadevabhavane , buddho dhammamadesayi;
6.
6.
яад̣̇аа сунанд̣̇о жаггавад̇д̇ий, самб̣уд̣̇д̇хам̣ убасан̇гами;
Yadā sunando cakkavattī, sambuddhaṃ upasaṅkami;
д̇ад̣̇аа аахани самб̣уд̣̇д̇хо, д̇хаммабхзрим̣ варуд̇д̇амам̣.
Tadā āhani sambuddho, dhammabheriṃ varuttamaṃ.
7.
7.
сунанд̣̇ассаанужараа ж̇анад̇аа, д̇ад̣̇аасум̣ навуд̇игодияо;
Sunandassānucarā janatā, tadāsuṃ navutikoṭiyo;
саб̣б̣зби д̇з ниравасзсаа, ахзсум̣ зхи бхигкугаа.
Sabbepi te niravasesā, ahesuṃ ehi bhikkhukā.
8.
8.
саннибаад̇аа д̇аяо аасум̣, ман̇г̇аласса махзсино;
Sannipātā tayo āsuṃ, maṅgalassa mahesino;
годисад̇асахассаанам̣, батамо ааси самааг̇амо.
Koṭisatasahassānaṃ, paṭhamo āsi samāgamo.
9.
9.
д̣̇уд̇ияо годисад̇асахассаанам̣, д̇ад̇ияо навуд̇игодинам̣;
Dutiyo koṭisatasahassānaṃ, tatiyo navutikoṭinaṃ;
кийн̣аасаваанам̣ вималаанам̣, д̇ад̣̇аа ааси самааг̇амо.
Khīṇāsavānaṃ vimalānaṃ, tadā āsi samāgamo.
10.
10.
ахам̣ д̇зна самаязна, суружий наама б̣раахман̣о;
Ahaṃ tena samayena, surucī nāma brāhmaṇo;
аж̇жхааяаго манд̇ад̇харо, д̇ин̣н̣ам̣ взд̣̇аана баараг̇уу.
Ajjhāyako mantadharo, tiṇṇaṃ vedāna pāragū.
11.
11.
д̇амахам̣ убасан̇гамма, саран̣ам̣ г̇анд̇ваана сад̇т̇уно;
Tamahaṃ upasaṅkamma, saraṇaṃ gantvāna satthuno;
самб̣уд̣̇д̇хаббамукам̣ сан̇гхам̣, г̇анд̇хамаалзна бууж̇аяим̣;
Sambuddhappamukhaṃ saṅghaṃ, gandhamālena pūjayiṃ;
бууж̇зд̇ваа г̇анд̇хамаалзна, г̇авабаанзна д̇аббаяим̣.
Pūjetvā gandhamālena, gavapānena tappayiṃ.
12.
12.
соби мам̣ б̣уд̣̇д̇хо б̣яаагааси, ман̇г̇ало д̣̇вибад̣̇уд̇д̇амо;
Sopi maṃ buddho byākāsi, maṅgalo dvipaduttamo;
‘‘абаримзяяид̇о габбз, аяам̣ б̣уд̣̇д̇хо бхависсад̇и.
‘‘Aparimeyyito kappe, ayaṃ buddho bhavissati.
13.
13.
‘‘бад̇хаанам̣ бад̣̇ахид̇ваана…бз… хзссаама саммукаа имам̣’’.
‘‘Padhānaṃ padahitvāna…pe… hessāma sammukhā imaṃ’’.
14.
14.
д̇ассааби важанам̣ суд̇ваа, бхияяо жид̇д̇ам̣ басаад̣̇аяим̣;
Tassāpi vacanaṃ sutvā, bhiyyo cittaṃ pasādayiṃ;
уд̇д̇арим̣ вад̇амад̇хидтаасим̣, д̣̇аса баарамибуурияаа.
Uttariṃ vatamadhiṭṭhāsiṃ, dasa pāramipūriyā.
15.
15.
д̇ад̣̇аа бийд̇имануб̣рууханд̇о, самб̣од̇хиварабад̇д̇ияаа;
Tadā pītimanubrūhanto, sambodhivarapattiyā;
б̣уд̣̇д̇хз д̣̇ад̇ваана мам̣ г̇зхам̣, баб̣б̣аж̇им̣ д̇асса санд̇игз.
Buddhe datvāna maṃ gehaṃ, pabbajiṃ tassa santike.
16.
16.
суд̇д̇анд̇ам̣ винаяан̃жааби, наван̇г̇ам̣ сад̇т̇усаасанам̣;
Suttantaṃ vinayañcāpi, navaṅgaṃ satthusāsanaṃ;
саб̣б̣ам̣ барияаабун̣ид̇ваа, собхаяим̣ ж̇инасаасанам̣.
Sabbaṃ pariyāpuṇitvā, sobhayiṃ jinasāsanaṃ.
17.
17.
д̇ад̇т̇аббамад̇д̇о вихаранд̇о, б̣рахмам̣ бхаавзд̇ва бхааванам̣;
Tatthappamatto viharanto, brahmaṃ bhāvetva bhāvanaṃ;
абхин̃н̃аабаарамим̣ г̇анд̇ваа, б̣рахмалогамаг̇ажчахам̣.
Abhiññāpāramiṃ gantvā, brahmalokamagacchahaṃ.
18.
18.
уд̇д̇арам̣ наама наг̇арам̣, уд̇д̇аро наама кад̇д̇ияо;
Uttaraṃ nāma nagaraṃ, uttaro nāma khattiyo;
уд̇д̇араа наама ж̇анигаа, ман̇г̇аласса махзсино.
Uttarā nāma janikā, maṅgalassa mahesino.
19.
19.
нававассасахассаани , аг̇аарам̣ аж̇жха со васи;
Navavassasahassāni , agāraṃ ajjha so vasi;
яасаваа сужимаа сириймаа, д̇аяо баасаад̣̇амуд̇д̇амаа.
Yasavā sucimā sirīmā, tayo pāsādamuttamā.
20.
20.
самад̇им̣сасахассаани, наарияо самалан̇гад̇аа;
Samatiṃsasahassāni, nāriyo samalaṅkatā;
яасавад̇ий наама наарий, сийвало наама ад̇раж̇о.
Yasavatī nāma nārī, sīvalo nāma atrajo.
21.
21.
нимид̇д̇з жад̇уро д̣̇исваа, ассаяаанзна нигками;
Nimitte caturo disvā, assayānena nikkhami;
ануунаадтамаасаани, бад̇хаанам̣ бад̣̇ахий ж̇ино.
Anūnaaṭṭhamāsāni, padhānaṃ padahī jino.
22.
22.
б̣рахмунаа яаажид̇о санд̇о, ман̇г̇ало наама нааяаго;
Brahmunā yācito santo, maṅgalo nāma nāyako;
вад̇д̇и жаггам̣ махаавийро, ванз сирийваруд̇д̇амз.
Vatti cakkaṃ mahāvīro, vane sirīvaruttame.
23.
23.
суд̣̇зво д̇хаммасзно жа, ахзсум̣ аг̇г̇асаавагаа;
Sudevo dhammaseno ca, ahesuṃ aggasāvakā;
баалид̇о наамубадтааго, ман̇г̇аласса махзсино.
Pālito nāmupaṭṭhāko, maṅgalassa mahesino.
24.
24.
сийвалаа жа асогаа жа, ахзсум̣ аг̇г̇асаавигаа;
Sīvalā ca asokā ca, ahesuṃ aggasāvikā;
б̣од̇хи д̇асса бхаг̇авад̇о, нааг̇аругкод̇и вужжад̇и.
Bodhi tassa bhagavato, nāgarukkhoti vuccati.
25.
25.
нанд̣̇о жзва висаако жа, ахзсум̣ аг̇г̇убадтагаа;
Nando ceva visākho ca, ahesuṃ aggupaṭṭhakā;
анулаа жзва суд̇анаа жа, ахзсум̣ аг̇г̇убадтигаа.
Anulā ceva sutanā ca, ahesuṃ aggupaṭṭhikā.
26.
26.
адтаасийд̇и рад̇анаани, ажжуг̇г̇ад̇о махаамуни;
Aṭṭhāsīti ratanāni, accuggato mahāmuni;
д̇ад̇о нид̣̇д̇хаавад̇ий рам̣сий, анзгасад̇асахассияо.
Tato niddhāvatī raṃsī, anekasatasahassiyo.
27.
27.
навуд̇ивассасахассаани, ааяу виж̇ж̇ад̇и д̇аавад̣̇з;
Navutivassasahassāni, āyu vijjati tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
28.
28.
яат̇ааби сааг̇арз уумий, на саггаа д̇аа г̇ан̣зд̇уяз;
Yathāpi sāgare ūmī, na sakkā tā gaṇetuye;
д̇ат̇зва саавагаа д̇асса, на саггаа д̇з г̇ан̣зд̇уяз.
Tatheva sāvakā tassa, na sakkā te gaṇetuye.
29.
29.
яаава адтааси самб̣уд̣̇д̇хо, ман̇г̇ало логанааяаго;
Yāva aṭṭhāsi sambuddho, maṅgalo lokanāyako;
на д̇асса саасанз ад̇т̇и, сагилзсамаран̣ам̣ 3 д̇ад̣̇аа.
Na tassa sāsane atthi, sakilesamaraṇaṃ 4 tadā.
30.
30.
д̇хаммоггам̣ д̇хаараяид̇ваана, санд̇аарзд̇ваа махааж̇анам̣;
Dhammokkaṃ dhārayitvāna, santāretvā mahājanaṃ;
ж̇алид̇ваа д̇хуумагзд̇уува, ниб̣б̣уд̇о со махааяасо.
Jalitvā dhūmaketūva, nibbuto so mahāyaso.
31.
31.
сан̇каараанам̣ сабхаавад̇т̇ам̣, д̣̇ассаяид̇ваа сад̣̇звагз;
Saṅkhārānaṃ sabhāvatthaṃ, dassayitvā sadevake;
ж̇алид̇ваа аг̇г̇игканд̇хова, суурияо ад̇т̇ан̇г̇ад̇о яат̇аа.
Jalitvā aggikkhandhova, sūriyo atthaṅgato yathā.
32.
32.
уяяаанз вассарз наама, б̣уд̣̇д̇хо ниб̣б̣ааяи ман̇г̇ало;
Uyyāne vassare nāma, buddho nibbāyi maṅgalo;
д̇ад̇т̇звасса ж̇инат̇уубо, д̇им̣саяож̇анамуг̇г̇ад̇од̇и.
Tatthevassa jinathūpo, tiṃsayojanamuggatoti.
ман̇г̇аласса бхаг̇авад̇о вам̣со д̇ад̇ияо.
Maṅgalassa bhagavato vaṃso tatiyo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / б̣уд̣̇д̇хавам̣са-адтагат̇аа • Buddhavaṃsa-aṭṭhakathā / 5. ман̇г̇алаб̣уд̣̇д̇хавам̣саван̣н̣анаа • 5. Maṅgalabuddhavaṃsavaṇṇanā
