| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៣. កិង្កណិបុប្ផិយត្ថេរអបទានំ
3. Kiṅkaṇipupphiyattheraapadānaṃ
១០.
10.
‘‘កញ្ចនគ្ឃិយសង្កាសោ, សព្ពញ្ញូ លោកនាយកោ;
‘‘Kañcanagghiyasaṅkāso, sabbaññū lokanāyako;
ឱទកំ ទហមោគ្គយ្ហ, សិនាយិ លោកនាយកោ។
Odakaṃ dahamoggayha, sināyi lokanāyako.
១១.
11.
‘‘បគ្គយ្ហ កិង្កណិំ 1 បុប្ផំ, វិបស្សិស្សាភិរោបយិំ;
‘‘Paggayha kiṅkaṇiṃ 2 pupphaṃ, vipassissābhiropayiṃ;
ឧទគ្គចិត្តោ សុមនោ, ទ្វិបទិន្ទស្ស តាទិនោ។
Udaggacitto sumano, dvipadindassa tādino.
១២.
12.
‘‘ឯកនវុតិតោ កប្បេ, យំ បុប្ផមភិរោបយិំ;
‘‘Ekanavutito kappe, yaṃ pupphamabhiropayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
១៣.
13.
‘‘សត្តវីសតិកប្បម្ហិ, រាជា ភីមរថោ អហុ;
‘‘Sattavīsatikappamhi, rājā bhīmaratho ahu;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
១៤.
14.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា កិង្កណិបុប្ផិយោ 3 ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā kiṅkaṇipupphiyo 4 thero imā gāthāyo abhāsitthāti.
កិង្កណិបុប្ផិយត្ថេរស្សាបទានំ តតិយំ។
Kiṅkaṇipupphiyattherassāpadānaṃ tatiyaṃ.
Footnotes:
