| Library / Tipiṭaka / តិបិដក • Tipiṭaka / សុត្តនិបាតបាឡិ • Suttanipātapāḷi |
៩. កិំសីលសុត្តំ
9. Kiṃsīlasuttaṃ
៣២៦.
326.
‘‘កិំសីលោ កិំសមាចារោ, កានិ កម្មានិ ព្រូហយំ;
‘‘Kiṃsīlo kiṃsamācāro, kāni kammāni brūhayaṃ;
នរោ សម្មា និវិដ្ឋស្ស, ឧត្តមត្ថញ្ច បាបុណេ’’។
Naro sammā niviṭṭhassa, uttamatthañca pāpuṇe’’.
៣២៧.
327.
ធម្មិំ កថំ ឯរយិតំ ខណញ្ញូ, សុណេយ្យ សក្កច្ច សុភាសិតានិ។
Dhammiṃ kathaṃ erayitaṃ khaṇaññū, suṇeyya sakkacca subhāsitāni.
៣២៨.
328.
‘‘កាលេន គច្ឆេ គរូនំ សកាសំ, ថម្ភំ និរំកត្វា 5 និវាតវុត្តិ;
‘‘Kālena gacche garūnaṃ sakāsaṃ, thambhaṃ niraṃkatvā 6 nivātavutti;
អត្ថំ ធម្មំ សំយមំ ព្រហ្មចរិយំ, អនុស្សរេ ចេវ សមាចរេ ច។
Atthaṃ dhammaṃ saṃyamaṃ brahmacariyaṃ, anussare ceva samācare ca.
៣២៩.
329.
‘‘ធម្មារាមោ ធម្មរតោ, ធម្មេ ឋិតោ ធម្មវិនិច្ឆយញ្ញូ;
‘‘Dhammārāmo dhammarato, dhamme ṭhito dhammavinicchayaññū;
នេវាចរេ ធម្មសន្ទោសវាទំ, តច្ឆេហិ នីយេថ សុភាសិតេហិ។
Nevācare dhammasandosavādaṃ, tacchehi nīyetha subhāsitehi.
៣៣០.
330.
‘‘ហស្សំ ជប្បំ បរិទេវំ បទោសំ, មាយាកតំ កុហនំ គិទ្ធិ មានំ;
‘‘Hassaṃ jappaṃ paridevaṃ padosaṃ, māyākataṃ kuhanaṃ giddhi mānaṃ;
សារម្ភំ កក្កសំ កសាវញ្ច មុច្ឆំ 7, ហិត្វា ចរេ វីតមទោ ឋិតត្តោ។
Sārambhaṃ kakkasaṃ kasāvañca mucchaṃ 8, hitvā care vītamado ṭhitatto.
៣៣១.
331.
‘‘វិញ្ញាតសារានិ សុភាសិតានិ, សុតញ្ច វិញ្ញាតសមាធិសារំ;
‘‘Viññātasārāni subhāsitāni, sutañca viññātasamādhisāraṃ;
ន តស្ស បញ្ញា ច សុតញ្ច វឌ្ឍតិ, យោ សាហសោ ហោតិ នរោ បមត្តោ។
Na tassa paññā ca sutañca vaḍḍhati, yo sāhaso hoti naro pamatto.
៣៣២.
332.
‘‘ធម្មេ ច យេ អរិយបវេទិតេ រតា,
‘‘Dhamme ca ye ariyapavedite ratā,
អនុត្តរា តេ វចសា មនសា កម្មុនា ច;
Anuttarā te vacasā manasā kammunā ca;
តេ សន្តិសោរច្ចសមាធិសណ្ឋិតា,
Te santisoraccasamādhisaṇṭhitā,
សុតស្ស បញ្ញាយ ច សារមជ្ឈគូ’’តិ។
Sutassa paññāya ca sāramajjhagū’’ti.
កិំសីលសុត្តំ នវមំ និដ្ឋិតំ។
Kiṃsīlasuttaṃ navamaṃ niṭṭhitaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / សុត្តនិបាត-អដ្ឋកថា • Suttanipāta-aṭṭhakathā / ៩. កិំសីលសុត្តវណ្ណនា • 9. Kiṃsīlasuttavaṇṇanā
