| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
9. கிங்கணிகபுப்பி²யத்தே²ரஅபதா³னங்
9. Kiṃkaṇikapupphiyattheraapadānaṃ
47.
47.
‘‘ஸுமங்க³லோதி நாமேன, ஸயம்பூ⁴ அபராஜிதோ;
‘‘Sumaṅgaloti nāmena, sayambhū aparājito;
பவனா நிக்க²மித்வான, நக³ரங் பாவிஸீ ஜினோ.
Pavanā nikkhamitvāna, nagaraṃ pāvisī jino.
48.
48.
‘‘பிண்ட³சாரங் சரித்வான, நிக்க²ம்ம நக³ரா முனி;
‘‘Piṇḍacāraṃ caritvāna, nikkhamma nagarā muni;
கதகிச்சோவ ஸம்பு³த்³தோ⁴, ஸோ வஸீ வனமந்தரே.
Katakiccova sambuddho, so vasī vanamantare.
49.
49.
‘‘கிங்கணிபுப்ப²ங் பக்³க³ய்ஹ, பு³த்³த⁴ஸ்ஸ அபி⁴ரோபயிங்;
‘‘Kiṃkaṇipupphaṃ paggayha, buddhassa abhiropayiṃ;
பஸன்னசித்தோ ஸுமனோ, ஸயம்பு⁴ஸ்ஸ மஹேஸினோ.
Pasannacitto sumano, sayambhussa mahesino.
50.
50.
‘‘சதுன்னவுதிதோ கப்பே, யங் புப்ப²மபி⁴ரோபயிங்;
‘‘Catunnavutito kappe, yaṃ pupphamabhiropayiṃ;
து³க்³க³திங் நாபி⁴ஜானாமி, பு³த்³த⁴பூஜாயித³ங் ப²லங்.
Duggatiṃ nābhijānāmi, buddhapūjāyidaṃ phalaṃ.
51.
51.
‘‘ச²ளாஸீதிம்ஹிதோ கப்பே, அபிலாஸிஸனாமகோ;
‘‘Chaḷāsītimhito kappe, apilāsisanāmako;
ஸத்தரதனஸம்பன்னோ, சக்கவத்தீ மஹப்³ப³லோ.
Sattaratanasampanno, cakkavattī mahabbalo.
52.
52.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா கிங்கணிகபுப்பி²யோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā kiṃkaṇikapupphiyo thero imā gāthāyo abhāsitthāti.
கிங்கணிகபுப்பி²யத்தே²ரஸ்ஸாபதா³னங் நவமங்.
Kiṃkaṇikapupphiyattherassāpadānaṃ navamaṃ.
