| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
куд̣̇д̣̇агавад̇т̇угканд̇хагагат̇аа
Khuddakavatthukkhandhakakathā
2783.
2783.
ругкз ваа бана гуддзваа, аддаанз т̇амбхагзсу ваа;
Rukkhe vā pana kuṭṭevā, aṭṭāne thambhakesu vā;
нхааяамаано сагам̣ гааяам̣, уг̇гхам̣сзяяасса д̣̇уггадам̣.
Nhāyamāno sakaṃ kāyaṃ, ugghaṃseyyassa dukkaṭaṃ.
2784.
2784.
гааяам̣ г̇анд̇хаб̣б̣ахад̇т̇зна, гурувинд̣̇агасуд̇д̇ияаа;
Kāyaṃ gandhabbahatthena, kuruvindakasuttiyā;
маллагзна на гхам̣сзяяа, наан̃н̃аман̃н̃ан̃жа гааяад̇о.
Mallakena na ghaṃseyya, nāññamaññañca kāyato.
2785.
2785.
агад̇ам̣ маллагам̣ наама, г̇илаанассзва ваддад̇и;
Akataṃ mallakaṃ nāma, gilānasseva vaṭṭati;
гад̇ам̣ д̇ам̣ маллагам̣ наама, саб̣б̣зсамби на ваддад̇и.
Kataṃ taṃ mallakaṃ nāma, sabbesampi na vaṭṭati.
2786.
2786.
габаалидтагакан̣д̣аани, саб̣б̣асса бут̇убаан̣игам̣;
Kapāliṭṭhakakhaṇḍāni, sabbassa puthupāṇikaṃ;
г̇илаанассааг̇илаанасса, вад̇т̇авадди жа ваддад̇и.
Gilānassāgilānassa, vatthavaṭṭi ca vaṭṭati.
2787.
2787.
вуд̇д̇аа пзн̣агабаасаан̣а-гат̇алаа баад̣̇агхам̣санз;
Vuttā pheṇakapāsāṇa-kathalā pādaghaṃsane;
ваддам̣ ваа жад̇урассам̣ ваа, гад̇агам̣ на жа ваддад̇и.
Vaṭṭaṃ vā caturassaṃ vā, katakaṃ na ca vaṭṭati.
2788.
2788.
яам̣ гин̃жиби алан̇гаарам̣, д̇хаарзнд̇ассаби д̣̇уггадам̣;
Yaṃ kiñcipi alaṅkāraṃ, dhārentassapi dukkaṭaṃ;
ход̇и анд̇амасо д̇аала-бан̣н̣амад̇д̇амби бхигкуно.
Hoti antamaso tāla-paṇṇamattampi bhikkhuno.
2789.
2789.
осан̣хзяяа сагз гзсз, яо хад̇т̇апан̣агзна ваа;
Osaṇheyya sake kese, yo hatthaphaṇakena vā;
пан̣агзнаби гожчзна, д̣̇уггадам̣ д̇асса нид̣̇д̣̇исз.
Phaṇakenapi kocchena, dukkaṭaṃ tassa niddise.
2790.
2790.
сид̇т̇ад̇злод̣̇ад̇злзхи , ман̣д̣анад̇т̇ам̣ на ваддад̇и;
Sitthatelodatelehi , maṇḍanatthaṃ na vaṭṭati;
ануломанибаад̇ад̇т̇ам̣, уд̣̇д̇хам̣ломзна бхигкунаа.
Anulomanipātatthaṃ, uddhaṃlomena bhikkhunā.
2791.
2791.
хад̇т̇ам̣ д̇злзна д̇змзд̇ваа, бун̃чид̇аб̣б̣аа сирорухаа;
Hatthaṃ telena temetvā, puñchitabbā siroruhā;
ваддад̇ун̣хаабхид̇ад̇д̇асса, аллахад̇т̇зна бун̃чид̇ум̣.
Vaṭṭatuṇhābhitattassa, allahatthena puñchituṃ.
2792.
2792.
аад̣̇аасз уд̣̇абад̇д̇з ваа, яад̇т̇а гад̇т̇ажи ад̇д̇ано;
Ādāse udapatte vā, yattha katthaci attano;
мукаб̣имб̣ам̣ винаа хзд̇ум̣, ологзнд̇асса д̣̇уггадам̣.
Mukhabimbaṃ vinā hetuṃ, olokentassa dukkaṭaṃ.
2793.
2793.
‘‘сан̃чавим̣ д̇у мукам̣, но’’д̇и, д̣̇адтумааб̣аад̇хабажжаяаа;
‘‘Sañchaviṃ tu mukhaṃ, no’’ti, daṭṭhumābādhapaccayā;
‘‘ж̇ин̣н̣о но’’д̇ааяусан̇каара-ж̇аананад̇т̇ан̃жа ваддад̇и.
‘‘Jiṇṇo no’’tāyusaṅkhāra-jānanatthañca vaṭṭati.
2794.
2794.
нажжам̣ ваа бана г̇ийд̇ам̣ ваа, ваад̣̇ид̇ам̣ вааби бхигкуно;
Naccaṃ vā pana gītaṃ vā, vāditaṃ vāpi bhikkhuno;
д̣̇адтум̣ ваа бана сод̇ум̣ ваа, г̇ажчад̇о ход̇и д̣̇уггадам̣.
Daṭṭhuṃ vā pana sotuṃ vā, gacchato hoti dukkaṭaṃ.
2795.
2795.
д̣̇адтуманд̇амасо мора-нажжамби жа на ваддад̇и;
Daṭṭhumantamaso mora-naccampi ca na vaṭṭati;
сод̇уманд̇амасо д̣̇анд̇а-г̇ийд̇амби жа на ваддад̇и.
Sotumantamaso danta-gītampi ca na vaṭṭati.
2796.
2796.
нажжанд̇асса саяам̣ вааби, нажжаабзнд̇асса д̣̇уггадам̣;
Naccantassa sayaṃ vāpi, naccāpentassa dukkaṭaṃ;
анаабад̇д̇анд̇араараамз, тад̇ваа сун̣аад̇и бассад̇и.
Anāpattantarārāme, ṭhatvā suṇāti passati.
2797.
2797.
‘‘бассиссаамий’’д̇и нажжам̣ ваа, г̇ийд̇ам̣ ваа бана ваад̣̇ид̇ам̣;
‘‘Passissāmī’’ti naccaṃ vā, gītaṃ vā pana vāditaṃ;
вихаарад̇о вихаарам̣ ваа, г̇ажчад̇о ход̇и д̣̇уггадам̣.
Vihārato vihāraṃ vā, gacchato hoti dukkaṭaṃ.
2798.
2798.
аабад̇д̇анд̇овихаарзби, удтахид̇ваана г̇ажчад̇о;
Āpattantovihārepi, uṭṭhahitvāna gacchato;
тад̇ваа г̇ийвам̣ басаарзд̇ваа, бассад̇оби жа вийт̇ияам̣.
Ṭhatvā gīvaṃ pasāretvā, passatopi ca vīthiyaṃ.
2799.
2799.
гзсаа д̣̇ийгхаа на д̇хаарзяяаа, яо д̇хаарзяяасса д̣̇уггадам̣;
Kesā dīghā na dhāreyyā, yo dhāreyyassa dukkaṭaṃ;
д̣̇ван̇г̇улам̣ ваа д̣̇умаасам̣ ваа, д̇ад̇о уд̣̇д̇хам̣ на ваддад̇и.
Dvaṅgulaṃ vā dumāsaṃ vā, tato uddhaṃ na vaṭṭati.
2800.
2800.
накз наасигаломаани, д̣̇ийгхаани на д̇у д̇хаараяз;
Nakhe nāsikalomāni, dīghāni na tu dhāraye;
на жа вийсад̇имадтам̣ ваа, гаад̇ум̣ ваддад̇и бхигкуно.
Na ca vīsatimaṭṭhaṃ vā, kātuṃ vaṭṭati bhikkhuno.
2801.
2801.
габбаабзяяа висум̣ массум̣, д̣̇аатигам̣ ваа табзяяа яо;
Kappāpeyya visuṃ massuṃ, dāṭhikaṃ vā ṭhapeyya yo;
сам̣хараабзяяа ваа ломам̣, самб̣аад̇хз д̇асса д̣̇уггадам̣.
Saṃharāpeyya vā lomaṃ, sambādhe tassa dukkaṭaṃ.
2802.
2802.
чинд̣̇ад̇о д̣̇уггадам̣ вуд̇д̇ам̣, гзсз гад̇д̇аригааяа ваа;
Chindato dukkaṭaṃ vuttaṃ, kese kattarikāya vā;
аг̇илаанасса ан̃н̃зна, чинд̣̇аабзнд̇асса ваа д̇ат̇аа.
Agilānassa aññena, chindāpentassa vā tathā.
2803.
2803.
чинд̣̇ад̇о ад̇д̇ано ан̇г̇а-ж̇аад̇ам̣ т̇уллажжаяам̣ сияаа;
Chindato attano aṅga-jātaṃ thullaccayaṃ siyā;
сзсан̇г̇ачзд̣̇анз ад̇д̇а-вад̇хз аабад̇д̇и д̣̇уггадам̣.
Sesaṅgachedane atta-vadhe āpatti dukkaṭaṃ.
2804.
2804.
ахигийдаад̣̇ид̣̇адтасса, д̇аад̣̇исааб̣аад̇хабажжаяаа;
Ahikīṭādidaṭṭhassa, tādisābādhapaccayā;
на д̣̇осо чинд̣̇ад̇о ан̇г̇ам̣, можзнд̇асса жа лохид̇ам̣.
Na doso chindato aṅgaṃ, mocentassa ca lohitaṃ.
2805.
2805.
абариссаавано маг̇г̇ам̣, сажз г̇ажчад̇и д̣̇уггадам̣;
Aparissāvano maggaṃ, sace gacchati dukkaṭaṃ;
яаажамаанасса ваа маг̇г̇з, д̇ат̇зваад̣̇ад̣̇ад̇оби д̇ам̣.
Yācamānassa vā magge, tathevādadatopi taṃ.
2806.
2806.
на бхун̃ж̇з на бивз наг̇г̇о, на каад̣̇з на жа сааяаяз;
Na bhuñje na pive naggo, na khāde na ca sāyaye;
на д̣̇ад̣̇з на жа г̇ан̣хзяяа, на г̇ажчзяяаби ан̃ж̇асам̣.
Na dade na ca gaṇheyya, na gaccheyyapi añjasaṃ.
2807.
2807.
ванд̣̇ид̇аб̣б̣ам̣ на наг̇г̇зна, ванд̣̇аабзд̇аб̣б̣амзва ваа;
Vanditabbaṃ na naggena, vandāpetabbameva vā;
баригаммам̣ на гаад̇аб̣б̣ам̣, на наг̇г̇зна жа гаараяз.
Parikammaṃ na kātabbaṃ, na naggena ca kāraye.
2808.
2808.
баригаммз бадижчаад̣̇ий, д̇иссо ж̇анд̇аагхараад̣̇игаа;
Parikamme paṭicchādī, tisso jantāgharādikā;
вуд̇д̇аа, вад̇т̇абадижчаад̣̇ий, саб̣б̣ад̇т̇а бана ваддад̇и.
Vuttā, vatthapaṭicchādī, sabbattha pana vaṭṭati.
2809.
2809.
яад̇т̇а гад̇т̇ажи бзл̣ааяам̣, бхун̃ж̇ид̇ум̣ на жа ваддад̇и;
Yattha katthaci peḷāyaṃ, bhuñjituṃ na ca vaṭṭati;
згад̇о бхун̃ж̇ад̇о ход̇и, д̣̇уггадам̣ згабхааж̇анз.
Ekato bhuñjato hoti, dukkaṭaṃ ekabhājane.
2810.
2810.
згабаавуран̣аа зга-д̇т̇аран̣аа ваа нибаж̇ж̇арз;
Ekapāvuraṇā eka-ttharaṇā vā nipajjare;
згаман̃жзби ваа д̇зсам̣, ход̇и аабад̇д̇и д̣̇уггадам̣.
Ekamañcepi vā tesaṃ, hoti āpatti dukkaṭaṃ.
2811.
2811.
на нисийд̣̇зяяа сан̇гхаади-баллад̇т̇игамубааг̇ад̇о;
Na nisīdeyya saṅghāṭi-pallatthikamupāgato;
гин̃жи гийл̣ам̣ на гийл̣зяяа, балид̇ам̣ на жа г̇аахаяз.
Kiñci kīḷaṃ na kīḷeyya, palitaṃ na ca gāhaye.
2812.
2812.
бхамугааяа налаадз ваа, д̣̇аатигааяаби уг̇г̇ад̇ам̣;
Bhamukāya nalāṭe vā, dāṭhikāyapi uggataṃ;
д̇аад̣̇исам̣ балид̇ам̣ жан̃н̃ам̣, г̇аахаабзд̇умби ваддад̇и.
Tādisaṃ palitaṃ caññaṃ, gāhāpetumpi vaṭṭati.
2813.
2813.
аг̇илаано сажз бхигку, чад̇д̇ам̣ д̇хаарзяяа д̣̇уггадам̣;
Agilāno sace bhikkhu, chattaṃ dhāreyya dukkaṭaṃ;
ад̇д̇ано жийвараад̣̇ийнам̣, г̇уд̇д̇ад̇т̇ам̣ бана ваддад̇и.
Attano cīvarādīnaṃ, guttatthaṃ pana vaṭṭati.
2814.
2814.
хад̇т̇исон̣д̣ам̣ жад̇угган̣н̣ам̣, васанам̣ мажчаваал̣агам̣;
Hatthisoṇḍaṃ catukkaṇṇaṃ, vasanaṃ macchavāḷakaṃ;
взллияам̣ д̇аалаван̣дан̃жа, ниваасзнд̇асса д̣̇уггадам̣.
Velliyaṃ tālavaṇṭañca, nivāsentassa dukkaṭaṃ.
2815.
2815.
г̇ахибаарубанам̣ вааби, баарубанд̇асса д̣̇уггадам̣;
Gahipārupanaṃ vāpi, pārupantassa dukkaṭaṃ;
ниваасанз баарубанз, бариман̣д̣алад̇аа мад̇аа.
Nivāsane pārupane, parimaṇḍalatā matā.
2816.
2816.
логааяад̇ам̣ на ваажзяяа, на жа д̇ам̣ барияаабун̣з;
Lokāyataṃ na vāceyya, na ca taṃ pariyāpuṇe;
на д̇иражчаанавиж̇ж̇аа ваа, ваажзд̇аб̣б̣аава бхигкунаа.
Na tiracchānavijjā vā, vācetabbāva bhikkhunā.
2817.
2817.
на жа ваддад̇и д̇хаарзд̇ум̣, саб̣б̣аа жаамариб̣ийж̇аний;
Na ca vaṭṭati dhāretuṃ, sabbā cāmaribījanī;
на жаалимбзяяа д̣̇ааяам̣ ваа, на жа лан̃ж̇з мукамби жа.
Na cālimpeyya dāyaṃ vā, na ca lañje mukhampi ca.
2818.
2818.
на вахз убхад̇огааж̇ам̣, ваддад̇анд̇арагааж̇агам̣;
Na vahe ubhatokājaṃ, vaṭṭatantarakājakaṃ;
сийсагканд̇хагадоламб̣а-бхаарз д̣̇осо на виж̇ж̇ад̇и.
Sīsakkhandhakaṭolamba-bhāre doso na vijjati.
2819.
2819.
адтан̇г̇улаад̣̇игам̣ бхигку, бажчимам̣ жад̇уран̇г̇улаа;
Aṭṭhaṅgulādikaṃ bhikkhu, pacchimaṃ caturaṅgulā;
каад̣̇ад̇о д̣̇анд̇агадтан̃жа, ход̇и аабад̇д̇и д̣̇уггадам̣.
Khādato dantakaṭṭhañca, hoti āpatti dukkaṭaṃ.
2820.
2820.
ругкам̣ нзваабхируухзяяа, гижжз сад̇иби борисам̣;
Rukkhaṃ nevābhirūheyya, kicce satipi porisaṃ;
аабад̣̇аасу яат̇аагаамам̣, ваддад̇зваабхируухид̇ум̣.
Āpadāsu yathākāmaṃ, vaṭṭatevābhirūhituṃ.
2821.
2821.
ласун̣ам̣ на жа каад̣̇зяяа, сажз наагаллаго сияаа;
Lasuṇaṃ na ca khādeyya, sace nākallako siyā;
нааробзд̇аб̣б̣агам̣ б̣уд̣̇д̇ха-важанам̣ ан̃н̃ат̇аа бана.
Nāropetabbakaṃ buddha-vacanaṃ aññathā pana.
2822.
2822.
кибид̇зна жа вад̇д̇аб̣б̣ам̣, ‘‘ж̇ийваа’’д̇и, г̇ихинаа буна;
Khipitena ca vattabbaṃ, ‘‘jīvā’’ti, gihinā puna;
‘‘ж̇ийват̇аа’’д̇и жа вуд̇д̇зна, ‘‘жирам̣ ж̇ийваа’’д̇и ваддад̇и.
‘‘Jīvathā’’ti ca vuttena, ‘‘ciraṃ jīvā’’ti vaṭṭati.
2823.
2823.
сааман̣зрам̣ г̇ахадтам̣ ваа, аагодзнд̇асса д̣̇уггадам̣;
Sāmaṇeraṃ gahaṭṭhaṃ vā, ākoṭentassa dukkaṭaṃ;
саяанз бубпасам̣гин̣н̣з, на ваддад̇и нибаж̇ж̇ид̇ум̣.
Sayane pupphasaṃkiṇṇe, na vaṭṭati nipajjituṃ.
2824.
2824.
курабхан̣д̣ам̣ на г̇ан̣хзяяа, сажз нхаабид̇абуб̣б̣аго;
Khurabhaṇḍaṃ na gaṇheyya, sace nhāpitapubbako;
на жа д̇хааран̣ияаа ун̣хий, саб̣б̣аа б̣аахираломигаа.
Na ca dhāraṇiyā uṇhī, sabbā bāhiralomikā.
2825.
2825.
ан̇г̇арааг̇ам̣ гаронд̇асса, д̣̇уггадам̣ самуд̣̇ийрид̇ам̣;
Aṅgarāgaṃ karontassa, dukkaṭaṃ samudīritaṃ;
агааяаб̣анд̇ханассааби, г̇аамам̣ бависад̇оби жа.
Akāyabandhanassāpi, gāmaṃ pavisatopi ca.
2826.
2826.
лохаж̇ам̣ д̣̇ааруж̇ам̣ саб̣б̣ам̣, габбияам̣ мад̇д̇игаамаяам̣;
Lohajaṃ dārujaṃ sabbaṃ, kappiyaṃ mattikāmayaṃ;
винаа сад̇т̇ан̃жа бад̇д̇ан̃жа, гад̇агам̣ гумбхагааригам̣.
Vinā satthañca pattañca, katakaṃ kumbhakārikaṃ.
куд̣̇д̣̇агавад̇т̇угканд̇хагагат̇аа.
Khuddakavatthukkhandhakakathā.
