| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੧੨. ਖੋਮਦੁਸ੍ਸਸੁਤ੍ਤવਣ੍ਣਨਾ
12. Khomadussasuttavaṇṇanā
੨੦੮. ਦ੍વਾਦਸਮੇ ਖੋਮਦੁਸ੍ਸਂ ਨਾਮਾਤਿ ਖੋਮਦੁਸ੍ਸਾਨਂ ਉਸ੍ਸਨ੍ਨਤ੍ਤਾ ਏવਂਲਦ੍ਧਨਾਮਂ। ਸਭਾਯਨ੍ਤਿ ਸਾਲਾਯਂ। ਫੁਸਾਯਤੀਤਿ ਫੁਸਿਤਾਨਿ ਮੁਞ੍ਚਤਿ વਸ੍ਸਤਿ। ਸਤ੍ਥਾ ਕਿਰ ਤਂ ਸਭਂ ਉਪਸਙ੍ਕਮਿਤੁਕਾਮੋ – ‘‘ਮਯਿ ਏવਮੇવਂ ਉਪਸਙ੍ਕਮਨ੍ਤੇ ਅਫਾਸੁਕਧਾਤੁਕਂ ਹੋਤਿ, ਏਕਂ ਕਾਰਣਂ ਪਟਿਚ੍ਚ ਉਪਸਙ੍ਕਮਿਸ੍ਸਾਮੀ’’ਤਿ ਅਧਿਟ੍ਠਾਨવਸੇਨ વੁਟ੍ਠਿਂ ਉਪ੍ਪਾਦੇਸਿ। ਸਭਾਧਮ੍ਮਨ੍ਤਿ ਸੁਖਨਿਸਿਨ੍ਨੇ ਕਿਰ ਅਸਞ੍ਚਾਲੇਤ੍વਾ ਏਕਪਸ੍ਸੇਨ ਪવਿਸਨਂ ਤੇਸਂ ਸਭਾਧਮ੍ਮੋ ਨਾਮ, ਨ ਮਹਾਜਨਂ ਚਾਲੇਤ੍વਾ ਉਜੁਕਮੇવ ਪવਿਸਨਂ। ਭਗવਾ ਚ ਉਜੁਕਮੇવ ਆਗਚ੍ਛਤਿ, ਤੇਨ ਤੇ ਕੁਪਿਤਾ ਭਗવਨ੍ਤਂ ਹੀਲ਼ੇਨ੍ਤਾ ‘‘ਕੇ ਚ ਮੁਣ੍ਡਕਾ ਸਮਣਕਾ, ਕੇ ਚ ਸਭਾਧਮ੍ਮਂ ਜਾਨਿਸ੍ਸਨ੍ਤੀ’’ਤਿ ਆਹਂਸੁ। ਸਨ੍ਤੋਤਿ ਪਣ੍ਡਿਤਾ ਸਪ੍ਪੁਰਿਸਾ। ਪਹਾਯਾਤਿ ਏਤੇ ਰਾਗਾਦਯੋ ਜਹਿਤ੍વਾ ਰਾਗਾਦਿવਿਨਯਾਯ ਧਮ੍ਮਂ ਭਣਨ੍ਤਿ, ਤਸ੍ਮਾ ਤੇ ਸਨ੍ਤੋ ਨਾਮਾਤਿ। ਦ੍વਾਦਸਮਂ।
208. Dvādasame khomadussaṃ nāmāti khomadussānaṃ ussannattā evaṃladdhanāmaṃ. Sabhāyanti sālāyaṃ. Phusāyatīti phusitāni muñcati vassati. Satthā kira taṃ sabhaṃ upasaṅkamitukāmo – ‘‘mayi evamevaṃ upasaṅkamante aphāsukadhātukaṃ hoti, ekaṃ kāraṇaṃ paṭicca upasaṅkamissāmī’’ti adhiṭṭhānavasena vuṭṭhiṃ uppādesi. Sabhādhammanti sukhanisinne kira asañcāletvā ekapassena pavisanaṃ tesaṃ sabhādhammo nāma, na mahājanaṃ cāletvā ujukameva pavisanaṃ. Bhagavā ca ujukameva āgacchati, tena te kupitā bhagavantaṃ hīḷentā ‘‘ke ca muṇḍakā samaṇakā, ke ca sabhādhammaṃ jānissantī’’ti āhaṃsu. Santoti paṇḍitā sappurisā. Pahāyāti ete rāgādayo jahitvā rāgādivinayāya dhammaṃ bhaṇanti, tasmā te santo nāmāti. Dvādasamaṃ.
ਉਪਾਸਕવਗ੍ਗੋ ਦੁਤਿਯੋ।
Upāsakavaggo dutiyo.
ਇਤਿ ਸਾਰਤ੍ਥਪ੍ਪਕਾਸਿਨਿਯਾ
Iti sāratthappakāsiniyā
ਸਂਯੁਤ੍ਤਨਿਕਾਯ-ਅਟ੍ਠਕਥਾਯ
Saṃyuttanikāya-aṭṭhakathāya
ਬ੍ਰਾਹ੍ਮਣਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।
Brāhmaṇasaṃyuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੨. ਖੋਮਦੁਸ੍ਸਸੁਤ੍ਤਂ • 12. Khomadussasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੨. ਖੋਮਦੁਸ੍ਸਸੁਤ੍ਤવਣ੍ਣਨਾ • 12. Khomadussasuttavaṇṇanā
