| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
១០. ខោមទាយកត្ថេរអបទានំ
10. Khomadāyakattheraapadānaṃ
១៨៤.
184.
‘‘នគរេ ពន្ធុមតិយា, អហោសិំ វាណិជោ តទា;
‘‘Nagare bandhumatiyā, ahosiṃ vāṇijo tadā;
តេនេវ ទារំ បោសេមិ, រោបេមិ ពីជសម្បទំ។
Teneva dāraṃ posemi, ropemi bījasampadaṃ.
១៨៥.
185.
‘‘រថិយំ បដិបន្នស្ស, វិបស្សិស្ស មហេសិនោ;
‘‘Rathiyaṃ paṭipannassa, vipassissa mahesino;
ឯកំ ខោមំ មយា ទិន្នំ, កុសលត្ថាយ សត្ថុនោ។
Ekaṃ khomaṃ mayā dinnaṃ, kusalatthāya satthuno.
១៨៦.
186.
‘‘ឯកនវុតិតោ កប្បេ, យំ ខោមមទទិំ តទា;
‘‘Ekanavutito kappe, yaṃ khomamadadiṃ tadā;
ទុគ្គតិំ នាភិជានាមិ, ខោមទានស្សិទំ ផលំ។
Duggatiṃ nābhijānāmi, khomadānassidaṃ phalaṃ.
១៨៧.
187.
សត្តរតនសម្បន្នោ, ចតុទីបម្ហិ ឥស្សរោ។
Sattaratanasampanno, catudīpamhi issaro.
១៨៨.
188.
‘‘បដិសម្ភិទា ចតស្សោ, វិមោក្ខាបិ ច អដ្ឋិមេ;
‘‘Paṭisambhidā catasso, vimokkhāpi ca aṭṭhime;
ឆឡភិញ្ញា សច្ឆិកតា, កតំ ពុទ្ធស្ស សាសនំ’’។
Chaḷabhiññā sacchikatā, kataṃ buddhassa sāsanaṃ’’.
ឥត្ថំ សុទំ អាយស្មា ខោមទាយកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā khomadāyako thero imā gāthāyo abhāsitthāti.
ខោមទាយកត្ថេរស្សាបទានំ ទសមំ។
Khomadāyakattherassāpadānaṃ dasamaṃ.
តស្សុទ្ទានំ –
Tassuddānaṃ –
សុសូតិ ឧបវានោ ច, សរណោ សីលគាហកោ;
Susūti upavāno ca, saraṇo sīlagāhako;
អន្នសំសាវកោ ខោមទាយី ច, ទសេវ តតិយេ គណេ;
Annasaṃsāvako khomadāyī ca, daseva tatiye gaṇe;
អញ្ជលី ខោមទាយី ច, ទសេវ តតិយេ គណេ;
Añjalī khomadāyī ca, daseva tatiye gaṇe;
បញ្ចាលីសីតិសតំ វុត្តា, គាថាយោ សព្ពបិណ្ឌិតា។
Pañcālīsītisataṃ vuttā, gāthāyo sabbapiṇḍitā.
សុភូតិវគ្គោ តតិយោ។
Subhūtivaggo tatiyo.
ចតុត្ថភាណវារំ។
Catutthabhāṇavāraṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១០. ខោមទាយកត្ថេរអបទានវណ្ណនា • 10. Khomadāyakattheraapadānavaṇṇanā
