| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੭. ਖੇਮਸੁਤ੍ਤવਣ੍ਣਨਾ
7. Khemasuttavaṇṇanā
੪੯. ਸਤ੍ਤਮੇ વੁਤ੍ਥਬ੍ਰਹ੍ਮਚਰਿਯવਾਸੋਤਿ ਨਿવੁਤ੍ਥਬ੍ਰਹ੍ਮਚਰਿਯવਾਸੋ। ਕਤਕਰਣੀਯੋਤਿ ਏਤ੍ਥ ਕਰਣੀਯਨ੍ਤਿ ਪਰਿਞ੍ਞਾਪਹਾਨਭਾવਨਾਸਚ੍ਛਿਕਿਰਿਯਮਾਹ। ਤਂ ਪਨ ਯਸ੍ਮਾ ਚਤੂਹਿ ਮਗ੍ਗੇਹਿ ਪਚ੍ਚੇਕਂ ਚਤੂਸੁ ਸਚ੍ਚੇਸੁ ਕਤ੍ਤਬ੍ਬਤ੍ਤਾ ਸੋਲ਼ਸવਿਧਂ વੇਦਿਤਬ੍ਬਂ। ਤੇਨਾਹ ‘‘ਚਤੂਹਿ ਮਗ੍ਗੇਹਿ ਕਤ੍ਤਬ੍ਬ’’ਨ੍ਤਿ। ਖਨ੍ਧਕਿਲੇਸਅਭਿਸਙ੍ਖਾਰਸਙ੍ਖਾਤਾ ਤਯੋ ਓਸੀਦਾਪਨਟ੍ਠੇਨ ਭਾਰਾ વਿਯਾਤਿ ਭਾਰਾ। ਤੇ ਓਹਿਤਾ ਓਰੋਪਿਤਾ ਨਿਕ੍ਖਿਤ੍ਤਾ ਪਾਤਿਤਾ ਏਤੇਨਾਤਿ ਓਹਿਤਭਾਰੋ। ਤੇਨਾਹ ‘‘ਖਨ੍ਧਭਾਰਂ…ਪੇ॰… ਓਤਾਰੇਤ੍વਾ ਠਿਤੋ’’ਤਿ। ਅਨੁਪ੍ਪਤ੍ਤੋ ਸਦਤ੍ਥਨ੍ਤਿ ਅਨੁਪ੍ਪਤ੍ਤਸਦਤ੍ਥੋ। ਸਦਤ੍ਥੋਤਿ ਚ ਸਕਤ੍ਥਮਾਹ ਕ-ਕਾਰਸ੍ਸ ਦ-ਕਾਰਂ ਕਤ੍વਾ। ਏਤ੍ਥ ਹਿ ਅਰਹਤ੍ਤਂ ਅਤ੍ਤਨੋ ਯੋਨਿਸੋਮਨਸਿਕਾਰਾਯਤ੍ਤਤ੍ਤਾ ਅਤ੍ਤੂਪਨਿਬਨ੍ਧਟ੍ਠੇਨ ਸਸਨ੍ਤਾਨਪਰਿਯਾਪਨ੍ਨਤ੍ਤਾ ਅਤ੍ਤਾਨਂ ਅવਿਜਹਨਟ੍ਠੇਨ ਅਤ੍ਤਨੋ ਉਤ੍ਤਮਤ੍ਥੇਨ ਚ ਅਤ੍ਤਨੋ ਅਤ੍ਥਤ੍ਤਾ ‘‘ਸਕਤ੍ਥੋ’’ਤਿ વੁਚ੍ਚਤਿ। ਤੇਨਾਹ ‘‘ਸਦਤ੍ਥੋ વੁਚ੍ਚਤਿ ਅਰਹਤ੍ਤ’’ਨ੍ਤਿ। ਸਮ੍ਮਦਞ੍ਞਾ વਿਮੁਤ੍ਤੋਤਿ ਸਮ੍ਮਾ ਅਞ੍ਞਾਯ વਿਮੁਤ੍ਤੋ, ਅਚ੍ਛਿਨ੍ਨਭੂਤਾਯ ਮਗ੍ਗਪਞ੍ਞਾਯ ਸਮ੍ਮਾ ਯਥਾਭੂਤਂ ਦੁਕ੍ਖਾਦੀਸੁ ਯੋ ਯਥਾ ਜਾਨਿਤਬ੍ਬੋ, ਤਥਾ ਜਾਨਿਤ੍વਾ વਿਮੁਤ੍ਤੋਤਿ ਅਤ੍ਥੋ। ਤੇਨਾਹ ‘‘ਸਮ੍ਮਾ ਹੇਤੁਨਾ’’ਤਿਆਦਿ। વਿਮੁਤ੍ਤੋਤਿ ਚ ਦ੍વੇ વਿਮੁਤ੍ਤਿਯੋ ਸਬ੍ਬਸ੍ਸ ਚਿਤ੍ਤਸਂਕਿਲੇਸਸ੍ਸ ਮਗ੍ਗੋ ਨਿਬ੍ਬਾਨਾਧਿਮੁਤ੍ਤਿ ਚ। ਨਿਬ੍ਬਾਨੇ ਅਧਿਮੁਚ੍ਚਨਂ ਤਤ੍ਥ ਨਿਨ੍ਨਪੋਣਪਬ੍ਭਾਰਤਾਯ। ਅਰਹਾ ਸਬ੍ਬਕਿਲੇਸੇਹਿ વਿਮੁਤ੍ਤਚਿਤ੍ਤਤ੍ਤਾ ਚਿਤ੍ਤવਿਮੁਤ੍ਤਿਯਾ વਿਮੁਤ੍ਤੋ। ਨਿਬ੍ਬਾਨਂ ਅਧਿਮੁਤ੍ਤਤ੍ਤਾ ਨਿਬ੍ਬਾਨੇ વਿਮੁਤ੍ਤੋ। ਸੇਸਮੇਤ੍ਥ ਉਤ੍ਤਾਨਮੇવ।
49. Sattame vutthabrahmacariyavāsoti nivutthabrahmacariyavāso. Katakaraṇīyoti ettha karaṇīyanti pariññāpahānabhāvanāsacchikiriyamāha. Taṃ pana yasmā catūhi maggehi paccekaṃ catūsu saccesu kattabbattā soḷasavidhaṃ veditabbaṃ. Tenāha ‘‘catūhi maggehi kattabba’’nti. Khandhakilesaabhisaṅkhārasaṅkhātā tayo osīdāpanaṭṭhena bhārā viyāti bhārā. Te ohitā oropitā nikkhittā pātitā etenāti ohitabhāro. Tenāha ‘‘khandhabhāraṃ…pe… otāretvā ṭhito’’ti. Anuppatto sadatthanti anuppattasadattho. Sadatthoti ca sakatthamāha ka-kārassa da-kāraṃ katvā. Ettha hi arahattaṃ attano yonisomanasikārāyattattā attūpanibandhaṭṭhena sasantānapariyāpannattā attānaṃ avijahanaṭṭhena attano uttamatthena ca attano atthattā ‘‘sakattho’’ti vuccati. Tenāha ‘‘sadattho vuccati arahatta’’nti. Sammadaññā vimuttoti sammā aññāya vimutto, acchinnabhūtāya maggapaññāya sammā yathābhūtaṃ dukkhādīsu yo yathā jānitabbo, tathā jānitvā vimuttoti attho. Tenāha ‘‘sammā hetunā’’tiādi. Vimuttoti ca dve vimuttiyo sabbassa cittasaṃkilesassa maggo nibbānādhimutti ca. Nibbāne adhimuccanaṃ tattha ninnapoṇapabbhāratāya. Arahā sabbakilesehi vimuttacittattā cittavimuttiyā vimutto. Nibbānaṃ adhimuttattā nibbāne vimutto. Sesamettha uttānameva.
ਖੇਮਸੁਤ੍ਤવਣ੍ਣਨਾ ਨਿਟ੍ਠਿਤਾ।
Khemasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਖੇਮਸੁਤ੍ਤਂ • 7. Khemasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੭. ਖੇਮਸੁਤ੍ਤવਣ੍ਣਨਾ • 7. Khemasuttavaṇṇanā
