| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၄. ခတ္တိယသုတ္တဝဏ္ဏနာ
4. Khattiyasuttavaṇṇanā
၁၄. ခေတ္တတော ဝိဝာဒာ သတ္တေ တာယတီတိ ခတ္တိယော။ ဝဒတိ ဒေဝတာ အတ္တနော အဇ္ဈာသယဝသေန။ ဒ္ဝိပဒာဒီနန္တိ အာဒိ-သဒ္ဒေန စတုပ္ပဒဘရိယပုတ္တာ ဂဟိတာ။ ဗုဒ္ဓာဒယောတိ အာဒိ-သဒ္ဒေန အာဇာနီယသုသ္သူသဘရိယသ္သဝပုတ္တာ။ ဒ္ဝိပဒာနံ သေဋ္ဌောတိ ဧတ္ထ ဒ္ဝိပဒာနံ ဧဝ သေဋ္ဌောတိ နာယံ နိယမော ဣစ္ဆိတော, သေဋ္ဌော ဧဝာတိ ပန ဣစ္ဆိတော, တသ္မာ သမ္ဗုဒ္ဓော ဒ္ဝိပဒေသု အညေသု တတ္ထ စ ဥပ္ပဇ္ဇနတော သေဋ္ဌော ဧဝ သဗ္ဗေသမ္ပိ ဥတ္တရိတရသ္သ အဘာဝတောတိ အယမေတ္ထ အတ္ထော။ တေနာဟ ‘‘ဥပ္ပဇ္ဇမာနော ပနေသာ’’တိအာဒိ။ ကာရဏာကာရဏံ အာဇာနာတီတိ အာဇာနီယော။ ဂဏ္ဟာပေထာတိ ယထာ ဥဒကော န တေမိသ္သတိ, ဧဝံ ဝာဠံ ဂဏ္ဟာပေထ။ ‘‘အသုသ္သူသာ’’တိ ကေစိ ပဌန္တိ။ အာသုဏမာနောတိ သပ္ပဋိသ္သဝော ဟုတ္ဝာ ဝစနသမ္ပဋိစ္ဆကော။
14. Khettato vivādā satte tāyatīti khattiyo. Vadati devatā attano ajjhāsayavasena. Dvipadādīnanti ādi-saddena catuppadabhariyaputtā gahitā. Buddhādayoti ādi-saddena ājānīyasussūsabhariyassavaputtā. Dvipadānaṃ seṭṭhoti ettha dvipadānaṃ eva seṭṭhoti nāyaṃ niyamo icchito, seṭṭho evāti pana icchito, tasmā sambuddho dvipadesu aññesu tattha ca uppajjanato seṭṭho eva sabbesampi uttaritarassa abhāvatoti ayamettha attho. Tenāha ‘‘uppajjamāno panesā’’tiādi. Kāraṇākāraṇaṃ ājānātīti ājānīyo. Gaṇhāpethāti yathā udako na temissati, evaṃ vāḷaṃ gaṇhāpetha. ‘‘Asussūsā’’ti keci paṭhanti. Āsuṇamānoti sappaṭissavo hutvā vacanasampaṭicchako.
ခတ္တိယသုတ္တဝဏ္ဏနာ နိဋ္ဌိတာ။
Khattiyasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၄. ခတ္တိယသုတ္တံ • 4. Khattiyasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄. ခတ္တိယသုတ္တဝဏ္ဏနာ • 4. Khattiyasuttavaṇṇanā
