| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੦. ਖਨ੍ਧਸੁਤ੍ਤਂ
10. Khandhasuttaṃ
੩੧੧. ਸਾવਤ੍ਥਿਨਿਦਾਨਂ। ‘‘ਰੂਪਂ, ਭਿਕ੍ਖવੇ, ਅਨਿਚ੍ਚਂ વਿਪਰਿਣਾਮਿ ਅਞ੍ਞਥਾਭਾવਿ; વੇਦਨਾ ਅਨਿਚ੍ਚਾ વਿਪਰਿਣਾਮੀ ਅਞ੍ਞਥਾਭਾવੀ; ਸਞ੍ਞਾ… ਸਙ੍ਖਾਰਾ ਅਨਿਚ੍ਚਾ વਿਪਰਿਣਾਮਿਨੋ ਅਞ੍ਞਥਾਭਾવਿਨੋ; વਿਞ੍ਞਾਣਂ ਅਨਿਚ੍ਚਂ વਿਪਰਿਣਾਮਿ ਅਞ੍ਞਥਾਭਾવਿ । ਯੋ, ਭਿਕ੍ਖવੇ, ਇਮੇ ਧਮ੍ਮੇ ਏવਂ ਸਦ੍ਦਹਤਿ ਅਧਿਮੁਚ੍ਚਤਿ, ਅਯਂ વੁਚ੍ਚਤਿ ਸਦ੍ਧਾਨੁਸਾਰੀ, ਓਕ੍ਕਨ੍ਤੋ ਸਮ੍ਮਤ੍ਤਨਿਯਾਮਂ , ਸਪ੍ਪੁਰਿਸਭੂਮਿਂ ਓਕ੍ਕਨ੍ਤੋ, વੀਤਿવਤ੍ਤੋ ਪੁਥੁਜ੍ਜਨਭੂਮਿਂ; ਅਭਬ੍ਬੋ ਤਂ ਕਮ੍ਮਂ ਕਾਤੁਂ, ਯਂ ਕਮ੍ਮਂ ਕਤ੍વਾ ਨਿਰਯਂ વਾ ਤਿਰਚ੍ਛਾਨਯੋਨਿਂ વਾ ਪੇਤ੍ਤਿવਿਸਯਂ વਾ ਉਪਪਜ੍ਜੇਯ੍ਯ; ਅਭਬ੍ਬੋ ਚ ਤਾવ ਕਾਲਂ ਕਾਤੁਂ ਯਾવ ਨ ਸੋਤਾਪਤ੍ਤਿਫਲਂ ਸਚ੍ਛਿਕਰੋਤਿ’’।
311. Sāvatthinidānaṃ. ‘‘Rūpaṃ, bhikkhave, aniccaṃ vipariṇāmi aññathābhāvi; vedanā aniccā vipariṇāmī aññathābhāvī; saññā… saṅkhārā aniccā vipariṇāmino aññathābhāvino; viññāṇaṃ aniccaṃ vipariṇāmi aññathābhāvi . Yo, bhikkhave, ime dhamme evaṃ saddahati adhimuccati, ayaṃ vuccati saddhānusārī, okkanto sammattaniyāmaṃ , sappurisabhūmiṃ okkanto, vītivatto puthujjanabhūmiṃ; abhabbo taṃ kammaṃ kātuṃ, yaṃ kammaṃ katvā nirayaṃ vā tiracchānayoniṃ vā pettivisayaṃ vā upapajjeyya; abhabbo ca tāva kālaṃ kātuṃ yāva na sotāpattiphalaṃ sacchikaroti’’.
‘‘ਯਸ੍ਸ ਖੋ, ਭਿਕ੍ਖવੇ, ਇਮੇ ਧਮ੍ਮਾ ਏવਂ ਪਞ੍ਞਾਯ ਮਤ੍ਤਸੋ ਨਿਜ੍ਝਾਨਂ ਖਮਨ੍ਤਿ, ਅਯਂ વੁਚ੍ਚਤਿ – ‘ਧਮ੍ਮਾਨੁਸਾਰੀ, ਓਕ੍ਕਨ੍ਤੋ ਸਮ੍ਮਤ੍ਤਨਿਯਾਮਂ, ਸਪ੍ਪੁਰਿਸਭੂਮਿਂ ਓਕ੍ਕਨ੍ਤੋ, વੀਤਿવਤ੍ਤੋ ਪੁਥੁਜ੍ਜਨਭੂਮਿਂ; ਅਭਬ੍ਬੋ ਤਂ ਕਮ੍ਮਂ ਕਾਤੁਂ, ਯਂ ਕਮ੍ਮਂ ਕਤ੍વਾ ਨਿਰਯਂ વਾ ਤਿਰਚ੍ਛਾਨਯੋਨਿਂ વਾ ਪੇਤ੍ਤਿવਿਸਯਂ વਾ ਉਪਪਜ੍ਜੇਯ੍ਯ; ਅਭਬ੍ਬੋ ਚ ਤਾવ ਕਾਲਂ ਕਾਤੁਂ ਯਾવ ਨ ਸੋਤਾਪਤ੍ਤਿਫਲਂ ਸਚ੍ਛਿਕਰੋਤਿ’। ਯੋ, ਭਿਕ੍ਖવੇ, ਇਮੇ ਧਮ੍ਮੇ ਏવਂ ਪਜਾਨਾਤਿ ਏવਂ ਪਸ੍ਸਤਿ, ਅਯਂ વੁਚ੍ਚਤਿ – ‘ਸੋਤਾਪਨ੍ਨੋ ਅવਿਨਿਪਾਤਧਮ੍ਮੋ ਨਿਯਤੋ ਸਮ੍ਬੋਧਿਪਰਾਯਨੋ’’’ਤਿ। ਦਸਮਂ।
‘‘Yassa kho, bhikkhave, ime dhammā evaṃ paññāya mattaso nijjhānaṃ khamanti, ayaṃ vuccati – ‘dhammānusārī, okkanto sammattaniyāmaṃ, sappurisabhūmiṃ okkanto, vītivatto puthujjanabhūmiṃ; abhabbo taṃ kammaṃ kātuṃ, yaṃ kammaṃ katvā nirayaṃ vā tiracchānayoniṃ vā pettivisayaṃ vā upapajjeyya; abhabbo ca tāva kālaṃ kātuṃ yāva na sotāpattiphalaṃ sacchikaroti’. Yo, bhikkhave, ime dhamme evaṃ pajānāti evaṃ passati, ayaṃ vuccati – ‘sotāpanno avinipātadhammo niyato sambodhiparāyano’’’ti. Dasamaṃ.
ਤਸ੍ਸੁਦ੍ਦਾਨਂ –
Tassuddānaṃ –
ਚਕ੍ਖੁ ਰੂਪਞ੍ਚ વਿਞ੍ਞਾਣਂ, ਫਸ੍ਸੋ ਚ વੇਦਨਾਯ ਚ।
Cakkhu rūpañca viññāṇaṃ, phasso ca vedanāya ca;
ਸਞ੍ਞਾ ਚ ਚੇਤਨਾ ਤਣ੍ਹਾ, ਧਾਤੁ ਖਨ੍ਧੇਨ ਤੇ ਦਸਾਤਿ॥
Saññā ca cetanā taṇhā, dhātu khandhena te dasāti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧-੧੦. ਚਕ੍ਖੁਸੁਤ੍ਤਾਦਿવਣ੍ਣਨਾ • 1-10. Cakkhusuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧-੧੦. ਚਕ੍ਖੁਸੁਤ੍ਤਾਦਿવਣ੍ਣਨਾ • 1-10. Cakkhusuttādivaṇṇanā
