| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੫. ਉਪ੍ਪਾਦਸਂਯੁਤ੍ਤਂ
5. Uppādasaṃyuttaṃ
੧. ਚਕ੍ਖੁਸੁਤ੍ਤਂ
1. Cakkhusuttaṃ
੩੧੨. ਸਾવਤ੍ਥਿਨਿਦਾਨਂ । ‘‘ਯੋ ਖੋ, ਭਿਕ੍ਖવੇ, ਚਕ੍ਖੁਸ੍ਸ ਉਪ੍ਪਾਦੋ ਠਿਤਿ ਅਭਿਨਿਬ੍ਬਤ੍ਤਿ ਪਾਤੁਭਾવੋ, ਦੁਕ੍ਖਸ੍ਸੇਸੋ ਉਪ੍ਪਾਦੋ, ਰੋਗਾਨਂ ਠਿਤਿ, ਜਰਾਮਰਣਸ੍ਸ ਪਾਤੁਭਾવੋ। ਯੋ ਸੋਤਸ੍ਸ ਉਪ੍ਪਾਦੋ ਠਿਤਿ…ਪੇ॰… ਯੋ ਘਾਨਸ੍ਸ ਉਪ੍ਪਾਦੋ ਠਿਤਿ… ਯੋ ਜਿવ੍ਹਾਯ ਉਪ੍ਪਾਦੋ ਠਿਤਿ… ਯੋ ਕਾਯਸ੍ਸ ਉਪ੍ਪਾਦੋ ਠਿਤਿ… ਯੋ ਮਨਸ੍ਸ ਉਪ੍ਪਾਦੋ ਠਿਤਿ ਅਭਿਨਿਬ੍ਬਤ੍ਤਿ ਪਾਤੁਭਾવੋ, ਦੁਕ੍ਖਸ੍ਸੇਸੋ ਉਪ੍ਪਾਦੋ, ਰੋਗਾਨਂ ਠਿਤਿ, ਜਰਾਮਰਣਸ੍ਸ ਪਾਤੁਭਾવੋ। ਯੋ ਚ, ਭਿਕ੍ਖવੇ, ਚਕ੍ਖੁਸ੍ਸ ਨਿਰੋਧੋ વੂਪਸਮੋ ਅਤ੍ਥਙ੍ਗਮੋ, ਦੁਕ੍ਖਸ੍ਸੇਸੋ ਨਿਰੋਧੋ, ਰੋਗਾਨਂ વੂਪਸਮੋ, ਜਰਾਮਰਣਸ੍ਸ ਅਤ੍ਥਙ੍ਗਮੋ। ਯੋ ਸੋਤਸ੍ਸ ਨਿਰੋਧੋ…ਪੇ॰… ਯੋ ਘਾਨਸ੍ਸ ਨਿਰੋਧੋ… ਯੋ ਜਿવ੍ਹਾਯ ਨਿਰੋਧੋ… ਯੋ ਕਾਯਸ੍ਸ ਨਿਰੋਧੋ… ਯੋ ਮਨਸ੍ਸ ਨਿਰੋਧੋ વੂਪਸਮੋ ਅਤ੍ਥਙ੍ਗਮੋ, ਦੁਕ੍ਖਸ੍ਸੇਸੋ ਨਿਰੋਧੋ, ਰੋਗਾਨਂ વੂਪਸਮੋ, ਜਰਾਮਰਣਸ੍ਸ ਅਤ੍ਥਙ੍ਗਮੋ’’ਤਿ। ਪਠਮਂ।
312. Sāvatthinidānaṃ . ‘‘Yo kho, bhikkhave, cakkhussa uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo. Yo sotassa uppādo ṭhiti…pe… yo ghānassa uppādo ṭhiti… yo jivhāya uppādo ṭhiti… yo kāyassa uppādo ṭhiti… yo manassa uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo. Yo ca, bhikkhave, cakkhussa nirodho vūpasamo atthaṅgamo, dukkhasseso nirodho, rogānaṃ vūpasamo, jarāmaraṇassa atthaṅgamo. Yo sotassa nirodho…pe… yo ghānassa nirodho… yo jivhāya nirodho… yo kāyassa nirodho… yo manassa nirodho vūpasamo atthaṅgamo, dukkhasseso nirodho, rogānaṃ vūpasamo, jarāmaraṇassa atthaṅgamo’’ti. Paṭhamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫. ਉਪ੍ਪਾਦਸਂਯੁਤ੍ਤવਣ੍ਣਨਾ • 5. Uppādasaṃyuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫. ਉਪ੍ਪਾਦਸਂਯੁਤ੍ਤવਣ੍ਣਨਾ • 5. Uppādasaṃyuttavaṇṇanā
