| Library / Tipiṭaka / д̇ибидага • Tipiṭaka / суд̇д̇анибаад̇абаал̣и • Suttanipātapāḷi |
3. каг̇г̇ависаан̣асуд̇д̇ам̣
3. Khaggavisāṇasuttaṃ
35.
35.
саб̣б̣зсу бхууд̇зсу нид̇хааяа д̣̇ан̣д̣ам̣, авихзтаяам̣ ан̃н̃ад̇арамби д̇зсам̣;
Sabbesu bhūtesu nidhāya daṇḍaṃ, aviheṭhayaṃ aññatarampi tesaṃ;
на буд̇д̇амижчзяяа гуд̇о сахааяам̣, зго жарз каг̇г̇ависаан̣агаббо.
Na puttamiccheyya kuto sahāyaṃ, eko care khaggavisāṇakappo.
36.
36.
сам̣саг̇г̇аж̇аад̇асса бхаванд̇и снзхаа, снзханваяам̣ д̣̇угкамид̣̇ам̣ баход̇и;
Saṃsaggajātassa bhavanti snehā, snehanvayaṃ dukkhamidaṃ pahoti;
аад̣̇ийнавам̣ снзхаж̇ам̣ бзгкамаано, зго жарз каг̇г̇ависаан̣агаббо.
Ādīnavaṃ snehajaṃ pekkhamāno, eko care khaggavisāṇakappo.
37.
37.
мид̇д̇з сухаж̇ж̇з анугамбамаано, хаабзд̇и ад̇т̇ам̣ бадиб̣ад̣̇д̇хажид̇д̇о;
Mitte suhajje anukampamāno, hāpeti atthaṃ paṭibaddhacitto;
зд̇ам̣ бхаяам̣ сант̇авз 1 бзгкамаано, зго жарз каг̇г̇ависаан̣агаббо.
Etaṃ bhayaṃ santhave 2 pekkhamāno, eko care khaggavisāṇakappo.
38.
38.
вам̣со висаалова яат̇аа висад̇д̇о, буд̇д̇зсу д̣̇аарзсу жа яаа абзгкаа;
Vaṃso visālova yathā visatto, puttesu dāresu ca yā apekkhā;
вам̣саггал̣ийрова 3 саж̇ж̇амаано, зго жарз каг̇г̇ависаан̣агаббо.
Vaṃsakkaḷīrova 4 sajjamāno, eko care khaggavisāṇakappo.
39.
39.
миг̇о аран̃н̃амхи яат̇аа аб̣ад̣̇д̇хо 5, язнижчагам̣ г̇ажчад̇и г̇ожарааяа;
Migo araññamhi yathā abaddho 6, yenicchakaṃ gacchati gocarāya;
вин̃н̃уу наро сзрид̇ам̣ бзгкамаано, зго жарз каг̇г̇ависаан̣агаббо.
Viññū naro seritaṃ pekkhamāno, eko care khaggavisāṇakappo.
40.
40.
ааманд̇анаа ход̇и сахааяамаж̇жхз, ваасз таанз г̇аманз жааригааяа;
Āmantanā hoti sahāyamajjhe, vāse ṭhāne gamane cārikāya;
анабхиж̇жхид̇ам̣ сзрид̇ам̣ бзгкамаано, зго жарз каг̇г̇ависаан̣агаббо.
Anabhijjhitaṃ seritaṃ pekkhamāno, eko care khaggavisāṇakappo.
41.
41.
кид̣д̣аа рад̇ий ход̇и сахааяамаж̇жхз, буд̇д̇зсу жа вибулам̣ ход̇и бзмам̣;
Khiḍḍā ratī hoti sahāyamajjhe, puttesu ca vipulaṃ hoti pemaṃ;
бияавиббаяог̇ам̣ виж̇иг̇ужчамаано, зго жарз каг̇г̇ависаан̣агаббо.
Piyavippayogaṃ vijigucchamāno, eko care khaggavisāṇakappo.
42.
42.
жаад̇уд̣̇д̣̇исо аббадигхо жа ход̇и, санд̇уссамаано ид̇арийд̇арзна;
Cātuddiso appaṭigho ca hoti, santussamāno itarītarena;
бариссаяаанам̣ сахид̇аа ачамбхий, зго жарз каг̇г̇ависаан̣агаббо.
Parissayānaṃ sahitā achambhī, eko care khaggavisāṇakappo.
43.
43.
д̣̇уссан̇г̇ахаа баб̣б̣аж̇ид̇ааби згз, ат̇о г̇ахадтаа гхарамаавасанд̇аа;
Dussaṅgahā pabbajitāpi eke, atho gahaṭṭhā gharamāvasantā;
аббоссугго барабуд̇д̇зсу худ̇ваа, зго жарз каг̇г̇ависаан̣агаббо.
Appossukko paraputtesu hutvā, eko care khaggavisāṇakappo.
44.
44.
чзд̇ваана вийро г̇ихиб̣анд̇ханаани, зго жарз каг̇г̇ависаан̣агаббо.
Chetvāna vīro gihibandhanāni, eko care khaggavisāṇakappo.
45.
45.
сажз лабхзт̇а нибагам̣ сахааяам̣, сад̣̇д̇хим̣ жарам̣ саад̇хувихаарид̇хийрам̣;
Sace labhetha nipakaṃ sahāyaṃ, saddhiṃ caraṃ sādhuvihāridhīraṃ;
абхибхуяяа саб̣б̣аани бариссаяаани, жарзяяа д̇знад̇д̇амано сад̇иймаа.
Abhibhuyya sabbāni parissayāni, careyya tenattamano satīmā.
46.
46.
но жз лабхзт̇а нибагам̣ сахааяам̣, сад̣̇д̇хим̣ жарам̣ саад̇хувихаарид̇хийрам̣;
No ce labhetha nipakaṃ sahāyaṃ, saddhiṃ caraṃ sādhuvihāridhīraṃ;
рааж̇аава радтам̣ виж̇ид̇ам̣ бахааяа, зго жарз маад̇ан̇г̇аран̃н̃зва нааг̇о.
Rājāva raṭṭhaṃ vijitaṃ pahāya, eko care mātaṅgaraññeva nāgo.
47.
47.
ад̣̇д̇хаа басам̣саама сахааяасамбад̣̇ам̣, сздтаа самаа сзвид̇аб̣б̣аа сахааяаа;
Addhā pasaṃsāma sahāyasampadaṃ, seṭṭhā samā sevitabbā sahāyā;
зд̇з алад̣̇д̇хаа анаваж̇ж̇абхож̇ий, зго жарз каг̇г̇ависаан̣агаббо.
Ete aladdhā anavajjabhojī, eko care khaggavisāṇakappo.
48.
48.
д̣̇исваа суван̣н̣асса бабхассараани, гаммаарабуд̇д̇зна сунидтид̇аани;
Disvā suvaṇṇassa pabhassarāni, kammāraputtena suniṭṭhitāni;
сан̇гхаддамаанаани д̣̇увз бхуж̇асмим̣, зго жарз каг̇г̇ависаан̣агаббо.
Saṅghaṭṭamānāni duve bhujasmiṃ, eko care khaggavisāṇakappo.
49.
49.
звам̣ д̣̇уд̇иязна 11 сахаа мамасса, ваажаабхилаабо абхисаж̇ж̇анаа ваа;
Evaṃ dutiyena 12 sahā mamassa, vācābhilāpo abhisajjanā vā;
зд̇ам̣ бхаяам̣ ааяад̇им̣ бзгкамаано, зго жарз каг̇г̇ависаан̣агаббо.
Etaṃ bhayaṃ āyatiṃ pekkhamāno, eko care khaggavisāṇakappo.
50.
50.
гаамаа хи жид̇раа мад̇хураа манорамаа, вируубаруубзна мат̇знд̇и жид̇д̇ам̣;
Kāmā hi citrā madhurā manoramā, virūparūpena mathenti cittaṃ;
аад̣̇ийнавам̣ гаамаг̇ун̣зсу д̣̇исваа, зго жарз каг̇г̇ависаан̣агаббо.
Ādīnavaṃ kāmaguṇesu disvā, eko care khaggavisāṇakappo.
51.
51.
ийд̇ий жа г̇ан̣д̣о жа убад̣̇д̣̇аво жа, рог̇о жа саллан̃жа бхаяан̃жа мзд̇ам̣;
Ītī ca gaṇḍo ca upaddavo ca, rogo ca sallañca bhayañca metaṃ;
зд̇ам̣ бхаяам̣ гаамаг̇ун̣зсу д̣̇исваа, зго жарз каг̇г̇ависаан̣агаббо.
Etaṃ bhayaṃ kāmaguṇesu disvā, eko care khaggavisāṇakappo.
52.
52.
сийд̇ан̃жа ун̣хан̃жа куд̣̇ам̣ бибаасам̣, ваад̇аад̇абз д̣ам̣сасарийсабз 13 жа;
Sītañca uṇhañca khudaṃ pipāsaṃ, vātātape ḍaṃsasarīsape 14 ca;
саб̣б̣аанибзд̇аани абхисамбхавид̇ваа, зго жарз каг̇г̇ависаан̣агаббо.
Sabbānipetāni abhisambhavitvā, eko care khaggavisāṇakappo.
53.
53.
нааг̇ова яуут̇аани виваж̇ж̇аяид̇ваа, сан̃ж̇аад̇аканд̇хо бад̣̇умий ул̣ааро;
Nāgova yūthāni vivajjayitvā, sañjātakhandho padumī uḷāro;
яат̇аабхиранд̇ам̣ вихарам̣ 15 аран̃н̃з, зго жарз каг̇г̇ависаан̣агаббо.
Yathābhirantaṃ viharaṃ 16 araññe, eko care khaggavisāṇakappo.
54.
54.
адтаанад̇ам̣ сан̇г̇ан̣игаарад̇асса, яам̣ пассаяз 17 саамаяигам̣ вимуд̇д̇им̣;
Aṭṭhānataṃ saṅgaṇikāratassa, yaṃ phassaye 18 sāmayikaṃ vimuttiṃ;
аад̣̇ижжаб̣анд̇хусса важо нисамма, зго жарз каг̇г̇ависаан̣агаббо.
Ādiccabandhussa vaco nisamma, eko care khaggavisāṇakappo.
55.
55.
д̣̇идтийвисуугаани убаад̇ивад̇д̇о, бад̇д̇о нияаамам̣ бадилад̣̇д̇хамаг̇г̇о;
Diṭṭhīvisūkāni upātivatto, patto niyāmaṃ paṭiladdhamaggo;
уббаннан̃аан̣омхи анан̃н̃анзяяо, зго жарз каг̇г̇ависаан̣агаббо.
Uppannañāṇomhi anaññaneyyo, eko care khaggavisāṇakappo.
56.
56.
ниллолубо ниггухо ниббибаасо, ниммагко нид̣̇д̇ханд̇агасаавамохо;
Nillolupo nikkuho nippipāso, nimmakkho niddhantakasāvamoho;
нираасаяо 19 саб̣б̣алогз бхавид̇ваа, зго жарз каг̇г̇ависаан̣агаббо.
Nirāsayo 20 sabbaloke bhavitvā, eko care khaggavisāṇakappo.
57.
57.
баабам̣ сахааяам̣ бариваж̇ж̇аязт̇а, анад̇т̇ад̣̇ассим̣ висамз нивидтам̣;
Pāpaṃ sahāyaṃ parivajjayetha, anatthadassiṃ visame niviṭṭhaṃ;
саяам̣ на сзвз басуд̇ам̣ бамад̇д̇ам̣, зго жарз каг̇г̇ависаан̣агаббо.
Sayaṃ na seve pasutaṃ pamattaṃ, eko care khaggavisāṇakappo.
58.
58.
б̣ахуссуд̇ам̣ д̇хаммад̇харам̣ бхаж̇зт̇а, мид̇д̇ам̣ ул̣аарам̣ бадибхаанаванд̇ам̣;
Bahussutaṃ dhammadharaṃ bhajetha, mittaṃ uḷāraṃ paṭibhānavantaṃ;
ан̃н̃ааяа ад̇т̇аани винзяяа ган̇кам̣, зго жарз каг̇г̇ависаан̣агаббо.
Aññāya atthāni vineyya kaṅkhaṃ, eko care khaggavisāṇakappo.
59.
59.
кид̣д̣ам̣ рад̇им̣ гаамасукан̃жа логз, аналан̇гарид̇ваа анабзгкамаано;
Khiḍḍaṃ ratiṃ kāmasukhañca loke, analaṅkaritvā anapekkhamāno;
вибхуусанадтаанаа вирад̇о сажжаваад̣̇ий, зго жарз каг̇г̇ависаан̣агаббо.
Vibhūsanaṭṭhānā virato saccavādī, eko care khaggavisāṇakappo.
60.
60.
буд̇д̇ан̃жа д̣̇аарам̣ бид̇аран̃жа маад̇арам̣, д̇ханаани д̇хан̃н̃аани жа б̣анд̇хаваани 21;
Puttañca dāraṃ pitarañca mātaraṃ, dhanāni dhaññāni ca bandhavāni 22;
хид̇ваана гаамаани яат̇од̇хигаани, зго жарз каг̇г̇ависаан̣агаббо.
Hitvāna kāmāni yathodhikāni, eko care khaggavisāṇakappo.
61.
61.
сан̇г̇о зсо барид̇д̇амзд̇т̇а сокяам̣, аббассаад̣̇о д̣̇угкамзд̇т̇а бхияяо;
Saṅgo eso parittamettha sokhyaṃ, appassādo dukkhamettha bhiyyo;
г̇ал̣о зсо ид̇и н̃ад̇ваа муд̇иймаа 23, зго жарз каг̇г̇ависаан̣агаббо.
Gaḷo eso iti ñatvā mutīmā 24, eko care khaggavisāṇakappo.
62.
62.
санд̣̇аалаяид̇ваана 25 сам̣яож̇анаани, ж̇аалам̣ва бхзд̇ваа салиламб̣ужаарий;
Sandālayitvāna 26 saṃyojanāni, jālaṃva bhetvā salilambucārī;
аг̇г̇ийва д̣̇ад̣дхам̣ анивад̇д̇амаано, зго жарз каг̇г̇ависаан̣агаббо.
Aggīva daḍḍhaṃ anivattamāno, eko care khaggavisāṇakappo.
63.
63.
огкид̇д̇ажагкуу на жа баад̣̇алоло, г̇уд̇д̇инд̣̇рияо рагкид̇амаанасаано;
Okkhittacakkhū na ca pādalolo, guttindriyo rakkhitamānasāno;
анавассуд̇о абарид̣аяхамаано, зго жарз каг̇г̇ависаан̣агаббо.
Anavassuto apariḍayhamāno, eko care khaggavisāṇakappo.
64.
64.
охаараяид̇ваа г̇ихиб̣яан̃ж̇анаани, сан̃чаннабад̇д̇о 27 яат̇аа бааричад̇д̇о;
Ohārayitvā gihibyañjanāni, sañchannapatto 28 yathā pārichatto;
гаасааяавад̇т̇о абхинигкамид̇ваа, зго жарз каг̇г̇ависаан̣агаббо.
Kāsāyavattho abhinikkhamitvā, eko care khaggavisāṇakappo.
65.
65.
расзсу г̇зд̇хам̣ агарам̣ алоло, анан̃н̃абосий сабад̣̇аанажаарий;
Rasesu gedhaṃ akaraṃ alolo, anaññaposī sapadānacārī;
гулз гулз аббадиб̣ад̣̇д̇хажид̇д̇о 29, зго жарз каг̇г̇ависаан̣агаббо.
Kule kule appaṭibaddhacitto 30, eko care khaggavisāṇakappo.
66.
66.
бахааяа бан̃жааваран̣аани жзд̇асо, убаггилзсз б̣яабануж̇ж̇а саб̣б̣з;
Pahāya pañcāvaraṇāni cetaso, upakkilese byapanujja sabbe;
67.
67.
вибидтигад̇ваана сукам̣ д̣̇укан̃жа, буб̣б̣зва жа соманассад̣̇оманассам̣;
Vipiṭṭhikatvāna sukhaṃ dukhañca, pubbeva ca somanassadomanassaṃ;
лад̣̇д̇хаанубзгкам̣ самат̇ам̣ висуд̣̇д̇хам̣, зго жарз каг̇г̇ависаан̣агаббо.
Laddhānupekkhaṃ samathaṃ visuddhaṃ, eko care khaggavisāṇakappo.
68.
68.
аарад̣̇д̇хавийрияо барамад̇т̇абад̇д̇ияаа, алийнажид̇д̇о агусийд̇авуд̇д̇и;
Āraddhavīriyo paramatthapattiyā, alīnacitto akusītavutti;
д̣̇ал̣ханиггамо т̇аамаб̣алуубабанно, зго жарз каг̇г̇ависаан̣агаббо.
Daḷhanikkamo thāmabalūpapanno, eko care khaggavisāṇakappo.
69.
69.
бадисаллаанам̣ жхаанамарин̃жамаано, д̇хаммзсу нижжам̣ ануд̇хаммажаарий;
Paṭisallānaṃ jhānamariñcamāno, dhammesu niccaṃ anudhammacārī;
аад̣̇ийнавам̣ саммасид̇аа бхавзсу, зго жарз каг̇г̇ависаан̣агаббо.
Ādīnavaṃ sammasitā bhavesu, eko care khaggavisāṇakappo.
70.
70.
д̇ан̣хагкаяам̣ бад̇т̇аяамаббамад̇д̇о, анзл̣амууг̇о 35 суд̇аваа сад̇иймаа;
Taṇhakkhayaṃ patthayamappamatto, aneḷamūgo 36 sutavā satīmā;
сан̇каад̇ад̇хаммо нияад̇о бад̇хаанаваа, зго жарз каг̇г̇ависаан̣агаббо.
Saṅkhātadhammo niyato padhānavā, eko care khaggavisāṇakappo.
71.
71.
сийхова сад̣̇д̣̇зсу асанд̇асанд̇о, ваад̇ова ж̇ааламхи асаж̇ж̇амаано;
Sīhova saddesu asantasanto, vātova jālamhi asajjamāno;
бад̣̇умам̣ва д̇оязна алиббамаано 37, зго жарз каг̇г̇ависаан̣агаббо.
Padumaṃva toyena alippamāno 38, eko care khaggavisāṇakappo.
72.
72.
сийхо яат̇аа д̣̇аатаб̣алий басаяха, рааж̇аа миг̇аанам̣ абхибхуяяа жаарий;
Sīho yathā dāṭhabalī pasayha, rājā migānaṃ abhibhuyya cārī;
сзвзт̇а банд̇аани сзнаасанаани, зго жарз каг̇г̇ависаан̣агаббо.
Sevetha pantāni senāsanāni, eko care khaggavisāṇakappo.
73.
73.
мзд̇д̇ам̣ убзгкам̣ гарун̣ам̣ вимуд̇д̇им̣, аасзвамаано муд̣̇ид̇ан̃жа гаалз;
Mettaṃ upekkhaṃ karuṇaṃ vimuttiṃ, āsevamāno muditañca kāle;
саб̣б̣зна логзна авируж̇жхамаано, зго жарз каг̇г̇ависаан̣агаббо.
Sabbena lokena avirujjhamāno, eko care khaggavisāṇakappo.
74.
74.
рааг̇ан̃жа д̣̇осан̃жа бахааяа мохам̣, санд̣̇аалаяид̇ваана сам̣яож̇анаани;
Rāgañca dosañca pahāya mohaṃ, sandālayitvāna saṃyojanāni;
асанд̇асам̣ ж̇ийвид̇асан̇каяамхи, зго жарз каг̇г̇ависаан̣агаббо.
Asantasaṃ jīvitasaṅkhayamhi, eko care khaggavisāṇakappo.
75.
75.
бхаж̇анд̇и сзванд̇и жа гааран̣ад̇т̇аа, ниггааран̣аа д̣̇уллабхаа аж̇ж̇а мид̇д̇аа;
Bhajanti sevanti ca kāraṇatthā, nikkāraṇā dullabhā ajja mittā;
ад̇д̇адтабан̃н̃аа асужий мануссаа, зго жарз каг̇г̇ависаан̣агаббо.
Attaṭṭhapaññā asucī manussā, eko care khaggavisāṇakappo.
каг̇г̇ависаан̣асуд̇д̇ам̣ д̇ад̇ияам̣ нидтид̇ам̣.
Khaggavisāṇasuttaṃ tatiyaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / суд̇д̇анибаад̇а-адтагат̇аа • Suttanipāta-aṭṭhakathā / 3. каг̇г̇ависаан̣асуд̇д̇аван̣н̣анаа • 3. Khaggavisāṇasuttavaṇṇanā
