| Library / Tipiṭaka / д̇ибидага • Tipiṭaka / суд̇д̇анибаад̇абаал̣и • Suttanipātapāḷi |
4. гасибхаарад̣̇вааж̇асуд̇д̇ам̣
4. Kasibhāradvājasuttaṃ
звам̣ мз суд̇ам̣ – згам̣ самаяам̣ бхаг̇аваа маг̇ад̇хзсу вихарад̇и д̣̇агкин̣ааг̇ирисмим̣ 1 зганаал̣ааяам̣ б̣раахман̣аг̇аамз. д̇зна ко бана самаязна гасибхаарад̣̇вааж̇асса б̣раахман̣асса бан̃жамад̇д̇аани нан̇г̇аласад̇аани баяуд̇д̇аани хонд̇и ваббагаалз. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна гасибхаарад̣̇вааж̇асса б̣раахман̣асса гамманд̇о д̇знубасан̇гами. д̇зна ко бана самаязна гасибхаарад̣̇вааж̇асса б̣раахман̣асса баривзсанаа вад̇д̇ад̇и. ат̇а ко бхаг̇аваа язна баривзсанаа д̇знубасан̇гами; убасан̇гамид̇ваа згаманд̇ам̣ адтааси.
Evaṃ me sutaṃ – ekaṃ samayaṃ bhagavā magadhesu viharati dakkhiṇāgirismiṃ 2 ekanāḷāyaṃ brāhmaṇagāme. Tena kho pana samayena kasibhāradvājassa brāhmaṇassa pañcamattāni naṅgalasatāni payuttāni honti vappakāle. Atha kho bhagavā pubbaṇhasamayaṃ nivāsetvā pattacīvaramādāya yena kasibhāradvājassa brāhmaṇassa kammanto tenupasaṅkami. Tena kho pana samayena kasibhāradvājassa brāhmaṇassa parivesanā vattati. Atha kho bhagavā yena parivesanā tenupasaṅkami; upasaṅkamitvā ekamantaṃ aṭṭhāsi.
ад̣̇д̣̇асаа ко гасибхаарад̣̇вааж̇о б̣раахман̣о бхаг̇аванд̇ам̣ бин̣д̣ааяа тид̇ам̣. д̣̇исваана бхаг̇аванд̇ам̣ зд̇ад̣̇авожа – ‘‘ахам̣ ко, саман̣а, гасаами жа вабаами жа; гасид̇ваа жа вабид̇ваа жа бхун̃ж̇аами. д̇вамби, саман̣а, гасассу жа вабассу жа; гасид̇ваа жа вабид̇ваа жа бхун̃ж̇ассуу’’д̇и.
Addasā kho kasibhāradvājo brāhmaṇo bhagavantaṃ piṇḍāya ṭhitaṃ. Disvāna bhagavantaṃ etadavoca – ‘‘ahaṃ kho, samaṇa, kasāmi ca vapāmi ca; kasitvā ca vapitvā ca bhuñjāmi. Tvampi, samaṇa, kasassu ca vapassu ca; kasitvā ca vapitvā ca bhuñjassū’’ti.
‘‘ахамби ко, б̣раахман̣а, гасаами жа вабаами жа; гасид̇ваа жа вабид̇ваа жа бхун̃ж̇аамий’’д̇и. ‘‘на ко бана маяам̣ 3 бассаама бход̇о г̇од̇амасса яуг̇ам̣ ваа нан̇г̇алам̣ ваа паалам̣ ваа баажанам̣ ваа б̣алиб̣ад̣̇д̣̇з 4 ваа. ат̇а жа бана бхавам̣ г̇од̇амо звамааха – ‘ахамби ко, б̣раахман̣а, гасаами жа вабаами жа; гасид̇ваа жа вабид̇ваа жа бхун̃ж̇аамий’’’д̇и.
‘‘Ahampi kho, brāhmaṇa, kasāmi ca vapāmi ca; kasitvā ca vapitvā ca bhuñjāmī’’ti. ‘‘Na kho pana mayaṃ 5 passāma bhoto gotamassa yugaṃ vā naṅgalaṃ vā phālaṃ vā pācanaṃ vā balibadde 6 vā. Atha ca pana bhavaṃ gotamo evamāha – ‘ahampi kho, brāhmaṇa, kasāmi ca vapāmi ca; kasitvā ca vapitvā ca bhuñjāmī’’’ti.
ат̇а ко гасибхаарад̣̇вааж̇о б̣раахман̣о бхаг̇аванд̇ам̣ г̇аат̇ааяа аж̇жхабхааси –
Atha kho kasibhāradvājo brāhmaṇo bhagavantaṃ gāthāya ajjhabhāsi –
76.
76.
‘‘гассаго бадиж̇аанааси, на жа бассаама д̇з гасим̣;
‘‘Kassako paṭijānāsi, na ca passāma te kasiṃ;
гасим̣ но бужчид̇о б̣руухи, яат̇аа ж̇аанзму д̇з гасим̣’’.
Kasiṃ no pucchito brūhi, yathā jānemu te kasiṃ’’.
77.
77.
‘‘сад̣̇д̇хаа б̣ийж̇ам̣ д̇або вудти, бан̃н̃аа мз яуг̇анан̇г̇алам̣;
‘‘Saddhā bījaṃ tapo vuṭṭhi, paññā me yuganaṅgalaṃ;
хирий ийсаа мано яод̇д̇ам̣, сад̇и мз паалабаажанам̣.
Hirī īsā mano yottaṃ, sati me phālapācanaṃ.
78.
78.
‘‘гааяаг̇уд̇д̇о важийг̇уд̇д̇о, аахаарз уд̣̇арз яад̇о;
‘‘Kāyagutto vacīgutto, āhāre udare yato;
сажжам̣ гароми нид̣̇д̣̇аанам̣, соражжам̣ мз баможанам̣.
Saccaṃ karomi niddānaṃ, soraccaṃ me pamocanaṃ.
79.
79.
‘‘вийрияам̣ мз д̇хурад̇хораяхам̣, яог̇агкзмаад̇хивааханам̣;
‘‘Vīriyaṃ me dhuradhorayhaṃ, yogakkhemādhivāhanaṃ;
г̇ажчад̇и анивад̇д̇анд̇ам̣, яад̇т̇а г̇анд̇ваа на сожад̇и.
Gacchati anivattantaṃ, yattha gantvā na socati.
80.
80.
‘‘звамзсаа гасий гадтаа, саа ход̇и амад̇абпалаа;
‘‘Evamesā kasī kaṭṭhā, sā hoti amatapphalā;
зд̇ам̣ гасим̣ гасид̇ваана, саб̣б̣ад̣̇угкаа бамужжад̇ий’’д̇и.
Etaṃ kasiṃ kasitvāna, sabbadukkhā pamuccatī’’ti.
81.
81.
‘‘г̇аат̇аабхиг̇ийд̇ам̣ мз абхож̇анзяяам̣, самбассад̇ам̣ б̣раахман̣а нзса д̇хаммо;
‘‘Gāthābhigītaṃ me abhojaneyyaṃ, sampassataṃ brāhmaṇa nesa dhammo;
г̇аат̇аабхиг̇ийд̇ам̣ бануд̣̇анд̇и б̣уд̣̇д̇хаа, д̇хаммз сад̇ий б̣раахман̣а вуд̇д̇ирзсаа.
Gāthābhigītaṃ panudanti buddhā, dhamme satī brāhmaṇa vuttiresā.
82.
82.
‘‘ан̃н̃зна жа гзвалинам̣ махзсим̣, кийн̣аасавам̣ гуггужжавуубасанд̇ам̣;
‘‘Aññena ca kevalinaṃ mahesiṃ, khīṇāsavaṃ kukkuccavūpasantaṃ;
аннзна баанзна убадтахассу, кзд̇д̇ам̣ хи д̇ам̣ бун̃н̃абзгкасса ход̇ий’’д̇и.
Annena pānena upaṭṭhahassu, khettaṃ hi taṃ puññapekkhassa hotī’’ti.
‘‘ат̇а гасса жаахам̣, бхо г̇од̇ама, имам̣ бааяасам̣ д̣̇аммий’’д̇и? ‘‘на кваахам̣ д̇ам̣, б̣раахман̣а, бассаами сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа, яасса со бааяасо бхуд̇д̇о саммаа барин̣аамам̣ г̇ажчзяяа, ан̃н̃ад̇ра д̇ат̇ааг̇ад̇асса ваа д̇ат̇ааг̇ад̇асаавагасса ваа. д̇зна хи д̇вам̣, б̣раахман̣а, д̇ам̣ бааяасам̣ аббахарид̇з ваа чад̣д̣зхи аббаан̣агз ваа уд̣̇агз обилаабзхий’’д̇и.
‘‘Atha kassa cāhaṃ, bho gotama, imaṃ pāyasaṃ dammī’’ti? ‘‘Na khvāhaṃ taṃ, brāhmaṇa, passāmi sadevake loke samārake sabrahmake sassamaṇabrāhmaṇiyā pajāya sadevamanussāya, yassa so pāyaso bhutto sammā pariṇāmaṃ gaccheyya, aññatra tathāgatassa vā tathāgatasāvakassa vā. Tena hi tvaṃ, brāhmaṇa, taṃ pāyasaṃ appaharite vā chaḍḍehi appāṇake vā udake opilāpehī’’ti.
ат̇а ко гасибхаарад̣̇вааж̇о б̣раахман̣о д̇ам̣ бааяасам̣ аббаан̣агз уд̣̇агз обилаабзси. ат̇а ко со бааяасо уд̣̇агз багкид̇д̇о жижжидааяад̇и жидижидааяад̇и санд̇хуубааяад̇и самбад̇хуубааяад̇и 11. сзяяат̇ааби наама паало д̣̇ивасам̣ санд̇ад̇д̇о 12 уд̣̇агз багкид̇д̇о жижжидааяад̇и жидижидааяад̇и санд̇хуубааяад̇и самбад̇хуубааяад̇и; звамзва со бааяасо уд̣̇агз багкид̇д̇о жижжидааяад̇и жидижидааяад̇и санд̇хуубааяад̇и самбад̇хуубааяад̇и.
Atha kho kasibhāradvājo brāhmaṇo taṃ pāyasaṃ appāṇake udake opilāpesi. Atha kho so pāyaso udake pakkhitto cicciṭāyati ciṭiciṭāyati sandhūpāyati sampadhūpāyati 13. Seyyathāpi nāma phālo divasaṃ santatto 14 udake pakkhitto cicciṭāyati ciṭiciṭāyati sandhūpāyati sampadhūpāyati; evameva so pāyaso udake pakkhitto cicciṭāyati ciṭiciṭāyati sandhūpāyati sampadhūpāyati.
ат̇а ко гасибхаарад̣̇вааж̇о б̣раахман̣о сам̣виг̇г̇о ломахадтаж̇аад̇о язна бхаг̇аваа д̇знубасан̇гами; убасан̇гамид̇ваа бхаг̇авад̇о баад̣̇зсу сирасаа нибад̇ид̇ваа бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама, абхигганд̇ам̣ , бхо г̇од̇ама! сзяяат̇ааби, бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа, жагкуманд̇о руубаани д̣̇агканд̇ийд̇и 15; звамзвам̣ бход̇аа г̇од̇амзна анзгабарияааязна д̇хаммо багаасид̇о. зсаахам̣ бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа, лабхзяяаахам̣ бход̇о г̇од̇амасса санд̇игз баб̣б̣аж̇ж̇ам̣, лабхзяяам̣ убасамбад̣̇а’’нд̇и.
Atha kho kasibhāradvājo brāhmaṇo saṃviggo lomahaṭṭhajāto yena bhagavā tenupasaṅkami; upasaṅkamitvā bhagavato pādesu sirasā nipatitvā bhagavantaṃ etadavoca – ‘‘abhikkantaṃ, bho gotama, abhikkantaṃ , bho gotama! Seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya, cakkhumanto rūpāni dakkhantīti 16; evamevaṃ bhotā gotamena anekapariyāyena dhammo pakāsito. Esāhaṃ bhavantaṃ gotamaṃ saraṇaṃ gacchāmi dhammañca bhikkhusaṅghañca, labheyyāhaṃ bhoto gotamassa santike pabbajjaṃ, labheyyaṃ upasampada’’nti.
алад̇т̇а ко гасибхаарад̣̇вааж̇о б̣раахман̣о бхаг̇авад̇о санд̇игз баб̣б̣аж̇ж̇ам̣, алад̇т̇а убасамбад̣̇ам̣. ажируубасамбанно ко банааяасмаа бхаарад̣̇вааж̇о зго вуубагадто аббамад̇д̇о аад̇аабий бахид̇ад̇д̇о вихаранд̇о нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и, д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. ‘‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’’д̇и аб̣бхан̃н̃ааси. ан̃н̃ад̇аро жа 17 банааяасмаа бхаарад̣̇вааж̇о арахад̇ам̣ ахосийд̇и.
Alattha kho kasibhāradvājo brāhmaṇo bhagavato santike pabbajjaṃ, alattha upasampadaṃ. Acirūpasampanno kho panāyasmā bhāradvājo eko vūpakaṭṭho appamatto ātāpī pahitatto viharanto nacirasseva – yassatthāya kulaputtā sammadeva agārasmā anagāriyaṃ pabbajanti, tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi. ‘‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’’ti abbhaññāsi. Aññataro ca 18 panāyasmā bhāradvājo arahataṃ ahosīti.
гасибхаарад̣̇вааж̇асуд̇д̇ам̣ жад̇уд̇т̇ам̣ нидтид̇ам̣.
Kasibhāradvājasuttaṃ catutthaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / суд̇д̇анибаад̇а-адтагат̇аа • Suttanipāta-aṭṭhakathā / 4. гасибхаарад̣̇вааж̇асуд̇д̇аван̣н̣анаа • 4. Kasibhāradvājasuttavaṇṇanā
