| Library / Tipiṭaka / តិបិដក • Tipiṭaka / វិមានវត្ថុបាឡិ • Vimānavatthupāḷi |
១៧. កេសការីវិមានវត្ថុ
17. Kesakārīvimānavatthu
១៥០.
150.
‘‘ឥទំ វិមានំ រុចិរំ បភស្សរំ, វេឡុរិយថម្ភំ សតតំ សុនិម្មិតំ;
‘‘Idaṃ vimānaṃ ruciraṃ pabhassaraṃ, veḷuriyathambhaṃ satataṃ sunimmitaṃ;
សុវណ្ណរុក្ខេហិ សមន្តមោត្ថតំ, ឋានំ មមំ កម្មវិបាកសម្ភវំ។
Suvaṇṇarukkhehi samantamotthataṃ, ṭhānaṃ mamaṃ kammavipākasambhavaṃ.
១៥១.
151.
‘‘តត្រូបបន្នា បុរិមច្ឆរា ឥមា, សតំ សហស្សានិ សកេន កម្មុនា;
‘‘Tatrūpapannā purimaccharā imā, sataṃ sahassāni sakena kammunā;
តុវំសិ អជ្ឈុបគតា យសស្សិនី, ឱភាសយំ តិដ្ឋសិ បុព្ពទេវតា។
Tuvaṃsi ajjhupagatā yasassinī, obhāsayaṃ tiṭṭhasi pubbadevatā.
១៥២.
152.
‘‘សសី អធិគ្គយ្ហ យថា វិរោចតិ, នក្ខត្តរាជារិវ តារកាគណំ;
‘‘Sasī adhiggayha yathā virocati, nakkhattarājāriva tārakāgaṇaṃ;
តថេវ ត្វំ អច្ឆរាសង្គណំ 1 ឥមំ, ទទ្ទល្លមានា យសសា វិរោចសិ។
Tatheva tvaṃ accharāsaṅgaṇaṃ 2 imaṃ, daddallamānā yasasā virocasi.
១៥៣.
153.
‘‘កុតោ នុ អាគម្ម អនោមទស្សនេ, ឧបបន្នា ត្វំ ភវនំ មមំ ឥទំ;
‘‘Kuto nu āgamma anomadassane, upapannā tvaṃ bhavanaṃ mamaṃ idaṃ;
ព្រហ្មំវ ទេវា តិទសា សហិន្ទកា, សព្ពេ ន តប្បាមសេ ទស្សនេន ត’’ន្តិ។
Brahmaṃva devā tidasā sahindakā, sabbe na tappāmase dassanena ta’’nti.
១៥៤.
154.
‘‘យមេតំ សក្ក អនុបុច្ឆសេ មមំ, ‘កុតោ ចុតា ត្វំ ឥធ អាគតា’តិ 3;
‘‘Yametaṃ sakka anupucchase mamaṃ, ‘kuto cutā tvaṃ idha āgatā’ti 4;
ពារាណសី នាម បុរត្ថិ កាសិនំ, តត្ថ អហោសិំ បុរេ កេសការិកា។
Bārāṇasī nāma puratthi kāsinaṃ, tattha ahosiṃ pure kesakārikā.
១៥៥.
155.
‘‘ពុទ្ធេ ច ធម្មេ ច បសន្នមានសា, សង្ឃេ ច ឯកន្តគតា អសំសយា;
‘‘Buddhe ca dhamme ca pasannamānasā, saṅghe ca ekantagatā asaṃsayā;
អខណ្ឌសិក្ខាបទា អាគតប្ផលា, សម្ពោធិធម្មេ និយតា អនាមយា’’តិ។
Akhaṇḍasikkhāpadā āgatapphalā, sambodhidhamme niyatā anāmayā’’ti.
១៥៦.
156.
‘‘តន្ត្យាភិនន្ទាមសេ ស្វាគតញ្ច 5 តេ, ធម្មេន ច ត្វំ យសសា វិរោចសិ;
‘‘Tantyābhinandāmase svāgatañca 6 te, dhammena ca tvaṃ yasasā virocasi;
ពុទ្ធេ ច ធម្មេ ច បសន្នមានសេ, សង្ឃេ ច ឯកន្តគតេ អសំសយេ;
Buddhe ca dhamme ca pasannamānase, saṅghe ca ekantagate asaṃsaye;
អខណ្ឌសិក្ខាបទេ អាគតប្ផលេ, សម្ពោធិធម្មេ និយតេ អនាមយេ’’តិ។
Akhaṇḍasikkhāpade āgatapphale, sambodhidhamme niyate anāmaye’’ti.
កេសការីវិមានំ សត្តរសមំ។
Kesakārīvimānaṃ sattarasamaṃ.
បីឋវគ្គោ បឋមោ និដ្ឋិតោ។
Pīṭhavaggo paṭhamo niṭṭhito.
តស្សុទ្ទានំ –
Tassuddānaṃ –
បញ្ច បីឋា តយោ នាវា, ទីបតិលទក្ខិណា ទ្វេ;
Pañca pīṭhā tayo nāvā, dīpatiladakkhiṇā dve;
បតិ ទ្វេ សុណិសា ឧត្តរា, សិរិមា កេសការិកា;
Pati dve suṇisā uttarā, sirimā kesakārikā;
វគ្គោ តេន បវុច្ចតីតិ។
Vaggo tena pavuccatīti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / វិមានវត្ថុ-អដ្ឋកថា • Vimānavatthu-aṭṭhakathā / ១៧. កេសការីវិមានវណ្ណនា • 17. Kesakārīvimānavaṇṇanā
