| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
гаамааважарагусалам̣
Kāmāvacarakusalaṃ
гааяагаммад̣̇ваарагат̇ааван̣н̣анаа
Kāyakammadvārakathāvaṇṇanā
гаммад̣̇ваараананд̇иаад̣̇инаа багаасзд̇аб̣б̣асса саруубам̣ багаасанубааяан̃жа д̣̇ассзд̇и. нияад̇аруубаруубавасзнаад̇и д̇хаммасан̇г̇ахз нид̣̇д̣̇идтанияад̇аруубаруубавасзна. ан̃н̃ат̇аа гаммасамудтаанигагааяз хад̣̇аяавад̇т̇уби г̇ахзд̇аб̣б̣ам̣ сияаа. згасанд̇ад̇ибарияаабанно убаад̣̇иннагагааяо ид̇ха г̇ахид̇од̇и жагкааяад̇анаад̣̇ийд̇и вуд̇д̇зсу зго бхааво хад̣̇аяавад̇т̇у жа г̇ахид̇анд̇и на саггаа вад̇д̇ум̣ ‘‘жагкааяад̇анаад̣̇ийни ж̇ийвид̇абарияанд̇ааний’’д̇и саннивзсасса вибхаавид̇ад̇д̇аа.
Kammadvārānantiādinā pakāsetabbassa sarūpaṃ pakāsanupāyañca dasseti. Niyatarūparūpavasenāti dhammasaṅgahe niddiṭṭhaniyatarūparūpavasena. Aññathā kammasamuṭṭhānikakāye hadayavatthupi gahetabbaṃ siyā. Ekasantatipariyāpanno upādinnakakāyo idha gahitoti cakkhāyatanādīti vuttesu eko bhāvo hadayavatthu ca gahitanti na sakkā vattuṃ ‘‘cakkhāyatanādīni jīvitapariyantānī’’ti sannivesassa vibhāvitattā.
вибпанд̣̇амаанаван̣н̣аг̇г̇ахан̣аананд̇арам̣ вин̃н̃ад̇д̇иг̇г̇ахан̣асса ижчид̇ад̇д̇аа жаланаагаараава вааяод̇хаад̇у вин̃н̃ад̇д̇ивигаарасахид̇аад̇и гад̣̇аажи аасан̇гзяяаад̇и д̇аннивад̇д̇анад̇т̇ам̣ ‘‘батамаж̇аванасамудтид̇аа’’д̇и ааха. д̣̇зсанд̇аруббад̇д̇ихзд̇убхаавзна жаалзд̇унд̇и зд̇зна д̣̇зсанд̇аруббад̇д̇и жаланам̣, д̇ам̣нимид̇д̇з жа гад̇д̇убхааво убажарид̇од̇и д̣̇ассзд̇и, ан̃н̃ат̇аа кан̣игад̇аа аб̣яаабаарад̇аа жа д̇хаммаанам̣ на самбхавзяяаад̇и. д̇ад̣̇абхимукабхаававигааравад̇ийд̇и д̇ам̣д̣̇исамабхимуко д̇ад̣̇абхимуко, д̇асса бхааво д̇ад̣̇абхимукабхааво, со зва вигааро, д̇ам̣саман̇г̇иний вааяод̇хаад̇у д̇ад̣̇абхимукабхаававигааравад̇ий. ид̣̇аани д̇ад̣̇абхимукабхаававигаа расса вин̃н̃ад̇д̇ибхаавам̣ д̣̇ассзнд̇о ааха ‘‘ад̇хиббааяасахабхаавий’’д̇иаад̣̇и. зван̃жа гад̇ваад̇иаад̣̇инаа имиссаа ад̇т̇аван̣н̣анааяа лад̣̇д̇хаг̇ун̣ам̣ д̣̇ассзд̇и. д̇ад̇т̇а ааваж̇ж̇анассаад̇и манод̣̇ваарааваж̇ж̇анасса. яад̇о б̣аад̇д̇им̣саад̇иаад̣̇инаа д̇асса вин̃н̃ад̇д̇исамудтаабагад̇аа на саггаа бадисзд̇хзд̇унд̇и д̣̇ассзд̇и.
Vipphandamānavaṇṇaggahaṇānantaraṃ viññattiggahaṇassa icchitattā calanākārāva vāyodhātu viññattivikārasahitāti kadāci āsaṅkeyyāti tannivattanatthaṃ ‘‘paṭhamajavanasamuṭṭhitā’’ti āha. Desantaruppattihetubhāvena cāletunti etena desantaruppatti calanaṃ, taṃnimitte ca kattubhāvo upacaritoti dasseti, aññathā khaṇikatā abyāpāratā ca dhammānaṃ na sambhaveyyāti. Tadabhimukhabhāvavikāravatīti taṃdisamabhimukho tadabhimukho, tassa bhāvo tadabhimukhabhāvo, so eva vikāro, taṃsamaṅginī vāyodhātu tadabhimukhabhāvavikāravatī. Idāni tadabhimukhabhāvavikā rassa viññattibhāvaṃ dassento āha ‘‘adhippāyasahabhāvī’’tiādi. Evañca katvātiādinā imissā atthavaṇṇanāya laddhaguṇaṃ dasseti. Tattha āvajjanassāti manodvārāvajjanassa. Yato bāttiṃsātiādinā tassa viññattisamuṭṭhāpakatā na sakkā paṭisedhetunti dasseti.
бажжаяо бхавид̇ум̣ самад̇т̇од̇и зд̇зна яат̇аавуд̇д̇авааяод̇хаад̇уяаа т̇амбханажаланасан̇каад̇агижжанибпаад̣̇анз д̇асса аагаарависзсасса сахагаарийгааран̣абхаавамааха. анид̣̇ассанасаббадигхад̇аад̣̇аяо вияа махаабхууд̇аанам̣ авад̇т̇аависзсамад̇д̇ам̣ со аагаарависзсод̇и барамад̇т̇ад̇о на гин̃жи ход̇ийд̇и ‘‘барамад̇т̇ад̇о абхаавам̣ д̣̇ассзд̇ий’’д̇и ааха. барамад̇т̇ад̇о жид̇д̇асамудтаанабхааво бадисзд̇хид̇о. гаммасамудтаанаад̣̇ибхаавасса бана самбхавоязва над̇т̇ийд̇и яат̇аавуд̇д̇авигаарасса барамад̇т̇ад̇о саб̣бхаавз нагуд̇ожисамудтид̇ад̇д̇аа аббажжаяад̇д̇ам̣ аабаннам̣. на хи руубам̣ аббажжаяам̣ ад̇т̇и, аббажжаяад̇д̇з жа сад̇и нижжабхааво аабаж̇ж̇ад̇и, на жа ниб̣б̣аанаваж̇ж̇о ад̇т̇о сабхаавад̇хаммо нижжо ад̇т̇и. жид̇д̇асамудтаанабхааво вияаад̇и вин̃н̃ад̇д̇ияаа жид̇д̇асамудтаанаубаад̣̇ааруубабхааво убажаарасид̣̇д̇ход̇и д̣̇ассзд̇и.
Paccayo bhavituṃ samatthoti etena yathāvuttavāyodhātuyā thambhanacalanasaṅkhātakiccanipphādane tassa ākāravisesassa sahakārīkāraṇabhāvamāha. Anidassanasappaṭighatādayo viya mahābhūtānaṃ avatthāvisesamattaṃ so ākāravisesoti paramatthato na kiñci hotīti ‘‘paramatthato abhāvaṃ dassetī’’ti āha. Paramatthato cittasamuṭṭhānabhāvo paṭisedhito. Kammasamuṭṭhānādibhāvassa pana sambhavoyeva natthīti yathāvuttavikārassa paramatthato sabbhāve nakutocisamuṭṭhitattā appaccayattaṃ āpannaṃ. Na hi rūpaṃ appaccayaṃ atthi, appaccayatte ca sati niccabhāvo āpajjati, na ca nibbānavajjo attho sabhāvadhammo nicco atthi. Cittasamuṭṭhānabhāvo viyāti viññattiyā cittasamuṭṭhānaupādārūpabhāvo upacārasiddhoti dasseti.
вин̃н̃ад̇д̇ияаа гаран̣абхууд̇ааяа. яам̣ гаран̣анд̇и яам̣ жид̇д̇агирияам̣ жид̇д̇аб̣яаабаарам̣. вин̃н̃ад̇д̇ияаа вин̃н̃аад̇ад̇д̇анд̇и ид̣̇амзса гаарзд̇ийд̇и яад̣̇зд̇ам̣ ад̇хиббааяавибхааванам̣, зд̇ам̣ вин̃н̃ад̇д̇ивигаарарахид̇зсу ругкажаланаад̣̇ийсу на д̣̇идтам̣, хад̇т̇ажаланаад̣̇ийсу бана д̣̇идтам̣, д̇асмаа вибпанд̣̇амаанаван̣н̣авинимуд̇д̇о гожи вигааро ад̇т̇и гааяигагаран̣асан̇каад̇асса ад̇хиббааяасса н̃аабагод̇и вин̃н̃ааяад̇и. н̃аабаго жа хзд̇у н̃аабзд̇аб̣б̣амад̇т̇ам̣ саяам̣ н̃аад̇оязва н̃аабзд̇и, на саб̣бхаавамад̇д̇знаад̇и ван̣н̣аг̇г̇ахан̣аананд̇арам̣ вигаараг̇г̇ахан̣амби вин̃н̃ааяад̇и. д̇ат̇аа хи висаяабхаавамаабанно зва сад̣̇д̣̇о ад̇т̇ам̣ багаасзд̇и, нзд̇аро. д̇знзвааха ‘‘на хи вин̃н̃ад̇д̇ий’’д̇иаад̣̇и. яад̣̇и бана жид̇д̇аж̇аруубаанам̣ жаланаагааро вин̃н̃ад̇д̇и, жагкувин̃н̃аан̣асса вибпанд̣̇амаанаван̣н̣аарамман̣ад̇д̇аа д̇знаби саа г̇ахид̇аа сияаад̇и аасан̇гааяа нивад̇д̇анад̇т̇ам̣ ааха ‘‘жагкувин̃н̃аан̣ассаа’’д̇иаад̣̇и.
Viññattiyā karaṇabhūtāya. Yaṃ karaṇanti yaṃ cittakiriyaṃ cittabyāpāraṃ. Viññattiyā viññātattanti idamesa kāretīti yadetaṃ adhippāyavibhāvanaṃ, etaṃ viññattivikārarahitesu rukkhacalanādīsu na diṭṭhaṃ, hatthacalanādīsu pana diṭṭhaṃ, tasmā vipphandamānavaṇṇavinimutto koci vikāro atthi kāyikakaraṇasaṅkhātassa adhippāyassa ñāpakoti viññāyati. Ñāpako ca hetu ñāpetabbamatthaṃ sayaṃ ñātoyeva ñāpeti, na sabbhāvamattenāti vaṇṇaggahaṇānantaraṃ vikāraggahaṇampi viññāyati. Tathā hi visayabhāvamāpanno eva saddo atthaṃ pakāseti, netaro. Tenevāha ‘‘na hi viññattī’’tiādi. Yadi pana cittajarūpānaṃ calanākāro viññatti, cakkhuviññāṇassa vipphandamānavaṇṇārammaṇattā tenapi sā gahitā siyāti āsaṅkāya nivattanatthaṃ āha ‘‘cakkhuviññāṇassā’’tiādi.
д̇аалабан̣н̣аад̣̇ируубаанийд̇иаад̣̇инааби вин̃н̃ад̇д̇ияаа вин̃н̃аад̇аб̣б̣ад̇ам̣ мановин̃н̃аан̣знзва жа вин̃н̃аад̇аб̣б̣ад̇ам̣ д̣̇ассзд̇и. сан̃ж̇аанаад̇и зд̇знаад̇и сан̃н̃аан̣ам̣, д̇асса уд̣̇агаад̣̇ино сан̃н̃аан̣ам̣ д̇ам̣сан̃н̃аан̣ам̣, д̇асса аагааро д̇ам̣сан̃н̃аан̣аагааро, уд̣̇агаад̣̇исахажаариббагааро жа со д̇ам̣сан̃н̃аан̣аагааро жаад̇и уд̣̇агаа…бз… гааро, д̇ам̣ г̇ахзд̇ваа ж̇аанид̇ваа. д̇ад̣̇аагаарассаад̇и уд̣̇агаад̣̇ин̃аабанаагаарасса. яад̣̇и яат̇аавуд̇д̇авигаараг̇г̇ахан̣ам̣язва гааран̣ам̣ ад̇хиббааяаг̇г̇ахан̣асса, ат̇а гасмаа аг̇г̇ахид̇асан̇гзд̇асса ад̇хиббааяаг̇г̇ахан̣ам̣ на ход̇ийд̇и? на гзвалам̣ вигаараг̇г̇ахан̣амзва ад̇хиббааяаг̇г̇ахан̣асса гааран̣ам̣, гин̃жарахийд̇и ааха ‘‘зд̇асса банаа’’д̇иаад̣̇и.
Tālapaṇṇādirūpānītiādināpi viññattiyā viññātabbataṃ manoviññāṇeneva ca viññātabbataṃ dasseti. Sañjānāti etenāti saññāṇaṃ, tassa udakādino saññāṇaṃ taṃsaññāṇaṃ, tassa ākāro taṃsaññāṇākāro, udakādisahacārippakāro ca so taṃsaññāṇākāro cāti udakā…pe… kāro, taṃ gahetvā jānitvā. Tadākārassāti udakādiñāpanākārassa. Yadi yathāvuttavikāraggahaṇaṃyeva kāraṇaṃ adhippāyaggahaṇassa, atha kasmā aggahitasaṅketassa adhippāyaggahaṇaṃ na hotīti? Na kevalaṃ vikāraggahaṇameva adhippāyaggahaṇassa kāraṇaṃ, kiñcarahīti āha ‘‘etassa panā’’tiādi.
ат̇а банаад̇иаад̣̇инаа вин̃н̃ад̇д̇ияаа анумаанзна г̇ахзд̇аб̣б̣ад̇ам̣ д̣̇ассзд̇и. саад̇хиббааяа…бз… нанд̇аранд̇и ад̇хиббааяасахид̇авигаарзна сахаж̇аад̇аван̣н̣ааяад̇анаг̇г̇ахан̣асан̇каад̇асса жагкуд̣̇вааригавин̃н̃аан̣асанд̇аанасса ананд̇арам̣. ад̇хиббааяаг̇г̇ахан̣ассаад̇и ад̇хиббааяававад̇т̇аабагасса д̇ад̇ияаваарз ж̇аванасса. ад̇хиббааяасахабхуу вигаараабхаавз абхаавад̇од̇и зд̇зна яат̇аавуд̇д̇авигаарам̣ ад̇хиббааяаг̇г̇ахан̣зна ануминод̇и. звам̣ сад̇ийд̇иаад̣̇инаа яат̇аанумид̇амад̇т̇ам̣ ниг̇аманавасзна д̣̇ассзд̇и. д̇ад̇т̇а уд̣̇агаад̣̇иг̇г̇ахан̣знзваад̇и д̇аалабан̣н̣аад̣̇ийнам̣ ван̣н̣аг̇г̇ахан̣аананд̇арзна буримасид̣̇д̇хасамб̣анд̇хаануг̇г̇ахид̇зна уд̣̇агаад̣̇ийнам̣ д̇ад̇т̇а ад̇т̇ибхаававиж̇аананзнзва. яат̇аа д̇аалабан̣н̣аад̣̇ийнам̣ уд̣̇агаад̣̇исахажаариббагаарад̇ам̣ сан̃н̃аан̣аагааро вин̃н̃аад̇оязва ход̇и наананд̇арияагад̇д̇аа, звам̣ вибпанд̣̇амаанаван̣н̣аг̇г̇ахан̣аананд̇арзна буримасид̣̇д̇хасамб̣анд̇хаануг̇г̇ахид̇зна г̇анд̇угаамад̇аад̣̇иад̇хиббааяавиж̇аананзнзва вин̃н̃ад̇д̇и вин̃н̃аад̇аа ход̇и д̇ад̣̇абхаавз абхаавад̇од̇и убамааяож̇анаа.
Atha panātiādinā viññattiyā anumānena gahetabbataṃ dasseti. Sādhippāya…pe… nantaranti adhippāyasahitavikārena sahajātavaṇṇāyatanaggahaṇasaṅkhātassa cakkhudvārikaviññāṇasantānassa anantaraṃ. Adhippāyaggahaṇassāti adhippāyavavatthāpakassa tatiyavāre javanassa. Adhippāyasahabhū vikārābhāve abhāvatoti etena yathāvuttavikāraṃ adhippāyaggahaṇena anuminoti. Evaṃ satītiādinā yathānumitamatthaṃ nigamanavasena dasseti. Tattha udakādiggahaṇenevāti tālapaṇṇādīnaṃ vaṇṇaggahaṇānantarena purimasiddhasambandhānuggahitena udakādīnaṃ tattha atthibhāvavijānaneneva. Yathā tālapaṇṇādīnaṃ udakādisahacārippakārataṃ saññāṇākāro viññātoyeva hoti nānantariyakattā, evaṃ vipphandamānavaṇṇaggahaṇānantarena purimasiddhasambandhānuggahitena gantukāmatādiadhippāyavijānaneneva viññatti viññātā hoti tadabhāve abhāvatoti upamāyojanā.
сабхаавабхууд̇анд̇и анвад̇т̇абхууд̇ам̣. д̣̇вид̇хаад̇и вин̃н̃аабанад̇о вин̃н̃зяяад̇о жа. гааяавин̃н̃ад̇д̇ияаа д̇ат̇аабавад̇д̇амаанааяа жзд̇анаасан̇каад̇асса гаммасса гааяагаммабхааво нибпаж̇ж̇ад̇и д̇ааяа убалагкид̇аб̣б̣ад̇д̇аа, на бана жад̇увийсад̇ияаа бажжаязсу гзнажи бажжаяабхаавад̇од̇и д̣̇ассзнд̇о ‘‘д̇асмим̣ д̣̇ваарз сид̣̇д̇хаа’’д̇иаад̣̇имааха. д̇зна важийд̣̇вааруббаннааби баан̣аад̇ибаад̇аад̣̇аяо сан̇г̇ахид̇аад̇и д̇зсам̣ сан̇г̇ахид̇абхаавам̣ д̣̇ассзд̇и. ат̇а ваа гааяад̣̇вааруббаннааяа гааяагаммабхууд̇ааяа жзд̇анааяа васзна ‘‘д̇зна д̣̇ваарзна вин̃н̃аад̇аб̣б̣абхаавад̇о’’д̇и вуд̇д̇ам̣, д̇ассааязва д̣̇вааранд̇аруббаннааяа васзна ‘‘д̇зна д̣̇ваарзна наамалаабхад̇о’’д̇и. манод̣̇ваарааваж̇ж̇анассаби вин̃н̃ад̇д̇исамудтаабагабхааво нижчид̇од̇и ‘‘згаад̣̇асаннам̣ гирияажид̇д̇аана’’нд̇и ааха.
Sabhāvabhūtanti anvatthabhūtaṃ. Dvidhāti viññāpanato viññeyyato ca. Kāyaviññattiyā tathāpavattamānāya cetanāsaṅkhātassa kammassa kāyakammabhāvo nipphajjati tāya upalakkhitabbattā, na pana catuvīsatiyā paccayesu kenaci paccayabhāvatoti dassento ‘‘tasmiṃ dvāre siddhā’’tiādimāha. Tena vacīdvāruppannāpi pāṇātipātādayo saṅgahitāti tesaṃ saṅgahitabhāvaṃ dasseti. Atha vā kāyadvāruppannāya kāyakammabhūtāya cetanāya vasena ‘‘tena dvārena viññātabbabhāvato’’ti vuttaṃ, tassāyeva dvārantaruppannāya vasena ‘‘tena dvārena nāmalābhato’’ti. Manodvārāvajjanassapi viññattisamuṭṭhāpakabhāvo nicchitoti ‘‘ekādasannaṃ kiriyacittāna’’nti āha.
д̣̇вааранд̇аражааринод̇и д̣̇вааранд̇арабхаавзна бавад̇д̇анагаа. д̣̇ваарасамбхзд̣̇аад̇и д̣̇ваараанам̣ сан̇гаран̣ад̇о. д̣̇ваараанан̃хи д̣̇вааранд̇арабхааваббад̇д̇ияаа сад̇и гааяад̣̇ваарасса важийд̣̇ваараад̣̇ибхааво, важийд̣̇ваарасса жа гааяад̣̇ваараад̣̇ибхааво аабаж̇ж̇ад̇ийд̇и д̇ам̣д̇ам̣д̣̇вааруббаннагаммаанамби сан̇гаро сияаа. д̇знааха ‘‘гаммасамбхзд̣̇обий’’д̇и. звам̣ сад̇и гааяагаммам̣…бз… вавад̇т̇аанам̣ на сияаа. яад̣̇и гаммаани гамманд̇аражаарийни хонд̇и, гааяагаммаад̣̇игасса важийгаммаад̣̇игабхааваабад̇д̇ид̇о ‘‘гаммасамбхзд̣̇аа д̣̇ваарасамбхзд̣̇обий’’д̇и гааяагаммам̣ гааяагаммад̣̇вааранд̇и ан̃н̃аман̃н̃ававад̇т̇аанам̣ на сияаад̇и имамад̇т̇амааха ‘‘гаммаанамби гамманд̇аражаран̣з зсзва наяо’’д̇и. гамманд̇аражаран̣ам̣ гамманд̇аруубалагкан̣ад̇аа. д̇знзвааха ‘‘д̣̇ваарабхаавзнаа’’д̇и. д̣̇вааранд̇аражаран̣ам̣ д̣̇вааранд̇аруббад̇д̇и. д̣̇ваарзд̇и ад̇д̇ано д̣̇ваарз. ан̃н̃асминд̇и д̣̇вааранд̇арз. гаммаанийд̇и д̇ам̣д̇ам̣д̣̇вааригагаммаани. ан̃н̃аанийд̇и ан̃н̃ад̣̇вааригагаммаани. д̣̇ваарз д̣̇ваараани на жаранд̇ийд̇и д̣̇вааранд̇арабхаавзна наббавад̇д̇анд̇и, д̣̇вааранд̇арам̣ ваа на сан̇гаманд̇и. гин̃жааби вин̃н̃ад̇д̇ияаа жад̇увийсад̇ияаа бажжаязсу язна гзнажи бажжаязна жзд̇анааяа бажжаяабхааво над̇т̇и, д̇ат̇аа бана вин̃н̃ад̇д̇ияаа бавад̇д̇амаанааяа зва баан̣аад̇ибаад̇аад̣̇и ход̇и, наан̃н̃ат̇аад̇и сияаа вин̃н̃ад̇д̇ияаа хзд̇убхааво жзд̇анааяаад̇и вуд̇д̇ам̣ ‘‘д̣̇ваарзхи гааран̣абхууд̇зхий’’д̇и. гааяагаммам̣ важийгамманд̇и гаммававад̇т̇аанассзва ваа гааран̣абхаавам̣ санд̇хааяа ‘‘д̣̇ваарзхи гааран̣абхууд̇зхий’’д̇и вуд̇д̇ам̣. яад̣̇иби ‘‘д̣̇ваарзхи гаммааний’’д̇и вуд̇д̇ам̣, ‘‘ан̃н̃аман̃н̃ам̣ вавад̇т̇ид̇аа’’д̇и бана вуд̇д̇ад̇д̇аа гаммзхиби д̣̇ваараани вавад̇т̇ид̇аанийд̇и аяамад̇т̇оби сид̣̇д̇хоязваад̇и д̣̇ассзд̇ум̣ ‘‘на гзвала’’нд̇иаад̣̇и вуд̇д̇ам̣. ад̣̇вааражаарийхийд̇и д̣̇ваараанам̣ саяам̣ вавад̇т̇ид̇абхаавамааха, на бана ававад̇т̇аанам̣, вавад̇т̇аанамзваад̇и ад̇хиббааяо. ид̣̇аани д̇ам̣ вавад̇т̇аанам̣ вибхаавзд̇и гаммаанабзгкаад̇иаад̣̇инаа. д̇ад̇т̇а самаяанияамид̇зна жид̇д̇зна самаяо вияа д̣̇вааранияамид̇зхи гаммзхи д̣̇ваараани нияамид̇аанийд̇и аяам̣ сан̇кзбад̇т̇о.
Dvārantaracārinoti dvārantarabhāvena pavattanakā. Dvārasambhedāti dvārānaṃ saṅkaraṇato. Dvārānañhi dvārantarabhāvappattiyā sati kāyadvārassa vacīdvārādibhāvo, vacīdvārassa ca kāyadvārādibhāvo āpajjatīti taṃtaṃdvāruppannakammānampi saṅkaro siyā. Tenāha ‘‘kammasambhedopī’’ti. Evaṃ sati kāyakammaṃ…pe… vavatthānaṃ na siyā. Yadi kammāni kammantaracārīni honti, kāyakammādikassa vacīkammādikabhāvāpattito ‘‘kammasambhedā dvārasambhedopī’’ti kāyakammaṃ kāyakammadvāranti aññamaññavavatthānaṃ na siyāti imamatthamāha ‘‘kammānampi kammantaracaraṇe eseva nayo’’ti. Kammantaracaraṇaṃ kammantarūpalakkhaṇatā. Tenevāha ‘‘dvārabhāvenā’’ti. Dvārantaracaraṇaṃ dvārantaruppatti. Dvāreti attano dvāre. Aññasminti dvārantare. Kammānīti taṃtaṃdvārikakammāni. Aññānīti aññadvārikakammāni. Dvāre dvārāni na carantīti dvārantarabhāvena nappavattanti, dvārantaraṃ vā na saṅkamanti. Kiñcāpi viññattiyā catuvīsatiyā paccayesu yena kenaci paccayena cetanāya paccayabhāvo natthi, tathā pana viññattiyā pavattamānāya eva pāṇātipātādi hoti, nāññathāti siyā viññattiyā hetubhāvo cetanāyāti vuttaṃ ‘‘dvārehi kāraṇabhūtehī’’ti. Kāyakammaṃ vacīkammanti kammavavatthānasseva vā kāraṇabhāvaṃ sandhāya ‘‘dvārehi kāraṇabhūtehī’’ti vuttaṃ. Yadipi ‘‘dvārehi kammānī’’ti vuttaṃ, ‘‘aññamaññaṃ vavatthitā’’ti pana vuttattā kammehipi dvārāni vavatthitānīti ayamatthopi siddhoyevāti dassetuṃ ‘‘na kevala’’ntiādi vuttaṃ. Advāracārīhīti dvārānaṃ sayaṃ vavatthitabhāvamāha, na pana avavatthānaṃ, vavatthānamevāti adhippāyo. Idāni taṃ vavatthānaṃ vibhāveti kammānapekkhātiādinā. Tattha samayaniyamitena cittena samayo viya dvāraniyamitehi kammehi dvārāni niyamitānīti ayaṃ saṅkhepattho.
звам̣сабхаавад̇д̇аад̇и д̣̇ваарабхууд̇зхи гааяаад̣̇ийхи убалагкан̣ийяасабхаавад̇д̇аа. аан̣ад̇д̇и…бз… маанассаад̇и гааяаважийгаммаанам̣ важийгааяавин̃н̃ад̇д̇ийхи багаасзд̇аб̣б̣ад̇ам̣ ааха. гааяаад̣̇ийхийд̇и гааяаважийвин̃н̃ад̇д̇ийхи. д̇асмаад̇и яасмаа д̣̇вааранд̇арз жаранд̇ааниби гаммаани сагзна д̣̇ваарзна убалагкид̇аанзва жаранд̇и, д̇асмаа. нааби гаммам̣ д̣̇ваарассаад̇и яасмим̣ д̣̇вааранд̇арз гаммам̣ жарад̇и, д̇асса д̣̇ваарасса анад̇д̇анияасса. д̇ам̣д̇ам̣д̣̇ваарамзваад̇и сагад̣̇ваарамзва. гаммассаад̇и сагасагагаммасса. яад̣̇и гаммзхи д̣̇ваараани вавад̇т̇ид̇аани, ‘‘гаммасса аниб̣ад̣̇д̇хад̇д̇аа’’д̇и ид̣̇ам̣ гат̇ам̣ нийяад̇ийд̇и ааха ‘‘буб̣б̣з банаа’’д̇иаад̣̇и.
Evaṃsabhāvattāti dvārabhūtehi kāyādīhi upalakkhaṇīyasabhāvattā. Āṇatti…pe… mānassāti kāyavacīkammānaṃ vacīkāyaviññattīhi pakāsetabbataṃ āha. Kāyādīhīti kāyavacīviññattīhi. Tasmāti yasmā dvārantare carantānipi kammāni sakena dvārena upalakkhitāneva caranti, tasmā. Nāpi kammaṃ dvārassāti yasmiṃ dvārantare kammaṃ carati, tassa dvārassa anattaniyassa. Taṃtaṃdvāramevāti sakadvārameva. Kammassāti sakasakakammassa. Yadi kammehi dvārāni vavatthitāni, ‘‘kammassa anibaddhattā’’ti idaṃ kathaṃ nīyatīti āha ‘‘pubbe panā’’tiādi.
саад̇и вин̃н̃ад̇д̇и. д̇ассаад̇и гаммасса. гзнажи багаарзнаад̇и жад̇увийсад̇ияаа бажжаяаббагаарзсу гзнажи багаарзна. д̇ам̣сахаж̇аад̇аад̇и зд̇зна гааяавин̃н̃ад̇д̇ияаа саб̣бхаавзязва гааяагаммасса саб̣бхааво, наан̃н̃ат̇аад̇и барияааязна вин̃н̃ад̇д̇ияаа гаммасса гааран̣абхаавам̣ вибхаавзд̇и. д̇знзвааха ‘‘уббад̇д̇идтаанабхаавзна вуд̇д̇аа’’д̇и. яат̇аавуд̇д̇анияамзнаад̇иаад̣̇инаа гаммасса уббад̇д̇идтаанабхаавз б̣яабхижаараабхаавамааха. д̇ад̇т̇а яат̇аавуд̇д̇анияамзнаад̇и адтагат̇ааяам̣ вуд̇д̇аббагаарзна вавад̇т̇аанаяуд̇д̇исан̇каад̇зна нияамзна. д̣̇вааражаран̣зд̇и ан̃н̃ад̣̇вааражаран̣з.
Sāti viññatti. Tassāti kammassa. Kenaci pakārenāti catuvīsatiyā paccayappakāresu kenaci pakārena. Taṃsahajātāti etena kāyaviññattiyā sabbhāveyeva kāyakammassa sabbhāvo, nāññathāti pariyāyena viññattiyā kammassa kāraṇabhāvaṃ vibhāveti. Tenevāha ‘‘uppattiṭṭhānabhāvena vuttā’’ti. Yathāvuttaniyamenātiādinā kammassa uppattiṭṭhānabhāve byabhicārābhāvamāha. Tattha yathāvuttaniyamenāti aṭṭhakathāyaṃ vuttappakārena vavatthānayuttisaṅkhātena niyamena. Dvāracaraṇeti aññadvāracaraṇe.
гааяагаммад̣̇ваарагат̇ааван̣н̣анаа нидтид̇аа.
Kāyakammadvārakathāvaṇṇanā niṭṭhitā.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / гааяагаммад̣̇ваарагат̇ааван̣н̣анаа • Kāyakammadvārakathāvaṇṇanā
