| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
гаамааважарагусалам̣
Kāmāvacarakusalaṃ
гааяагаммад̣̇ваарагат̇ааван̣н̣анаа
Kāyakammadvārakathāvaṇṇanā
имасса банад̇т̇ассаад̇и гаммад̣̇ваараанам̣ ан̃н̃аман̃н̃асмим̣ анияад̇ад̇ааяа ‘‘д̣̇ваарз жаранд̇и гаммааний’’д̇иаад̣̇инаа багаасанад̇т̇ам̣. бан̃жа вин̃н̃аан̣аанийд̇и зд̇т̇а чадтасса вин̃н̃аан̣асса д̇асса жа д̣̇ваарасса ануд̣̇д̣̇зсо д̣̇ваарад̣̇ваараванд̇аанам̣ сахаабхааваа. нияад̇аруубаруубавасзна жад̇усамудтаанигагааяаа вуд̇д̇аад̇и сад̣̇д̣̇асса вигаараруубаад̣̇ийнан̃жа асан̇г̇ахо.
Imassapanatthassāti kammadvārānaṃ aññamaññasmiṃ aniyatatāya ‘‘dvāre caranti kammānī’’tiādinā pakāsanatthaṃ. Pañca viññāṇānīti ettha chaṭṭhassa viññāṇassa tassa ca dvārassa anuddeso dvāradvāravantānaṃ sahābhāvā. Niyatarūparūpavasena catusamuṭṭhānikakāyā vuttāti saddassa vikārarūpādīnañca asaṅgaho.
батамаж̇аванасамудтид̇аа вааяод̇хаад̇у яад̣̇иби д̇асмим̣ кан̣з руубаанам̣ д̣̇зсанд̇аруббад̇д̇ихзд̇убхаавзна жаалзд̇ум̣ на саггод̇и, д̇ат̇ааби вин̃н̃ад̇д̇ивигаарасахид̇аава саа взд̣̇ид̇аб̣б̣аа. д̣̇асасу хи д̣̇исаасу яам̣ д̣̇исам̣ г̇анд̇угаамо ан̇г̇абажжан̇г̇аани ваа кибид̇угаамо, д̇ам̣д̣̇исаабхимукаанзва руубаани саа сант̇амбхзд̇и санд̇хаарзд̇и жаад̇и д̇ад̣̇абхимукабхаававигааравад̇ий ход̇и, ад̇хиббааяасахабхаавий жа вигааро вин̃н̃ад̇д̇ийд̇и. зван̃жа гад̇ваа ааваж̇ж̇анассаби вин̃н̃ад̇д̇исамудтаабагабхааво яат̇аад̇хиббааяавигаараруубуббаад̣̇анзна убабанно ход̇и, яад̇о б̣аад̇д̇им̣са жид̇д̇аани руубирияаабат̇авин̃н̃ад̇д̇иж̇анагаани вуд̇д̇аанийд̇и. яож̇анам̣ г̇ад̇о, д̣̇асаяож̇анам̣ г̇ад̇од̇и вад̇д̇аб̣б̣ад̇ам̣ аабаж̇ж̇аабзд̇и анзгасахассаваарам̣ уббаннаа.
Paṭhamajavanasamuṭṭhitā vāyodhātu yadipi tasmiṃ khaṇe rūpānaṃ desantaruppattihetubhāvena cāletuṃ na sakkoti, tathāpi viññattivikārasahitāva sā veditabbā. Dasasu hi disāsu yaṃ disaṃ gantukāmo aṅgapaccaṅgāni vā khipitukāmo, taṃdisābhimukhāneva rūpāni sā santhambheti sandhāreti cāti tadabhimukhabhāvavikāravatī hoti, adhippāyasahabhāvī ca vikāro viññattīti. Evañca katvā āvajjanassapi viññattisamuṭṭhāpakabhāvo yathādhippāyavikārarūpuppādanena upapanno hoti, yato bāttiṃsa cittāni rūpiriyāpathaviññattijanakāni vuttānīti. Yojanaṃ gato, dasayojanaṃ gatoti vattabbataṃ āpajjāpeti anekasahassavāraṃ uppannā.
вааяод̇хаад̇уяаа…бз… бажжаяо бхавид̇унд̇и т̇амбханажаланзсу вааяод̇хаад̇уяаа бажжаяо бхавид̇ум̣ самад̇т̇о жид̇д̇асамудтаанамахаабхууд̇аанам̣ зго аагаарависзсо ад̇т̇и, аяам̣ вин̃н̃ад̇д̇и наама. д̇зсан̃хи д̇ад̣̇аагаарад̇д̇аа вааяод̇хаад̇у т̇амбхзд̇и жаалзд̇и жаад̇и. на жид̇д̇асамудтаанаад̇и зд̇зна барамад̇т̇ад̇о абхаавам̣ д̣̇ассзд̇и. на хи руубам̣ аббажжаяам̣ ад̇т̇и, на жа ниб̣б̣аанаваж̇ж̇о ад̇т̇о нижжо ад̇т̇ийд̇и. вин̃н̃ад̇д̇ид̇ааяаад̇и вин̃н̃ад̇д̇ивигаарад̇ааяа. жид̇д̇асамудтаанабхааво вияа махаабхууд̇авигаарад̇ааяа убаад̣̇ааруубабхааво жа ад̇хиббзд̇од̇и взд̣̇ид̇аб̣б̣о.
Vāyodhātuyā…pe… paccayo bhavitunti thambhanacalanesu vāyodhātuyā paccayo bhavituṃ samattho cittasamuṭṭhānamahābhūtānaṃ eko ākāraviseso atthi, ayaṃ viññatti nāma. Tesañhi tadākārattā vāyodhātu thambheti cāleti cāti. Na cittasamuṭṭhānāti etena paramatthato abhāvaṃ dasseti. Na hi rūpaṃ appaccayaṃ atthi, na ca nibbānavajjo attho nicco atthīti. Viññattitāyāti viññattivikāratāya. Cittasamuṭṭhānabhāvo viya mahābhūtavikāratāya upādārūpabhāvo ca adhippetoti veditabbo.
гааяигагаран̣анд̇и гааяад̣̇ваараббавад̇д̇ам̣ жид̇д̇агирияам̣, ад̇хиббааяанд̇и ад̇т̇о. гаарзд̇и ман̃н̃зд̇и зд̇зна ван̣н̣аг̇г̇ахан̣аанусаарзна г̇ахид̇ааяа вин̃н̃ад̇д̇ияаа яам̣ гаран̣ам̣ вин̃н̃аад̇аб̣б̣ам̣, д̇асса виж̇аананзна вин̃н̃ад̇д̇ияаа вин̃н̃аад̇ад̇д̇ам̣ д̣̇ассзд̇и. на хи вин̃н̃ад̇д̇ирахид̇зсу ругкажаланаад̣̇ийсу ‘‘ид̣̇амзса гаарзд̇ий’’д̇и виж̇аананам̣ ход̇ийд̇и. жагкувин̃н̃аан̣асса хи руубз абхинибаад̇амад̇д̇ам̣ гижжам̣, на ад̇хиббааяасахабхуно жаланавигаарасса г̇ахан̣ам̣. жид̇д̇асса бана лахубаривад̇д̇ид̇ааяа жагкувин̃н̃аан̣авийт̇ияаа ананд̇арам̣ мановин̃н̃аан̣зна вин̃н̃аад̇амби жаланам̣ жагкунаа д̣̇идтам̣ вияа ман̃н̃анд̇и ависзсавид̣̇уно, д̇асмаа яат̇аа нийлаабхинибаад̇авасаббавад̇д̇ааяа жагкувин̃н̃аан̣авийт̇ияаа нийланд̇и бавад̇д̇ааяа мановин̃н̃аан̣авийт̇ияаа жа анд̇арам̣ на вин̃н̃ааяад̇и, звам̣ авин̃н̃ааяамаананд̇арзна манод̣̇вааравин̃н̃аан̣зна г̇ахид̇з д̇асмим̣ жид̇д̇зна сахзва анубаривад̇д̇з гааяат̇амбханавигааражобанасан̇каад̇з ‘‘ид̣̇амзса гаарзд̇и, аяамасса ад̇хиббааяо’’д̇и виж̇аананам̣ ход̇и.
Kāyikakaraṇanti kāyadvārappavattaṃ cittakiriyaṃ, adhippāyanti attho. Kāreti maññeti etena vaṇṇaggahaṇānusārena gahitāya viññattiyā yaṃ karaṇaṃ viññātabbaṃ, tassa vijānanena viññattiyā viññātattaṃ dasseti. Na hi viññattirahitesu rukkhacalanādīsu ‘‘idamesa kāretī’’ti vijānanaṃ hotīti. Cakkhuviññāṇassa hi rūpe abhinipātamattaṃ kiccaṃ, na adhippāyasahabhuno calanavikārassa gahaṇaṃ. Cittassa pana lahuparivattitāya cakkhuviññāṇavīthiyā anantaraṃ manoviññāṇena viññātampi calanaṃ cakkhunā diṭṭhaṃ viya maññanti avisesaviduno, tasmā yathā nīlābhinipātavasappavattāya cakkhuviññāṇavīthiyā nīlanti pavattāya manoviññāṇavīthiyā ca antaraṃ na viññāyati, evaṃ aviññāyamānantarena manodvāraviññāṇena gahite tasmiṃ cittena saheva anuparivatte kāyathambhanavikāracopanasaṅkhāte ‘‘idamesa kāreti, ayamassa adhippāyo’’ti vijānanaṃ hoti.
д̇аалабан̣н̣аад̣̇ируубаани д̣̇исваа д̇ад̣̇ананд̇араббавад̇д̇ааяа манод̣̇вааравийт̇ияаа авин̃н̃ааяамаананд̇арааяа д̇аалабан̣н̣аад̣̇ийнам̣ уд̣̇агаад̣̇исахажаариббагаарад̇ам̣ сан̃н̃аан̣аагаарам̣ г̇ахзд̇ваа уд̣̇агаад̣̇иг̇г̇ахан̣ам̣ вияа. зд̇т̇а уд̣̇агам̣ бхависсад̇ийд̇иаад̣̇инаа жа уд̣̇агаад̣̇исамб̣анд̇ханаагаарзна руубаг̇г̇ахан̣аанусааравин̃н̃аан̣зна яам̣ уд̣̇агаад̣̇и вин̃н̃аад̇аб̣б̣ам̣, д̇асса виж̇аананзна д̇ад̣̇аагаарасса вин̃н̃аад̇ад̇аа вуд̇д̇аад̇и д̣̇адтаб̣б̣аа. зд̇асса бана гааяигагаран̣аг̇г̇ахан̣асса уд̣̇агаад̣̇иг̇г̇ахан̣асса жа буримасид̣̇д̇хасамб̣анд̇хаг̇г̇ахан̣ам̣ убаниссаяо ход̇ийд̇и д̣̇адтаб̣б̣ам̣. ат̇а бана нааламб̣ид̇ааби вин̃н̃ад̇д̇и гааяигагаран̣аг̇г̇ахан̣асса жа бажжаяо буримасид̣̇д̇хасамб̣анд̇хаг̇г̇ахан̣обаниссаяавасзна саад̇хиббааяавигаарабхууд̇аван̣н̣аг̇г̇ахан̣аананд̇арам̣ бавад̇д̇амаанасса ад̇хиббааяаг̇г̇ахан̣асса ад̇хиббааяасахабхуувигаараабхаавз абхаавад̇о, звам̣ сад̇и ван̣н̣аг̇г̇ахан̣аананд̇арзна уд̣̇агаад̣̇иг̇г̇ахан̣знзва д̇аалабан̣н̣аад̣̇исан̃н̃аан̣аагааро вияа ван̣н̣аг̇г̇ахан̣аананд̇арзна ад̇хиббааяаг̇г̇ахан̣знзва вин̃н̃ад̇д̇и баагадаа ход̇ийд̇и ‘‘ид̣̇ан̃жид̣̇ан̃жа зса гаарзд̇и ман̃н̃з’’д̇и ад̇хиббааяавиж̇аананзнзва вин̃н̃ад̇д̇ияаа вин̃н̃аад̇ад̇аа вуд̇д̇аа.
Tālapaṇṇādirūpāni disvā tadanantarappavattāya manodvāravīthiyā aviññāyamānantarāya tālapaṇṇādīnaṃ udakādisahacārippakārataṃ saññāṇākāraṃ gahetvā udakādiggahaṇaṃ viya. Ettha udakaṃ bhavissatītiādinā ca udakādisambandhanākārena rūpaggahaṇānusāraviññāṇena yaṃ udakādi viññātabbaṃ, tassa vijānanena tadākārassa viññātatā vuttāti daṭṭhabbā. Etassa pana kāyikakaraṇaggahaṇassa udakādiggahaṇassa ca purimasiddhasambandhaggahaṇaṃ upanissayo hotīti daṭṭhabbaṃ. Atha pana nālambitāpi viññatti kāyikakaraṇaggahaṇassa ca paccayo purimasiddhasambandhaggahaṇopanissayavasena sādhippāyavikārabhūtavaṇṇaggahaṇānantaraṃ pavattamānassa adhippāyaggahaṇassa adhippāyasahabhūvikārābhāve abhāvato, evaṃ sati vaṇṇaggahaṇānantarena udakādiggahaṇeneva tālapaṇṇādisaññāṇākāro viya vaṇṇaggahaṇānantarena adhippāyaggahaṇeneva viññatti pākaṭā hotīti ‘‘idañcidañca esa kāreti maññe’’ti adhippāyavijānaneneva viññattiyā viññātatā vuttā.
аяам̣ но бахарид̇угаамод̇и ад̇хиббааяавиж̇аананзна вин̃н̃ад̇д̇ияаа баагадабхаавам̣ д̣̇ассзд̇и. на хи д̇ад̣̇абаагадабхаавз ад̇хиббааяавиж̇аананам̣ ход̇ийд̇и. саммукий…бз… язва наама ход̇ийд̇и асаммукийбхууд̇ад̇ааяа анаабаат̇аг̇ад̇аанам̣ руубаад̣̇ийнам̣ жагкувин̃н̃зяяаад̣̇ибхааво вияа сабхаавабхууд̇ам̣ д̇ам̣ д̣̇вид̇хаа вин̃н̃ад̇д̇ибхаавам̣ саад̇хзд̇и. барам̣ б̣од̇хзд̇угаамад̇ааяа винааби абхиггаманаад̣̇иббавад̇д̇анзна со жид̇д̇асахабхуувигааро ад̇хиббааяам̣ вин̃н̃аабзд̇и, саяан̃жа вин̃н̃ааяад̇ийд̇и д̣̇вид̇хааби вин̃н̃ад̇д̇иязваад̇и взд̣̇ид̇аб̣б̣аа.
Ayaṃ no paharitukāmoti adhippāyavijānanena viññattiyā pākaṭabhāvaṃ dasseti. Na hi tadapākaṭabhāve adhippāyavijānanaṃ hotīti. Sammukhī…pe… yeva nāma hotīti asammukhībhūtatāya anāpāthagatānaṃ rūpādīnaṃ cakkhuviññeyyādibhāvo viya sabhāvabhūtaṃ taṃ dvidhā viññattibhāvaṃ sādheti. Paraṃ bodhetukāmatāya vināpi abhikkamanādippavattanena so cittasahabhūvikāro adhippāyaṃ viññāpeti, sayañca viññāyatīti dvidhāpi viññattiyevāti veditabbā.
д̇асмим̣ д̣̇ваарз сид̣̇д̇хаад̇и д̇зна д̣̇ваарзна вин̃н̃аад̇аб̣б̣абхаавад̇о д̇знзва д̣̇ваарзна наамалаабхад̇о д̇асмим̣ д̣̇ваарз баагадабхаававасзна сид̣̇д̇хаа. гусалам̣ ваа агусалам̣ ваад̇и табзд̇аб̣б̣ам̣. гасмаа? яасмаа бараваад̣̇ино авибаагасса гаммабхааво на сид̣̇д̇хо, ид̇арасса бана сид̣̇д̇ход̇и вин̃н̃ад̇д̇исамудтаабагаанам̣ згаад̣̇асаннам̣ гирияажид̇д̇аанам̣ васзна д̇игам̣ буурзд̇ваа табзд̇аб̣б̣ам̣.
Tasmiṃ dvāre siddhāti tena dvārena viññātabbabhāvato teneva dvārena nāmalābhato tasmiṃ dvāre pākaṭabhāvavasena siddhā. Kusalaṃ vā akusalaṃ vāti ṭhapetabbaṃ. Kasmā? Yasmā paravādino avipākassa kammabhāvo na siddho, itarassa pana siddhoti viññattisamuṭṭhāpakānaṃ ekādasannaṃ kiriyacittānaṃ vasena tikaṃ pūretvā ṭhapetabbaṃ.
д̣̇ваарз жаранд̇и гаммаанийд̇и зд̇т̇а аяамад̇хиббааяо – яад̣̇и д̣̇ваараа д̣̇вааранд̇аражаарино хонд̇и, д̣̇ваарасамбхзд̣̇аа гаммасамбхзд̣̇обийд̇и гааяагаммам̣ гааяагаммад̣̇вааранд̇и ан̃н̃аман̃н̃ававад̇т̇аанам̣ на сияаа, гаммаанамби гамманд̇аражаран̣з зсзва наяо. яад̣̇и бана д̣̇ваараанамби д̣̇ваарабхаавзна гамманд̇аражаран̣ам̣ гаммаанан̃жа д̣̇вааранд̇аражаран̣ам̣ на сияаа, судтуд̇арам̣ гаммад̣̇ваарававад̇т̇аанам̣ сияаа. на бана гаммаанам̣ д̣̇вааранд̇арз ажаран̣ам̣ ад̇т̇и, гинд̇у д̣̇ваарз ан̃н̃асмин̃жа жаранд̇и гаммаани ан̃н̃ааниби. яасмаа бана д̣̇ваарз д̣̇ваараани на жаранд̇и, д̇асмаа ад̣̇вааражаарийхи д̣̇ваарзхи гааран̣абхууд̇зхи гаммаани д̣̇вааранд̇арз жаранд̇ааниби вавад̇т̇ид̇аани. на гзвалам̣ гаммаанзва, д̇зхи бана д̣̇ваараанибийд̇и звам̣ гаммад̣̇ваараани ан̃н̃аман̃н̃ам̣ вавад̇т̇ид̇аани ‘‘язбхуяязнавуд̇д̇ид̇ааяа д̇аб̣б̣ахулавуд̇д̇ид̇ааяа жаа’’д̇и вужжамаанааяа вавад̇т̇аанаяуд̇д̇ияаа. д̇ад̇т̇а д̣̇ваараабзгкад̇д̇аа гаммаанам̣ гааяагаммаад̣̇ибхаавасса ад̣̇вааражаарийхи д̣̇ваарзхи вавад̇т̇аанам̣ ход̇и, на бана д̣̇вааранд̇аражаарийхи гаммзхи д̣̇ваараанам̣ ававад̇т̇аанам̣ гаммаанабзгкагааяад̣̇ваараад̣̇ибхаавзхи д̣̇ваарзхи вавад̇т̇ид̇аанам̣ гааяагаммаад̣̇ийнам̣ гааяагаммад̣̇ваараад̣̇ивавад̇т̇аанагарад̇д̇аа. ат̇а ваа д̣̇вааранд̇арз жаранд̇ааниби гааяаад̣̇ийхи убалагкид̇аанзва жаранд̇и баан̣аад̇ибаад̇аад̣̇ийнам̣ звам̣сабхаавад̇д̇аа аан̣ад̇д̇ихад̇т̇авигаараад̣̇ийхи вужжамаанассаби гааяаад̣̇ийхи саад̇хзд̇аб̣б̣асабхаавааваб̣од̇хад̇о, д̇асмаа на гамманд̇арасса ад̇д̇ани жаранд̇ассаби д̣̇вааранд̇арам̣ санаамам̣ д̣̇зд̇и, нааби гаммам̣ д̣̇ваарасса, д̇ам̣д̇ам̣д̣̇ваарамзва бана гаммасса гамман̃жа д̣̇вааранд̇арз жаранд̇амби ад̇д̇аноязва д̣̇ваарасса наамам̣ д̣̇зд̇ийд̇и сид̣̇д̇хам̣ ан̃н̃аман̃н̃ававад̇т̇аанам̣. буб̣б̣з бана д̣̇ваарзсу аниб̣ад̣̇д̇хад̇аа гаммаанам̣ д̣̇вааранд̇аражаран̣амзва санд̇хааяа вуд̇д̇аа, на зд̇ам̣ вавад̇т̇аананд̇и.
Dvāre caranti kammānīti ettha ayamadhippāyo – yadi dvārā dvārantaracārino honti, dvārasambhedā kammasambhedopīti kāyakammaṃ kāyakammadvāranti aññamaññavavatthānaṃ na siyā, kammānampi kammantaracaraṇe eseva nayo. Yadi pana dvārānampi dvārabhāvena kammantaracaraṇaṃ kammānañca dvārantaracaraṇaṃ na siyā, suṭṭhutaraṃ kammadvāravavatthānaṃ siyā. Na pana kammānaṃ dvārantare acaraṇaṃ atthi, kintu dvāre aññasmiñca caranti kammāni aññānipi. Yasmā pana dvāre dvārāni na caranti, tasmā advāracārīhi dvārehi kāraṇabhūtehi kammāni dvārantare carantānipi vavatthitāni. Na kevalaṃ kammāneva, tehi pana dvārānipīti evaṃ kammadvārāni aññamaññaṃ vavatthitāni ‘‘yebhuyyenavuttitāya tabbahulavuttitāya cā’’ti vuccamānāya vavatthānayuttiyā. Tattha dvārāpekkhattā kammānaṃ kāyakammādibhāvassa advāracārīhi dvārehi vavatthānaṃ hoti, na pana dvārantaracārīhi kammehi dvārānaṃ avavatthānaṃ kammānapekkhakāyadvārādibhāvehi dvārehi vavatthitānaṃ kāyakammādīnaṃ kāyakammadvārādivavatthānakarattā. Atha vā dvārantare carantānipi kāyādīhi upalakkhitāneva caranti pāṇātipātādīnaṃ evaṃsabhāvattā āṇattihatthavikārādīhi vuccamānassapi kāyādīhi sādhetabbasabhāvāvabodhato, tasmā na kammantarassa attani carantassapi dvārantaraṃ sanāmaṃ deti, nāpi kammaṃ dvārassa, taṃtaṃdvārameva pana kammassa kammañca dvārantare carantampi attanoyeva dvārassa nāmaṃ detīti siddhaṃ aññamaññavavatthānaṃ. Pubbe pana dvāresu anibaddhatā kammānaṃ dvārantaracaraṇameva sandhāya vuttā, na etaṃ vavatthānanti.
д̇ад̇т̇аад̇и д̇зсу д̣̇ваарагаммзсу. гааяагаммасса уббаж̇ж̇анадтаананд̇и д̇ам̣сахаж̇аад̇аа вин̃н̃ад̇д̇иязва вужжад̇и. гин̃жааби хи саа д̇асса гзнажи багаарзна бажжаяо на ход̇и, д̇ат̇ааби гаммасса висзсигаа вин̃н̃ад̇д̇и д̇ам̣сахаж̇аад̇аа ход̇ийд̇и д̇асса уббад̇д̇идтаанабхаавзна вуд̇д̇аа яат̇аавуд̇д̇анияамзна ан̃н̃ависзсанасса гаммасса висзсананд̇арз уббад̇д̇иабхааваа. гааязна бана гад̇ад̇д̇аад̇и гааяавин̃н̃ад̇д̇им̣ ж̇анзд̇ваа д̇ааяа ж̇ийвид̇инд̣̇рияубажчзд̣̇аад̣̇инибпаад̣̇анад̇о ад̇д̇ано нибпад̇д̇ивасзна ‘‘гааязна гад̇ам̣ гамма’’нд̇и вуд̇д̇ам̣. гааран̣абхууд̇о хи банзд̇т̇а гааяод̇и.
Tatthāti tesu dvārakammesu. Kāyakammassa uppajjanaṭṭhānanti taṃsahajātā viññattiyeva vuccati. Kiñcāpi hi sā tassa kenaci pakārena paccayo na hoti, tathāpi kammassa visesikā viññatti taṃsahajātā hotīti tassa uppattiṭṭhānabhāvena vuttā yathāvuttaniyamena aññavisesanassa kammassa visesanantare uppattiabhāvā. Kāyena pana katattāti kāyaviññattiṃ janetvā tāya jīvitindriyupacchedādinipphādanato attano nipphattivasena ‘‘kāyena kataṃ kamma’’nti vuttaṃ. Kāraṇabhūto hi panettha kāyoti.
ан̃н̃аман̃н̃ам̣ вавад̇т̇ид̇аад̇и зд̇т̇а гаммунаа гааяо гааяагаммад̣̇вааранд̇и звам̣ вавад̇т̇ид̇о, на гааяо ижжзва. яат̇аа суужигаммунаа суужигаммагаран̣анд̇и вавад̇т̇ид̇аа, на суужи ижжзва, д̇ат̇аа ид̣̇амби д̣̇адтаб̣б̣ам̣. ан̃н̃аман̃н̃ам̣ вавад̇т̇ид̇аад̇и жа ан̃н̃аман̃н̃ам̣ висзсид̇аад̇и ад̇т̇о. звам̣ санд̇зд̇и яат̇аавуд̇д̇ам̣ вавад̇т̇аананияамам̣ аг̇г̇ахзд̇ваа ‘‘д̣̇ваарз жаранд̇и гаммааний’’д̇иаад̣̇иважанамзва г̇ахзд̇ваа жод̣̇зд̇и. д̇ад̇т̇а звам̣ санд̇зд̇и гаммаанам̣ д̣̇вааражаран̣з ан̃н̃аман̃н̃зна жа вавад̇т̇аанз наамалаабхз висзсанз сад̇ийд̇и ад̇т̇о.
Aññamaññaṃvavatthitāti ettha kammunā kāyo kāyakammadvāranti evaṃ vavatthito, na kāyo icceva. Yathā sūcikammunā sūcikammakaraṇanti vavatthitā, na sūci icceva, tathā idampi daṭṭhabbaṃ. Aññamaññaṃ vavatthitāti ca aññamaññaṃ visesitāti attho. Evaṃ santeti yathāvuttaṃ vavatthānaniyamaṃ aggahetvā ‘‘dvāre caranti kammānī’’tiādivacanameva gahetvā codeti. Tattha evaṃ santeti kammānaṃ dvāracaraṇe aññamaññena ca vavatthāne nāmalābhe visesane satīti attho.
гааяагаммад̣̇ваарагат̇ааван̣н̣анаа нидтид̇аа.
Kāyakammadvārakathāvaṇṇanā niṭṭhitā.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / гааяагаммад̣̇ваарагат̇ааван̣н̣анаа • Kāyakammadvārakathāvaṇṇanā
