| Library / Tipiṭaka / තිපිටක • Tipiṭaka / ඛුද්දසික්ඛා-මූලසික්ඛා • Khuddasikkhā-mūlasikkhā |
33. කායබන්ධනනිද්දෙසො
33. Kāyabandhananiddeso
කායබන්ධනන්ති –
Kāyabandhananti –
235.
235.
අකායබන්ධනො ගාමං, දුක්කටං පවිසෙය්ය චෙ;
Akāyabandhano gāmaṃ, dukkaṭaṃ paviseyya ce;
බන්ධෙය්ය යත්ථ සරති, තත්ථෙවාසතියා ගතො.
Bandheyya yattha sarati, tatthevāsatiyā gato.
236.
236.
පට්ටිකා සූකරන්තන්ති, දුවිධං කායබන්ධනං;
Paṭṭikā sūkarantanti, duvidhaṃ kāyabandhanaṃ;
දුස්සපට්ටො ච රජ්ජු ච, එකා තදනුලොමිකා.
Dussapaṭṭo ca rajju ca, ekā tadanulomikā.
237.
237.
මච්ඡකණ්ටකඛජ්ජූරී-පත්තා මට්ඨා ච පට්ටිකා;
Macchakaṇṭakakhajjūrī-pattā maṭṭhā ca paṭṭikā;
ලබ්භා දසා චතස්සොපි, අන්තෙ දිගුණසුත්තකං.
Labbhā dasā catassopi, ante diguṇasuttakaṃ.
238.
238.
මාලාදිං කක්කටච්ඡාදිං, දස්සෙත්වා ගුණසුත්තක;
Mālādiṃ kakkaṭacchādiṃ, dassetvā guṇasuttaka;
කොට්ටිතා කුඤ්ජරච්ඡාදිං, පට්ටිකා න ච කප්පති.
Koṭṭitā kuñjaracchādiṃ, paṭṭikā na ca kappati.
239.
239.
ඝටකං මකරමුඛාදිං, න කප්පන්ති දසාමුඛෙ;
Ghaṭakaṃ makaramukhādiṃ, na kappanti dasāmukhe;
උභන්තෙ ඝටකා ලෙඛා, විධෙ අඤ්ඤඤ්ච චිත්තකං.
Ubhante ghaṭakā lekhā, vidhe aññañca cittakaṃ.
240.
240.
දෙඩ්ඩුභකඤ්ච මුරජං, මද්දවීණං කලාබුකං;
Deḍḍubhakañca murajaṃ, maddavīṇaṃ kalābukaṃ;
න කප්පන්ති දසාසු ද්වෙ, මජ්ඣිමායෙව කප්පරෙ.
Na kappanti dasāsu dve, majjhimāyeva kappare.
241.
241.
වෙළුදන්තවිසාණට්ඨිකට්ඨලාඛාඵලාමයා;
Veḷudantavisāṇaṭṭhikaṭṭhalākhāphalāmayā;
සඞ්ඛනාභිමයා සුත්තනළලොහමයාපි ච;
Saṅkhanābhimayā suttanaḷalohamayāpi ca;
විධා කප්පන්ති කප්පියා, ගණ්ඨියො චාපි තම්මයාති.
Vidhā kappanti kappiyā, gaṇṭhiyo cāpi tammayāti.
පඨමභාණවාරං නිට්ඨිතං.
Paṭhamabhāṇavāraṃ niṭṭhitaṃ.
