| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
гат̇инагканд̇хагагат̇аа
Kathinakkhandhakakathā
2697.
2697.
бхигкуунам̣ вудтавассаанам̣, гат̇инад̇т̇аарамаб̣рави;
Bhikkhūnaṃ vuṭṭhavassānaṃ, kathinatthāramabravi;
бан̃жаннам̣ аанисам̣саанам̣, гааран̣аа мунибун̇г̇аво.
Pañcannaṃ ānisaṃsānaṃ, kāraṇā munipuṅgavo.
2698.
2698.
на улликид̇амад̇д̇аад̣̇и-жад̇увийсад̇иваж̇ж̇ид̇ам̣;
Na ullikhitamattādi-catuvīsativajjitaṃ;
жийварам̣ бхигкунаад̣̇ааяа, уд̣̇д̇харид̇ваа бураан̣агам̣.
Cīvaraṃ bhikkhunādāya, uddharitvā purāṇakaṃ.
2699.
2699.
навам̣ ад̇хидтахид̇ваава, вад̇д̇аб̣б̣ам̣ важасаа буна;
Navaṃ adhiṭṭhahitvāva, vattabbaṃ vacasā puna;
‘‘иминаанд̇араваасзна, гат̇инам̣ ад̇т̇араами’’д̇и.
‘‘Imināntaravāsena, kathinaṃ attharāmi’’ti.
2700.
2700.
вуд̇д̇з д̇игкад̇д̇умижжзвам̣, гат̇инам̣ ход̇и ад̇т̇ад̇ам̣;
Vutte tikkhattumiccevaṃ, kathinaṃ hoti atthataṃ;
сан̇гхам̣ банубасан̇гамма, аад̣̇ааяа гат̇инам̣ ид̇и.
Saṅghaṃ panupasaṅkamma, ādāya kathinaṃ iti.
2701.
2701.
‘‘ад̇т̇ад̇ам̣ гат̇инам̣ бханд̇з, сан̇гхасса анумод̣̇ат̇а;
‘‘Atthataṃ kathinaṃ bhante, saṅghassa anumodatha;
д̇хаммиго гат̇инад̇т̇ааро’’, вад̇д̇аб̣б̣ам̣ д̇зна бхигкунаа.
Dhammiko kathinatthāro’’, vattabbaṃ tena bhikkhunā.
2702.
2702.
‘‘суад̇т̇ад̇ам̣ д̇аяаа бханд̇з, сан̇гхасса гат̇инам̣ буна;
‘‘Suatthataṃ tayā bhante, saṅghassa kathinaṃ puna;
д̇хаммиго гат̇инад̇т̇ааро, анумод̣̇аами’’д̇ийраяз.
Dhammiko kathinatthāro, anumodāmi’’tīraye.
2703.
2703.
гат̇инасса жа гим̣ муулам̣, гим̣ вад̇т̇у гаа жа бхуумияо;
Kathinassa ca kiṃ mūlaṃ, kiṃ vatthu kā ca bhūmiyo;
гад̇ид̇хаммавид̣̇о бхигку, гат̇инад̇т̇аарамарахад̇и.
Katidhammavido bhikkhu, kathinatthāramarahati.
2704.
2704.
мууламзгам̣, сияаа вад̇т̇у, д̇ивид̇хам̣, бхуумияо ча жа;
Mūlamekaṃ, siyā vatthu, tividhaṃ, bhūmiyo cha ca;
адтад̇хаммавид̣̇о бхигку, гат̇инад̇т̇аарамарахад̇и.
Aṭṭhadhammavido bhikkhu, kathinatthāramarahati.
2705.
2705.
сан̇гхо мууланд̇и нид̣̇д̣̇идтам̣, вад̇т̇у ход̇и д̇ижийварам̣;
Saṅgho mūlanti niddiṭṭhaṃ, vatthu hoti ticīvaraṃ;
комаад̣̇ийни ча вуд̇д̇аани, жийвараани ча бхуумияо.
Khomādīni cha vuttāni, cīvarāni cha bhūmiyo.
2706.
2706.
буб̣б̣абажжуд̣̇д̇хараад̇хидтаа-над̇т̇ааро маад̇игааби жа;
Pubbapaccuddharādhiṭṭhā-natthāro mātikāpi ca;
балиб̣од̇хо жа уд̣̇д̇хааро, аанисам̣саа банадтимз.
Palibodho ca uddhāro, ānisaṃsā panaṭṭhime.
2707.
2707.
д̇хованан̃жа вижааро жа, чзд̣̇анам̣ б̣анд̇ханамби жа;
Dhovanañca vicāro ca, chedanaṃ bandhanampi ca;
сиб̣б̣анам̣ раж̇анам̣ габбам̣, ‘‘буб̣б̣агижжа’’нд̇и вужжад̇и.
Sibbanaṃ rajanaṃ kappaṃ, ‘‘pubbakicca’’nti vuccati.
2708.
2708.
сан̇гхаади уд̇д̇араасан̇г̇о, ат̇о анд̇араваасаго;
Saṅghāṭi uttarāsaṅgo, atho antaravāsako;
бажжуд̣̇д̇хааро ад̇хидтаанам̣, ад̇т̇ааробзсамзва д̇у.
Paccuddhāro adhiṭṭhānaṃ, atthāropesameva tu.
2709.
2709.
баггаманан̃жа нидтаанам̣, саннидтаанан̃жа наасанам̣;
Pakkamanañca niṭṭhānaṃ, sanniṭṭhānañca nāsanaṃ;
саванаасаа жа сиймаа жа, сахуб̣бхаарод̇и адтимаа.
Savanāsā ca sīmā ca, sahubbhāroti aṭṭhimā.
2710.
2710.
гад̇ажийварамаад̣̇ааяа, ааваасз нирабзгкаго;
Katacīvaramādāya, āvāse nirapekkhako;
ад̇игганд̇ааяа сиймааяа, ход̇и баггамананд̇игаа.
Atikkantāya sīmāya, hoti pakkamanantikā.
2711.
2711.
аанисам̣самат̇аад̣̇ааяа, вихаарз анабзгкаго;
Ānisaṃsamathādāya, vihāre anapekkhako;
г̇анд̇ваа бана вихаарам̣ со, ан̃н̃ам̣ сукавихааригам̣.
Gantvā pana vihāraṃ so, aññaṃ sukhavihārikaṃ.
2712.
2712.
д̇ад̇т̇а д̇ам̣ вихаранд̇ова, гарод̇и яад̣̇и жийварам̣;
Tattha taṃ viharantova, karoti yadi cīvaraṃ;
нидтид̇з жийварз д̇асмим̣, нидтаананд̇аад̇и вужжад̇и.
Niṭṭhite cīvare tasmiṃ, niṭṭhānantāti vuccati.
2713.
2713.
‘‘жийварам̣ на гариссаами, на бажжзссам̣ д̇амассамам̣’’;
‘‘Cīvaraṃ na karissāmi, na paccessaṃ tamassamaṃ’’;
звам̣ д̇у д̇хуранигкзбз, саннидтаананд̇игаа мад̇аа.
Evaṃ tu dhuranikkhepe, sanniṭṭhānantikā matā.
2714.
2714.
гат̇инажчаад̣̇анам̣ лад̣̇д̇хаа, ‘‘на бажжзсса’’нд̇и жз г̇ад̇о;
Kathinacchādanaṃ laddhā, ‘‘na paccessa’’nti ce gato;
гаронд̇ассзва надтам̣ ваа, д̣̇ад̣дхам̣ ваа наасананд̇игаа.
Karontasseva naṭṭhaṃ vā, daḍḍhaṃ vā nāsanantikā.
2715.
2715.
лад̣̇д̇хаанисам̣со саабзгко, б̣ахисиймам̣ г̇ад̇о бана;
Laddhānisaṃso sāpekkho, bahisīmaṃ gato pana;
сун̣аад̇и жанд̇аруб̣бхаарам̣, саа ход̇и савананд̇игаа.
Suṇāti cantarubbhāraṃ, sā hoti savanantikā.
2716.
2716.
жийвараасааяа багганд̇о, б̣ахисиймам̣ г̇ад̇о бана;
Cīvarāsāya pakkanto, bahisīmaṃ gato pana;
‘‘д̣̇ассаами жийварам̣ д̇уяхам̣’’, вуд̇д̇о савад̇и гзнажи.
‘‘Dassāmi cīvaraṃ tuyhaṃ’’, vutto savati kenaci.
2717.
2717.
буна вуд̇д̇з ‘‘на саггоми, д̣̇аад̇унд̇и д̇ава жийварам̣’’;
Puna vutte ‘‘na sakkomi, dātunti tava cīvaraṃ’’;
аасааяа чиннамад̇д̇ааяа, аасааважчзд̣̇игаа мад̇аа.
Āsāya chinnamattāya, āsāvacchedikā matā.
2718.
2718.
вассам̣вудтавихаарамхаа , вихааран̃н̃ам̣ г̇ад̇о сияаа;
Vassaṃvuṭṭhavihāramhā , vihāraññaṃ gato siyā;
ааг̇ажчам̣ анд̇араамаг̇г̇з, д̇ад̣̇уд̣̇д̇хаарамад̇иггамз.
Āgacchaṃ antarāmagge, taduddhāramatikkame.
2719.
2719.
д̇асса со гат̇инуд̣̇д̇хааро, сиймаад̇игганд̇иго мад̇о;
Tassa so kathinuddhāro, sīmātikkantiko mato;
гат̇инаанисам̣самаад̣̇ааяа, саабзгкова сажз г̇ад̇о.
Kathinānisaṃsamādāya, sāpekkhova sace gato.
2720.
2720.
самбхун̣аад̇и бунааг̇анд̇ваа, гат̇инуд̣̇д̇хаарамзва жз;
Sambhuṇāti punāgantvā, kathinuddhārameva ce;
д̇асса со гат̇инуд̣̇д̇хааро, ‘‘сахуб̣бхааро’’д̇и вужжад̇и.
Tassa so kathinuddhāro, ‘‘sahubbhāro’’ti vuccati.
2721.
2721.
баггаманан̃жа нидтаанам̣, саннидтаанан̃жа сиймад̇о;
Pakkamanañca niṭṭhānaṃ, sanniṭṭhānañca sīmato;
жад̇д̇ааро буг̇г̇алаад̇хийнаа, сан̇гхаад̇хийнанд̇аруб̣бхаро.
Cattāro puggalādhīnā, saṅghādhīnantarubbharo.
2722.
2722.
наасанам̣ саванан̃жзва, аасааважчзд̣̇игааби жа;
Nāsanaṃ savanañceva, āsāvacchedikāpi ca;
д̇аяоби гат̇инуб̣бхаараа, на д̇у сан̇гхаа, на бхигкуд̇о.
Tayopi kathinubbhārā, na tu saṅghā, na bhikkhuto.
2723.
2723.
ааваасабалиб̣од̇хо жа, балиб̣од̇хо жа жийварз;
Āvāsapalibodho ca, palibodho ca cīvare;
балиб̣од̇хаа д̣̇увз вуд̇д̇аа, яуд̇д̇амуд̇д̇ад̇т̇аваад̣̇инаа.
Palibodhā duve vuttā, yuttamuttatthavādinā.
2724.
2724.
адтаннам̣ маад̇игаанам̣ ваа, анд̇аруб̣бхаарад̇оби ваа;
Aṭṭhannaṃ mātikānaṃ vā, antarubbhāratopi vā;
уб̣бхаарааби д̣̇увз вуд̇д̇аа, гат̇инасса махзсинаа.
Ubbhārāpi duve vuttā, kathinassa mahesinā.
2725.
2725.
анааманд̇аасамаад̣̇аанам̣, г̇ан̣ад̇о яаавад̣̇ад̇т̇игам̣;
Anāmantāsamādānaṃ, gaṇato yāvadatthikaṃ;
д̇ад̇т̇а яо жийваруббаад̣̇о, аанисам̣саа жа бан̃жимз.
Tattha yo cīvaruppādo, ānisaṃsā ca pañcime.
гат̇инагканд̇хагагат̇аа.
Kathinakkhandhakakathā.
