| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
ကထိနာဒိဇာနိတဗ္ဗဝိဘာဂဝဏ္ဏနာ
Kathinādijānitabbavibhāgavaṇṇanā
၄၁၂. တေသညေဝ ဓမ္မာနန္တိ ဧတ္ထ ဓမ္မာနံ သရူပံ ဒသ္သေန္တော အာဟ ‘‘ယေသု ရူပာဒိဓမ္မေသူ’’တိ။ တတ္ထ ရူပာဒိဓမ္မေသူတိ ဝဏ္ဏဂန္ဓာဒီသု သုဒ္ဓဋ္ဌကရူပကလာပဓမ္မေသု။ သတီတိ သန္တေသု။ တေသန္တိ ရူပာဒီနံ ဓမ္မာနံ။ ‘‘သမောဓာန’’န္တိ ဣမိနာ သင္ဂဟောတိ ပဒသ္သ အတ္ထံ ဒသ္သေတိ။ ‘‘မိသ္သီဘာဝော’’တိ ဣမိနာ သမဝာယောတိ ပဒသ္သ အတ္ထံ ဒသ္သေတိ။ အဝယဝဓမ္မာနံ သံ ဧကဘာဝသ္သ ဂဟဏံ သင္ဂဟော။ အဝယဝဓမ္မာနံ သမံ အယနံ ပဝတ္တနံ သမဝာယော။ ဗဟူသု ဓမ္မေသူတိ ဗဟူသု ပရမတ္ထပညတ္တိဓမ္မေသု။ နာမမတ္တန္တိ နာမပညတ္တိမတ္တံ။ ပုဗ္ဗေတိ ကထိနက္ခန္ဓကေ။
412.Tesaññeva dhammānanti ettha dhammānaṃ sarūpaṃ dassento āha ‘‘yesu rūpādidhammesū’’ti. Tattha rūpādidhammesūti vaṇṇagandhādīsu suddhaṭṭhakarūpakalāpadhammesu. Satīti santesu. Tesanti rūpādīnaṃ dhammānaṃ. ‘‘Samodhāna’’nti iminā saṅgahoti padassa atthaṃ dasseti. ‘‘Missībhāvo’’ti iminā samavāyoti padassa atthaṃ dasseti. Avayavadhammānaṃ saṃ ekabhāvassa gahaṇaṃ saṅgaho. Avayavadhammānaṃ samaṃ ayanaṃ pavattanaṃ samavāyo. Bahūsu dhammesūti bahūsu paramatthapaññattidhammesu. Nāmamattanti nāmapaññattimattaṃ. Pubbeti kathinakkhandhake.
‘‘ကာရဏေဟီ’’တိ ဣမိနာ အာကာရသဒ္ဒော ကာရဏတ္ထောတိ ဒသ္သေတိ။ ယန္တိ ဝစနံ။
‘‘Kāraṇehī’’ti iminā ākārasaddo kāraṇatthoti dasseti. Yanti vacanaṃ.
၄၁၆. ဥပ္ပဇ္ဇန္တီတိ ကထိနုဒ္ဓာရာ ဥပ္ပဇ္ဇန္တိ။ ကိန္တိ ကိံ အတ္ထဇာတံ။ သဗ္ဗေပိ ကထိနုဒ္ဓာရာတိ သမ္ဗန္ဓော။ ဟီတိ သစ္စံ, ယသ္မာ ဝာ။ ဧတ္ထာတိ ကထိနုဒ္ဓာရေသု။ ပုရိမာ ဒ္ဝေတိ အန္တရုဗ္ဘာရသဟုဗ္ဘာရဝသေန ပုရိမာ ဒ္ဝေ။ ဧတေသဉ္စာတိ ပုရိမာနံ ဒ္ဝိန္နဉ္စ။ ဣတရေတိ အဝသေသာ ကထိနုဒ္ဓာရာ။ တေသုပီတိ ဣတရေသု ကထိနုဒ္ဓာရေသု။ သဗ္ဗတ္ထာတိ သဗ္ဗသ္မိံ ကထိနဝိနိစ္ဆယေ။
416.Uppajjantīti kathinuddhārā uppajjanti. Kinti kiṃ atthajātaṃ. Sabbepi kathinuddhārāti sambandho. Hīti saccaṃ, yasmā vā. Etthāti kathinuddhāresu. Purimā dveti antarubbhārasahubbhāravasena purimā dve. Etesañcāti purimānaṃ dvinnañca. Itareti avasesā kathinuddhārā. Tesupīti itaresu kathinuddhāresu. Sabbatthāti sabbasmiṃ kathinavinicchaye.
ဣတိ သမန္တပာသာဒိကာယ ဝိနယသံဝဏ္ဏနာယ
Iti samantapāsādikāya vinayasaṃvaṇṇanāya
ပညတ္တိဝဂ္ဂဝဏ္ဏနာယ
Paññattivaggavaṇṇanāya
ယောဇနာ သမတ္တာ။
Yojanā samattā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi
၄. ကထိနာဒိဇာနိတဗ္ဗဝိဘာဂော • 4. Kathinādijānitabbavibhāgo
၆. ပလိဗောဓပဉ္ဟာဗ္ယာကရဏံ • 6. Palibodhapañhābyākaraṇaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / ကထိနာဒိဇာနိတဗ္ဗဝိဘာဂဝဏ္ဏနာ • Kathinādijānitabbavibhāgavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ကထိနဘေဒဝဏ္ဏနာ • Kathinabhedavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā
ကထိနာဒိဇာနိတဗ္ဗဝိဘာဂဝဏ္ဏနာ • Kathinādijānitabbavibhāgavaṇṇanā
ပလိဗောဓပဉ္ဟာဗ္ယာကရဏကထာဝဏ္ဏနာ • Palibodhapañhābyākaraṇakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ကထိနာဒိဇာနိတဗ္ဗဝိဘာဂဝဏ္ဏနာ • Kathinādijānitabbavibhāgavaṇṇanā
