| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
ဥပာလိပဉ္စကံ
Upālipañcakaṃ
အနိသ္သိတဝဂ္ဂဝဏ္ဏနာ
Anissitavaggavaṇṇanā
၄၁၇. ဥပာလိပဉ္ဟေသု ‘‘ကတိ ဟိ နု ခော ဘန္တေ’’တိ ပုစ္ဆာယ သမ္ဗန္ဓော နတ္ထီတိ ကသ္သစိ မညနံ နိဝာရေန္တော အာဟ ‘‘အယ သမ္ဗန္ဓော’’တိ။ ထေရောတိ ဥပာလိတ္ထေရော, ပုစ္ဆီတိ သမ္ဗန္ဓော။ ဣမေသန္တိ ပဉ္စကာနံ တန္တိန္တိ သမ္ဗန္ဓော။ ကေသံ အတ္ထာယ တန္တိံ ဌပေသ္သာမီတိ အာဟ ‘‘နိသ္သာယ ဝသနကာရီနံ အတ္ထာယာ’’တိ။ ဝသနကာရီနံ ဘိက္ခူနန္တိ သမ္ဗန္ဓော။ တေသန္တိ ပဉ္ဟာနံ။
417. Upālipañhesu ‘‘kati hi nu kho bhante’’ti pucchāya sambandho natthīti kassaci maññanaṃ nivārento āha ‘‘aya sambandho’’ti. Theroti upālitthero, pucchīti sambandho. Imesanti pañcakānaṃ tantinti sambandho. Kesaṃ atthāya tantiṃ ṭhapessāmīti āha ‘‘nissāya vasanakārīnaṃ atthāyā’’ti. Vasanakārīnaṃ bhikkhūnanti sambandho. Tesanti pañhānaṃ.
အာပန္နော ကမ္မကတောတိ ဧတ္ထ ‘‘အာပန္နော’’တိ ပဒံ ‘‘ကမ္မကတော’’တိ ပဒသ္သ ကာရဏဒသ္သနန္တိ အာဟ ‘‘အာပတ္တိံ အာပန္နော, တပ္ပစ္စယာဝ သင္ဃေန ကမ္မံ ကတံ ဟောတီ’’တိ။ တပ္ပစ္စယာဝာတိ တံအာပတ္တိအာပန္နသင္ခာတာ ကာရဏာ ဧဝ။
Āpannokammakatoti ettha ‘‘āpanno’’ti padaṃ ‘‘kammakato’’ti padassa kāraṇadassananti āha ‘‘āpattiṃ āpanno, tappaccayāva saṅghena kammaṃ kataṃ hotī’’ti. Tappaccayāvāti taṃāpattiāpannasaṅkhātā kāraṇā eva.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi / ၁. အနိသ္သိတဝဂ္ဂော • 1. Anissitavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / အနိသ္သိတဝဂ္ဂဝဏ္ဏနာ • Anissitavaggavaṇṇanā
