| Library / Tipiṭaka / तिपिटक • Tipiṭaka / पाचित्यादियोजनापाळि • Pācityādiyojanāpāḷi |
कथिनादिजानितब्बविभागवण्णना
Kathinādijānitabbavibhāgavaṇṇanā
४१२. तेसञ्ञेव धम्मानन्ति एत्थ धम्मानं सरूपं दस्सेन्तो आह ‘‘येसु रूपादिधम्मेसू’’ति। तत्थ रूपादिधम्मेसूति वण्णगन्धादीसु सुद्धट्ठकरूपकलापधम्मेसु। सतीति सन्तेसु। तेसन्ति रूपादीनं धम्मानं। ‘‘समोधान’’न्ति इमिना सङ्गहोति पदस्स अत्थं दस्सेति। ‘‘मिस्सीभावो’’ति इमिना समवायोति पदस्स अत्थं दस्सेति। अवयवधम्मानं सं एकभावस्स गहणं सङ्गहो। अवयवधम्मानं समं अयनं पवत्तनं समवायो। बहूसु धम्मेसूति बहूसु परमत्थपञ्ञत्तिधम्मेसु। नाममत्तन्ति नामपञ्ञत्तिमत्तं। पुब्बेति कथिनक्खन्धके।
412.Tesaññeva dhammānanti ettha dhammānaṃ sarūpaṃ dassento āha ‘‘yesu rūpādidhammesū’’ti. Tattha rūpādidhammesūti vaṇṇagandhādīsu suddhaṭṭhakarūpakalāpadhammesu. Satīti santesu. Tesanti rūpādīnaṃ dhammānaṃ. ‘‘Samodhāna’’nti iminā saṅgahoti padassa atthaṃ dasseti. ‘‘Missībhāvo’’ti iminā samavāyoti padassa atthaṃ dasseti. Avayavadhammānaṃ saṃ ekabhāvassa gahaṇaṃ saṅgaho. Avayavadhammānaṃ samaṃ ayanaṃ pavattanaṃ samavāyo. Bahūsu dhammesūti bahūsu paramatthapaññattidhammesu. Nāmamattanti nāmapaññattimattaṃ. Pubbeti kathinakkhandhake.
‘‘कारणेही’’ति इमिना आकारसद्दो कारणत्थोति दस्सेति। यन्ति वचनं।
‘‘Kāraṇehī’’ti iminā ākārasaddo kāraṇatthoti dasseti. Yanti vacanaṃ.
४१६. उप्पज्जन्तीति कथिनुद्धारा उप्पज्जन्ति। किन्ति किं अत्थजातं। सब्बेपि कथिनुद्धाराति सम्बन्धो। हीति सच्चं, यस्मा वा। एत्थाति कथिनुद्धारेसु। पुरिमा द्वेति अन्तरुब्भारसहुब्भारवसेन पुरिमा द्वे। एतेसञ्चाति पुरिमानं द्विन्नञ्च। इतरेति अवसेसा कथिनुद्धारा। तेसुपीति इतरेसु कथिनुद्धारेसु। सब्बत्थाति सब्बस्मिं कथिनविनिच्छये।
416.Uppajjantīti kathinuddhārā uppajjanti. Kinti kiṃ atthajātaṃ. Sabbepi kathinuddhārāti sambandho. Hīti saccaṃ, yasmā vā. Etthāti kathinuddhāresu. Purimā dveti antarubbhārasahubbhāravasena purimā dve. Etesañcāti purimānaṃ dvinnañca. Itareti avasesā kathinuddhārā. Tesupīti itaresu kathinuddhāresu. Sabbatthāti sabbasmiṃ kathinavinicchaye.
इति समन्तपासादिकाय विनयसंवण्णनाय
Iti samantapāsādikāya vinayasaṃvaṇṇanāya
पञ्ञत्तिवग्गवण्णनाय
Paññattivaggavaṇṇanāya
योजना समत्ता।
Yojanā samattā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / परिवारपाळि • Parivārapāḷi
४. कथिनादिजानितब्बविभागो • 4. Kathinādijānitabbavibhāgo
६. पलिबोधपञ्हाब्याकरणं • 6. Palibodhapañhābyākaraṇaṃ
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / परिवार-अट्ठकथा • Parivāra-aṭṭhakathā / कथिनादिजानितब्बविभागवण्णना • Kathinādijānitabbavibhāgavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / कथिनभेदवण्णना • Kathinabhedavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā
कथिनादिजानितब्बविभागवण्णना • Kathinādijānitabbavibhāgavaṇṇanā
पलिबोधपञ्हाब्याकरणकथावण्णना • Palibodhapañhābyākaraṇakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / कथिनादिजानितब्बविभागवण्णना • Kathinādijānitabbavibhāgavaṇṇanā
