| Library / Tipiṭaka / तिपिटक • Tipiṭaka / पाचित्यादियोजनापाळि • Pācityādiyojanāpāḷi |
उपालिपञ्चकं
Upālipañcakaṃ
अनिस्सितवग्गवण्णना
Anissitavaggavaṇṇanā
४१७. उपालिपञ्हेसु ‘‘कति हि नु खो भन्ते’’ति पुच्छाय सम्बन्धो नत्थीति कस्सचि मञ्ञनं निवारेन्तो आह ‘‘अय सम्बन्धो’’ति। थेरोति उपालित्थेरो, पुच्छीति सम्बन्धो। इमेसन्ति पञ्चकानं तन्तिन्ति सम्बन्धो। केसं अत्थाय तन्तिं ठपेस्सामीति आह ‘‘निस्साय वसनकारीनं अत्थाया’’ति। वसनकारीनं भिक्खूनन्ति सम्बन्धो। तेसन्ति पञ्हानं।
417. Upālipañhesu ‘‘kati hi nu kho bhante’’ti pucchāya sambandho natthīti kassaci maññanaṃ nivārento āha ‘‘aya sambandho’’ti. Theroti upālitthero, pucchīti sambandho. Imesanti pañcakānaṃ tantinti sambandho. Kesaṃ atthāya tantiṃ ṭhapessāmīti āha ‘‘nissāya vasanakārīnaṃ atthāyā’’ti. Vasanakārīnaṃ bhikkhūnanti sambandho. Tesanti pañhānaṃ.
आपन्नो कम्मकतोति एत्थ ‘‘आपन्नो’’ति पदं ‘‘कम्मकतो’’ति पदस्स कारणदस्सनन्ति आह ‘‘आपत्तिं आपन्नो, तप्पच्चयाव सङ्घेन कम्मं कतं होती’’ति। तप्पच्चयावाति तंआपत्तिआपन्नसङ्खाता कारणा एव।
Āpannokammakatoti ettha ‘‘āpanno’’ti padaṃ ‘‘kammakato’’ti padassa kāraṇadassananti āha ‘‘āpattiṃ āpanno, tappaccayāva saṅghena kammaṃ kataṃ hotī’’ti. Tappaccayāvāti taṃāpattiāpannasaṅkhātā kāraṇā eva.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / परिवारपाळि • Parivārapāḷi / १. अनिस्सितवग्गो • 1. Anissitavaggo
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / परिवार-अट्ठकथा • Parivāra-aṭṭhakathā / अनिस्सितवग्गवण्णना • Anissitavaggavaṇṇanā
