| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੨. ਉਪਾਸਕવਗ੍ਗੋ
2. Upāsakavaggo
੧. ਕਸਿਭਾਰਦ੍વਾਜਸੁਤ੍ਤਂ
1. Kasibhāradvājasuttaṃ
੧੯੭. ਏવਂ ਮੇ ਸੁਤਂ – ਏਕਂ ਸਮਯਂ ਭਗવਾ ਮਗਧੇਸੁ વਿਹਰਤਿ ਦਕ੍ਖਿਣਾਗਿਰਿਸ੍ਮਿਂ ਏਕਨਾਲ਼ਾਯਂ ਬ੍ਰਾਹ੍ਮਣਗਾਮੇ। ਤੇਨ ਖੋ ਪਨ ਸਮਯੇਨ ਕਸਿਭਾਰਦ੍વਾਜਸ੍ਸ 1 ਬ੍ਰਾਹ੍ਮਣਸ੍ਸ ਪਞ੍ਚਮਤ੍ਤਾਨਿ ਨਙ੍ਗਲਸਤਾਨਿ ਪਯੁਤ੍ਤਾਨਿ ਹੋਨ੍ਤਿ વਪ੍ਪਕਾਲੇ। ਅਥ ਖੋ ਭਗવਾ ਪੁਬ੍ਬਣ੍ਹਸਮਯਂ ਨਿવਾਸੇਤ੍વਾ ਪਤ੍ਤਚੀવਰਮਾਦਾਯ ਯੇਨ ਕਸਿਭਾਰਦ੍વਾਜਸ੍ਸ ਬ੍ਰਾਹ੍ਮਣਸ੍ਸ ਕਮ੍ਮਨ੍ਤੋ ਤੇਨੁਪਸਙ੍ਕਮਿ।
197. Evaṃ me sutaṃ – ekaṃ samayaṃ bhagavā magadhesu viharati dakkhiṇāgirismiṃ ekanāḷāyaṃ brāhmaṇagāme. Tena kho pana samayena kasibhāradvājassa 2 brāhmaṇassa pañcamattāni naṅgalasatāni payuttāni honti vappakāle. Atha kho bhagavā pubbaṇhasamayaṃ nivāsetvā pattacīvaramādāya yena kasibhāradvājassa brāhmaṇassa kammanto tenupasaṅkami.
ਤੇਨ ਖੋ ਪਨ ਸਮਯੇਨ ਕਸਿਭਾਰਦ੍વਾਜਸ੍ਸ ਬ੍ਰਾਹ੍ਮਣਸ੍ਸ ਪਰਿવੇਸਨਾ વਤ੍ਤਤਿ। ਅਥ ਖੋ ਭਗવਾ ਯੇਨ ਪਰਿવੇਸਨਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਏਕਮਨ੍ਤਂ ਅਟ੍ਠਾਸਿ। ਅਦ੍ਦਸਾ ਖੋ ਕਸਿਭਾਰਦ੍વਾਜੋ ਬ੍ਰਾਹ੍ਮਣੋ ਭਗવਨ੍ਤਂ ਪਿਣ੍ਡਾਯ ਠਿਤਂ। ਦਿਸ੍વਾ ਭਗવਨ੍ਤਂ ਏਤਦવੋਚ – ‘‘ਅਹਂ ਖੋ, ਸਮਣ, ਕਸਾਮਿ ਚ વਪਾਮਿ ਚ, ਕਸਿਤ੍વਾ ਚ વਪਿਤ੍વਾ ਚ ਭੁਞ੍ਜਾਮਿ। ਤ੍વਮ੍ਪਿ, ਸਮਣ, ਕਸਸ੍ਸੁ ਚ વਪਸ੍ਸੁ ਚ, ਕਸਿਤ੍વਾ ਚ વਪਿਤ੍વਾ ਚ ਭੁਞ੍ਜਸ੍ਸੂ’’ਤਿ। ‘‘ਅਹਮ੍ਪਿ ਖੋ, ਬ੍ਰਾਹ੍ਮਣ, ਕਸਾਮਿ ਚ વਪਾਮਿ ਚ, ਕਸਿਤ੍વਾ ਚ વਪਿਤ੍વਾ ਚ ਭੁਞ੍ਜਾਮੀ’’ਤਿ। ਨ ਖੋ ਮਯਂ ਪਸ੍ਸਾਮ ਭੋਤੋ ਗੋਤਮਸ੍ਸ ਯੁਗਂ વਾ ਨਙ੍ਗਲਂ વਾ ਫਾਲਂ વਾ ਪਾਚਨਂ વਾ ਬਲੀਬਦ੍ਦੇ વਾ, ਅਥ ਚ ਪਨ ਭવਂ ਗੋਤਮੋ ਏવਮਾਹ – ‘‘ਅਹਮ੍ਪਿ ਖੋ, ਬ੍ਰਾਹ੍ਮਣ, ਕਸਾਮਿ ਚ વਪਾਮਿ ਚ, ਕਸਿਤ੍વਾ ਚ વਪਿਤ੍વਾ ਚ ਭੁਞ੍ਜਾਮੀ’’ਤਿ । ਅਥ ਖੋ ਕਸਿਭਾਰਦ੍વਾਜੋ ਬ੍ਰਾਹ੍ਮਣੋ ਭਗવਨ੍ਤਂ ਗਾਥਾਯ ਅਜ੍ਝਭਾਸਿ –
Tena kho pana samayena kasibhāradvājassa brāhmaṇassa parivesanā vattati. Atha kho bhagavā yena parivesanā tenupasaṅkami; upasaṅkamitvā ekamantaṃ aṭṭhāsi. Addasā kho kasibhāradvājo brāhmaṇo bhagavantaṃ piṇḍāya ṭhitaṃ. Disvā bhagavantaṃ etadavoca – ‘‘ahaṃ kho, samaṇa, kasāmi ca vapāmi ca, kasitvā ca vapitvā ca bhuñjāmi. Tvampi, samaṇa, kasassu ca vapassu ca, kasitvā ca vapitvā ca bhuñjassū’’ti. ‘‘Ahampi kho, brāhmaṇa, kasāmi ca vapāmi ca, kasitvā ca vapitvā ca bhuñjāmī’’ti. Na kho mayaṃ passāma bhoto gotamassa yugaṃ vā naṅgalaṃ vā phālaṃ vā pācanaṃ vā balībadde vā, atha ca pana bhavaṃ gotamo evamāha – ‘‘ahampi kho, brāhmaṇa, kasāmi ca vapāmi ca, kasitvā ca vapitvā ca bhuñjāmī’’ti . Atha kho kasibhāradvājo brāhmaṇo bhagavantaṃ gāthāya ajjhabhāsi –
‘‘ਕਸ੍ਸਕੋ ਪਟਿਜਾਨਾਸਿ, ਨ ਚ ਪਸ੍ਸਾਮਿ ਤੇ ਕਸਿਂ।
‘‘Kassako paṭijānāsi, na ca passāmi te kasiṃ;
ਕਸ੍ਸਕੋ ਪੁਚ੍ਛਿਤੋ ਬ੍ਰੂਹਿ, ਕਥਂ ਜਾਨੇਮੁ ਤਂ ਕਸਿ’’ਨ੍ਤਿ॥
Kassako pucchito brūhi, kathaṃ jānemu taṃ kasi’’nti.
‘‘ਸਦ੍ਧਾ ਬੀਜਂ ਤਪੋ વੁਟ੍ਠਿ, ਪਞ੍ਞਾ ਮੇ ਯੁਗਨਙ੍ਗਲਂ।
‘‘Saddhā bījaṃ tapo vuṭṭhi, paññā me yuganaṅgalaṃ;
ਹਿਰੀ ਈਸਾ ਮਨੋ ਯੋਤ੍ਤਂ, ਸਤਿ ਮੇ ਫਾਲਪਾਚਨਂ॥
Hirī īsā mano yottaṃ, sati me phālapācanaṃ.
‘‘ਕਾਯਗੁਤ੍ਤੋ વਚੀਗੁਤ੍ਤੋ, ਆਹਾਰੇ ਉਦਰੇ ਯਤੋ।
‘‘Kāyagutto vacīgutto, āhāre udare yato;
ਸਚ੍ਚਂ ਕਰੋਮਿ ਨਿਦ੍ਦਾਨਂ, ਸੋਰਚ੍ਚਂ ਮੇ ਪਮੋਚਨਂ॥
Saccaṃ karomi niddānaṃ, soraccaṃ me pamocanaṃ.
‘‘વੀਰਿਯਂ ਮੇ ਧੁਰਧੋਰਯ੍ਹਂ, ਯੋਗਕ੍ਖੇਮਾਧਿવਾਹਨਂ।
‘‘Vīriyaṃ me dhuradhorayhaṃ, yogakkhemādhivāhanaṃ;
ਗਚ੍ਛਤਿ ਅਨਿવਤ੍ਤਨ੍ਤਂ, ਯਤ੍ਥ ਗਨ੍ਤ੍વਾ ਨ ਸੋਚਤਿ॥
Gacchati anivattantaṃ, yattha gantvā na socati.
‘‘ਏવਮੇਸਾ ਕਸੀ ਕਟ੍ਠਾ, ਸਾ ਹੋਤਿ ਅਮਤਪ੍ਫਲਾ।
‘‘Evamesā kasī kaṭṭhā, sā hoti amatapphalā;
ਏਤਂ ਕਸਿਂ ਕਸਿਤ੍વਾਨ, ਸਬ੍ਬਦੁਕ੍ਖਾ ਪਮੁਚ੍ਚਤੀ’’ਤਿ॥
Etaṃ kasiṃ kasitvāna, sabbadukkhā pamuccatī’’ti.
‘‘ਭੁਞ੍ਜਤੁ ਭવਂ ਗੋਤਮੋ। ਕਸ੍ਸਕੋ ਭવਂ। ਯਞ੍ਹਿ ਭવਂ ਗੋਤਮੋ ਅਮਤਪ੍ਫਲਮ੍ਪਿ ਕਸਿਂ ਕਸਤੀ’’ਤਿ 3।
‘‘Bhuñjatu bhavaṃ gotamo. Kassako bhavaṃ. Yañhi bhavaṃ gotamo amatapphalampi kasiṃ kasatī’’ti 4.
‘‘ਗਾਥਾਭਿਗੀਤਂ ਮੇ ਅਭੋਜਨੇਯ੍ਯਂ,
‘‘Gāthābhigītaṃ me abhojaneyyaṃ,
ਸਮ੍ਪਸ੍ਸਤਂ ਬ੍ਰਾਹ੍ਮਣ ਨੇਸ ਧਮ੍ਮੋ।
Sampassataṃ brāhmaṇa nesa dhammo;
ਗਾਥਾਭਿਗੀਤਂ ਪਨੁਦਨ੍ਤਿ ਬੁਦ੍ਧਾ,
Gāthābhigītaṃ panudanti buddhā,
ਧਮ੍ਮੇ ਸਤਿ ਬ੍ਰਾਹ੍ਮਣ વੁਤ੍ਤਿਰੇਸਾ॥
Dhamme sati brāhmaṇa vuttiresā.
‘‘ਅਞ੍ਞੇਨ ਚ ਕੇવਲਿਨਂ ਮਹੇਸਿਂ,
‘‘Aññena ca kevalinaṃ mahesiṃ,
ਖੀਣਾਸવਂ ਕੁਕ੍ਕੁਚ੍ਚવੂਪਸਨ੍ਤਂ।
Khīṇāsavaṃ kukkuccavūpasantaṃ;
ਅਨ੍ਨੇਨ ਪਾਨੇਨ ਉਪਟ੍ਠਹਸ੍ਸੁ,
Annena pānena upaṭṭhahassu,
ਖੇਤ੍ਤਞ੍ਹਿ ਤਂ ਪੁਞ੍ਞਪੇਕ੍ਖਸ੍ਸ ਹੋਤੀ’’ਤਿ॥
Khettañhi taṃ puññapekkhassa hotī’’ti.
ਏવਂ વੁਤ੍ਤੇ, ਕਸਿਭਾਰਦ੍વਾਜੋ ਬ੍ਰਾਹ੍ਮਣੋ ਭਗવਨ੍ਤਂ ਏਤਦવੋਚ – ‘‘ਅਭਿਕ੍ਕਨ੍ਤਂ, ਭੋ ਗੋਤਮ…ਪੇ॰… ਅਜ੍ਜਤਗ੍ਗੇ ਪਾਣੁਪੇਤਂ ਸਰਣਂ ਗਤ’’ਨ੍ਤਿ।
Evaṃ vutte, kasibhāradvājo brāhmaṇo bhagavantaṃ etadavoca – ‘‘abhikkantaṃ, bho gotama…pe… ajjatagge pāṇupetaṃ saraṇaṃ gata’’nti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਕਸਿਭਾਰਦ੍વਾਜਸੁਤ੍ਤવਣ੍ਣਨਾ • 1. Kasibhāradvājasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਕਸਿਭਾਰਦ੍વਾਜਸੁਤ੍ਤવਣ੍ਣਨਾ • 1. Kasibhāradvājasuttavaṇṇanā
