| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
৩৭৫. কপোতজাতকং (৫-৩-৫)
375. Kapotajātakaṃ (5-3-5)
১৩৫.
135.
ইদানি খোম্হি সুখিতো অরোগো, নিক্কণ্টকো নিপ্পতিতো কপোতো।
Idāni khomhi sukhito arogo, nikkaṇṭako nippatito kapoto;
কাহামি দানী হদযস্স তুট্ঠিং, তথাহিমং মংসসাকং বলেতি॥
Kāhāmi dānī hadayassa tuṭṭhiṃ, tathāhimaṃ maṃsasākaṃ baleti.
১৩৬.
136.
কাযং বলাকা সিখিনো, চোরী লঙ্ঘিপিতামহা।
Kāyaṃ balākā sikhino, corī laṅghipitāmahā;
ওরং বলাকে আগচ্ছ, চণ্ডো মে ৰাযসো সখা॥
Oraṃ balāke āgaccha, caṇḍo me vāyaso sakhā.
১৩৭.
137.
অলঞ্হি তে জগ্ঘিতাযে, মমং দিস্ৰান এদিসং।
Alañhi te jagghitāye, mamaṃ disvāna edisaṃ;
১৩৮.
138.
সুন্হাতো সুৰিলিত্তোসি, অন্নপানেন তপ্পিতো।
Sunhāto suvilittosi, annapānena tappito;
কণ্ঠে চ তে ৰেল়ুরিযো, অগমা নু কজঙ্গলং॥
Kaṇṭhe ca te veḷuriyo, agamā nu kajaṅgalaṃ.
১৩৯.
139.
মা তে মিত্তো অমিত্তো ৰা, অগমাসি কজঙ্গলং।
Mā te mitto amitto vā, agamāsi kajaṅgalaṃ;
পিঞ্ছানি তত্থ লাযিত্ৰা, কণ্ঠে বন্ধন্তি ৰট্টনং॥
Piñchāni tattha lāyitvā, kaṇṭhe bandhanti vaṭṭanaṃ.
১৪০.
140.
পুনপাপজ্জসী সম্ম, সীলঞ্হি তৰ তাদিসং।
Punapāpajjasī samma, sīlañhi tava tādisaṃ;
ন হি মানুসকা ভোগা, সুভুঞ্জা হোন্তি পক্খিনাতি॥
Na hi mānusakā bhogā, subhuñjā honti pakkhināti.
কপোতজাতকং পঞ্চমং।
Kapotajātakaṃ pañcamaṃ.
অড্ঢৰগ্গো ততিযো।
Aḍḍhavaggo tatiyo.
তস্সুদ্দানং –
Tassuddānaṃ –
অথ ৰণ্ণ সসীল হিরি লভতে, সুমুখা ৰিস সাল়িযমিত্তৰরো।
Atha vaṇṇa sasīla hiri labhate, sumukhā visa sāḷiyamittavaro;
অথ চক্ক পলাস সরাজ সতো, যৰ বাল কপোতক পন্নরসাতি॥
Atha cakka palāsa sarāja sato, yava bāla kapotaka pannarasāti.
অথ ৰগ্গুদ্দানং –
Atha vagguddānaṃ –
জীনঞ্চ ৰণ্ণং অসমংৰগুপ্পরি, সুদেসিতা জাতকন্তি সন্তি ৰীসতি 3।
Jīnañca vaṇṇaṃ asamaṃvaguppari, sudesitā jātakanti santi vīsati 4;
মহেসিনো ব্রহ্মচরিত্তমুত্ত-মৰোচ গাথা অত্থৰতী সুব্যঞ্জনাতি॥
Mahesino brahmacarittamutta-mavoca gāthā atthavatī subyañjanāti.
পঞ্চকনিপাতং নিট্ঠিতং।
Pañcakanipātaṃ niṭṭhitaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৩৭৫] ৫. কপোতজাতকৰণ্ণনা • [375] 5. Kapotajātakavaṇṇanā
