| Library / Tipiṭaka / တိပိဋက • Tipiṭaka / စရိယာပိဋကပာဠိ • Cariyāpiṭakapāḷi |
၇. ကပိရာဇစရိယာ
7. Kapirājacariyā
၆၇.
67.
‘‘ယဒာ အဟံ ကပိ အာသိံ၊ နဒီကူလေ ဒရီသယေ။
‘‘Yadā ahaṃ kapi āsiṃ, nadīkūle darīsaye;
ပီဠိတော သုသုမာရေန၊ ဂမနံ န လဘာမဟံ။
Pīḷito susumārena, gamanaṃ na labhāmahaṃ.
၆၈.
68.
‘‘ယမ္ဟောကာသေ အဟံ ဌတ္ဝာ၊ ဩရာ ပာရံ ပတာမဟံ။
‘‘Yamhokāse ahaṃ ṭhatvā, orā pāraṃ patāmahaṃ;
တတ္ထစ္ဆိ သတ္တု ဝဓကော၊ ကုမ္ဘီလော လုဒ္ဒဒသ္သနော။
Tatthacchi sattu vadhako, kumbhīlo luddadassano.
၆၉.
69.
‘‘သော မံ အသံသိ ‘ဧဟီ’တိ၊ ‘အဟံပေမီ’တိ တံ ဝတိံ။
‘‘So maṃ asaṃsi ‘ehī’ti, ‘ahaṃpemī’ti taṃ vatiṃ;
တသ္သ မတ္ထကမက္ကမ္မ၊ ပရကူလေ ပတိဋ္ဌဟိံ။
Tassa matthakamakkamma, parakūle patiṭṭhahiṃ.
၇၀.
70.
‘‘န တသ္သ အလိကံ ဘဏိတံ၊ ယထာ ဝာစံ အကာသဟံ။
‘‘Na tassa alikaṃ bhaṇitaṃ, yathā vācaṃ akāsahaṃ;
သစ္စေန မေ သမော နတ္ထိ၊ ဧသာ မေ သစ္စပာရမီ’’တိ။
Saccena me samo natthi, esā me saccapāramī’’ti.
ကပိရာဇစရိယံ သတ္တမံ။
Kapirājacariyaṃ sattamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / စရိယာပိဋက-အဋ္ဌကထာ • Cariyāpiṭaka-aṭṭhakathā / ၇. ကပိရာဇစရိယာဝဏ္ဏနာ • 7. Kapirājacariyāvaṇṇanā
