| Library / Tipiṭaka / д̇ибидага • Tipiṭaka / жарияаабидагабаал̣и • Cariyāpiṭakapāḷi |
11. ган̣хад̣̇ийбааяанажарияаа
11. Kaṇhadīpāyanacariyā
92.
92.
‘‘бунаабарам̣ яад̣̇аа хоми, ган̣хад̣̇ийбааяано иси;
‘‘Punāparaṃ yadā homi, kaṇhadīpāyano isi;
баробан̃н̃аасавассаани, анабхирад̇ожарим̣ ахам̣.
Paropaññāsavassāni, anabhiratocariṃ ahaṃ.
93.
93.
‘‘на гожи зд̇ам̣ ж̇аанаад̇и, анабхирад̇иманам̣ мама;
‘‘Na koci etaṃ jānāti, anabhiratimanaṃ mama;
ахан̃хи гассажи наажигким̣, арад̇и мз жарад̇и маанасз.
Ahañhi kassaci nācikkhiṃ, arati me carati mānase.
94.
94.
‘‘саб̣рахмажаарий ман̣д̣аб̣яо, сахааяо мз махааиси;
‘‘Sabrahmacārī maṇḍabyo, sahāyo me mahāisi;
буб̣б̣агаммасамааяуд̇д̇о, сууламааробанам̣ лабхи.
Pubbakammasamāyutto, sūlamāropanaṃ labhi.
95.
95.
‘‘д̇амахам̣ убадтахид̇ваана, аарог̇яаманубаабаяим̣;
‘‘Tamahaṃ upaṭṭhahitvāna, ārogyamanupāpayiṃ;
аабужчид̇ваана ааг̇ан̃чим̣, яам̣ маяхам̣ сагамассамам̣.
Āpucchitvāna āgañchiṃ, yaṃ mayhaṃ sakamassamaṃ.
96.
96.
‘‘сахааяо б̣раахман̣о маяхам̣, бхарияам̣ аад̣̇ааяа буд̇д̇агам̣;
‘‘Sahāyo brāhmaṇo mayhaṃ, bhariyaṃ ādāya puttakaṃ;
д̇аяо ж̇анаа самааг̇анд̇ваа, ааг̇ан̃чум̣ баахунааг̇ад̇ам̣.
Tayo janā samāgantvā, āgañchuṃ pāhunāgataṃ.
97.
97.
‘‘саммод̣̇амаано д̇зхи саха, нисинно сагамассамз;
‘‘Sammodamāno tehi saha, nisinno sakamassame;
д̣̇аараго ваддаманугкибам̣, аасийвисамагобаяи.
Dārako vaṭṭamanukkhipaṃ, āsīvisamakopayi.
98.
98.
‘‘д̇ад̇о со ваддаг̇ад̇ам̣ маг̇г̇ам̣, анвзсанд̇о гумаараго;
‘‘Tato so vaṭṭagataṃ maggaṃ, anvesanto kumārako;
аасийвисасса хад̇т̇зна, уд̇д̇аман̇г̇ам̣ бараамаси.
Āsīvisassa hatthena, uttamaṅgaṃ parāmasi.
99.
99.
‘‘д̇асса аамасанз гуд̣̇д̇хо, саббо висаб̣алассид̇о;
‘‘Tassa āmasane kuddho, sappo visabalassito;
губид̇о барамагобзна, ад̣ам̣си д̣̇аарагам̣ кан̣з.
Kupito paramakopena, aḍaṃsi dārakaṃ khaṇe.
100.
100.
д̇знаахам̣ д̣̇угкид̇о аасим̣, мама ваахаси д̇ам̣ д̣̇угкам̣.
Tenāhaṃ dukkhito āsiṃ, mama vāhasi taṃ dukkhaṃ.
101.
101.
‘‘д̇яаахам̣ ассаасаяид̇ваана, д̣̇угкид̇з согасаллид̇з;
‘‘Tyāhaṃ assāsayitvāna, dukkhite sokasallite;
батамам̣ агаасим̣ гирияам̣, аг̇г̇ам̣ сажжам̣ варуд̇д̇амам̣.
Paṭhamaṃ akāsiṃ kiriyaṃ, aggaṃ saccaṃ varuttamaṃ.
102.
102.
‘‘‘сад̇д̇аахамзваахам̣ басаннажид̇д̇о, бун̃н̃ад̇т̇иго ажарим̣ б̣рахмажарияам̣;
‘‘‘Sattāhamevāhaṃ pasannacitto, puññatthiko acariṃ brahmacariyaṃ;
ат̇аабарам̣ яам̣ жарид̇ам̣ мамзд̣̇ам̣, вассаани бан̃н̃аасасамаад̇хигаани.
Athāparaṃ yaṃ caritaṃ mamedaṃ, vassāni paññāsasamādhikāni.
103.
103.
‘‘‘агаамаго ваахи ахам̣ жараами, зд̇зна сажжзна сувад̇т̇и ход̇у;
‘‘‘Akāmako vāhi ahaṃ carāmi, etena saccena suvatthi hotu;
хад̇ам̣ висам̣ ж̇ийвад̇у яан̃н̃ад̣̇ад̇д̇о’.
Hataṃ visaṃ jīvatu yaññadatto’.
104.
104.
‘‘саха сажжз гад̇з маяхам̣, висавзг̇зна взд̇хид̇о;
‘‘Saha sacce kate mayhaṃ, visavegena vedhito;
аб̣уж̇жхид̇ваана вудтааси, арог̇о жааси маан̣аво;
Abujjhitvāna vuṭṭhāsi, arogo cāsi māṇavo;
сажжзна мз само над̇т̇и, зсаа мз сажжабаарамий’’д̇и.
Saccena me samo natthi, esā me saccapāramī’’ti.
ган̣хад̣̇ийбааяанажарияам̣ згаад̣̇асамам̣.
Kaṇhadīpāyanacariyaṃ ekādasamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жарияаабидага-адтагат̇аа • Cariyāpiṭaka-aṭṭhakathā / 11. ган̣хад̣̇ийбааяанажарияааван̣н̣анаа • 11. Kaṇhadīpāyanacariyāvaṇṇanā
